Psalms 73
1 `The salm of Asaph. God of Israel is ful good; to hem that ben of riytful herte.
psalmus Asaph quam bonus Israhel Deus his qui recto sunt corde
2 But my feet weren moued almeest; my steppis weren sched out almeest.
mei autem paene moti sunt pedes paene effusi sunt gressus mei
3 For Y louede feruentli on wickid men; seynge the pees of synneris.
quia zelavi super iniquis pacem peccatorum videns
4 For biholdyng is not to the deth of hem; and stidefastnesse in the sikenesse of hem.
quia non est respectus morti eorum et firmamentum in plaga eorum
5 Thei ben not in the trauel of men; and thei schulen not be betun with men.
in labore hominum non sunt et cum hominibus non flagellabuntur
6 Therfore pride helde hem; thei weren hilid with her wickidnesse and vnfeithfulnesse.
ideo tenuit eos superbia operti sunt iniquitate et impietate sua
7 The wickidnesse of hem cam forth as of fatnesse; thei yeden in to desire of herte.
prodiet quasi ex adipe iniquitas eorum transierunt in affectum cordis
8 Thei thouyten and spaken weiwardnesse; thei spaken wickidnesse an hiy.
cogitaverunt et locuti sunt in nequitia iniquitatem in excelso locuti sunt
9 Thei puttiden her mouth in to heuene; and her tunge passide in erthe.
posuerunt in caelum os suum et lingua eorum transivit in terra
10 Therfor my puple schal be conuertid here; and fulle daies schulen be foundun in hem.
ideo convertetur populus meus hic et dies pleni invenientur in eis
11 And thei seiden, How woot God; and whether kunnyng is an heiye, `that is, in heuene?
et dixerunt quomodo scit Deus et si est scientia in Excelso
12 Lo! thilke synneris and hauynge aboundance in the world; helden richessis.
ecce ipsi peccatores et abundantes in saeculo obtinuerunt divitias
13 And Y seide, Therfor without cause Y iustifiede myn herte; and waischide myn hoondis among innocentis.
et dixi ergo sine causa iustificavi cor meum et lavi inter innocentes manus meas
14 And Y was betun al dai; and my chastisyng was in morutidis.
et fui flagellatus tota die et castigatio mea in matutino
15 If Y seide, Y schal telle thus; lo! Y repreuede the nacioun of thi sones.
si dicebam narrabo sic ecce nationem filiorum tuorum reprobavi
16 I gesside, that Y schulde knowe this; trauel is bifore me.
et existimabam cognoscere hoc labor est ante me
17 Til Y entre in to the seyntuarie of God; and vndurstonde in the last thingis of hem.
donec intrem in sanctuarium Dei intellegam in novissimis eorum
18 Netheles for gilis thou hast put to hem; thou castidist hem doun, while thei weren reisid.
verumtamen propter dolos posuisti eis deiecisti eos dum adlevarentur
19 Hou ben thei maad into desolacioun; thei failiden sodeynli, thei perischiden for her wickidnesse.
quomodo facti sunt in desolationem subito defecerunt perierunt propter iniquitatem suam
20 As the dreem of men that risen; Lord, thou schalt dryue her ymage to nouyt in thi citee.
velut somnium surgentium Domine in civitate tua imaginem ipsorum ad nihilum rediges
21 For myn herte is enflaumed, and my reynes ben chaungid;
quia inflammatum est cor meum et renes mei commutati sunt
22 and Y am dryuun to nouyt, and Y wiste not.
et ego ad nihilum redactus sum et nescivi
23 As a werk beeste Y am maad at thee; and Y am euere with thee.
ut iumentum factus sum apud te et ego semper tecum
24 Thou heldist my riythond, and in thi wille thou leddist me forth; and with glorie thou tokist me vp.
tenuisti manum dexteram meam et in voluntate tua deduxisti me et cum gloria suscepisti me
25 For whi what is to me in heuene; and what wolde Y of thee on erthe?
quid enim mihi est in caelo et a te quid volui super terram
26 Mi fleische and myn herte failide; God of myn herte, and my part is God withouten ende.
defecit caro mea et cor meum Deus cordis mei et pars mea Deus in aeternum
27 For lo! thei that drawen awei fer hem silf fro thee, `bi deedli synne, schulen perische; thou hast lost alle men that doen fornycacioun fro thee.
quia ecce qui elongant se a te peribunt perdidisti omnem qui fornicatur abs te
28 But it is good to me to cleue to God; and to sette myn hope in the Lord God. That Y telle alle thi prechyngis; in the yatis of the douyter of Syon.
mihi autem adherere Deo bonum est ponere in Domino Deo spem meam ut adnuntiem omnes praedicationes tuas in portis filiae Sion
