Job 5
1 “Call now; is there any who will answer you? To which of the holy ones will you turn?
“Mee waami, namni deebii siif kennu jiraa? Qulqulloota keessaas ati gara isa kamiitti gorta?
2 For resentment kills the foolish man, and jealousy kills the simple.
Nama gowwaa aariitu ajjeesa; raatuus hinaaffaatu galaafata.
3 I have seen the foolish taking root, but suddenly I cursed his habitation.
Namni gowwaan hidda isaa gad fageeffatee nan arge; manni isaa garuu yoosuma abaarame.
4 His children are far from safety. They are crushed in the gate. Neither is there any to deliver them,
Ijoolleen isaa nagaa hin qaban; isaan karra duratti burkutaaʼan; namni isaan oolchus hin jiru.
5 whose harvest the hungry eat up, and take it even out of the thorns. The snare gapes for their substance.
Namni beelaʼe midhaan isaa qoraattii keessaa iyyuu fuudhee nyaata; inni dheebotes qabeenya isaa hawwa.
6 For affliction doesn’t come out of the dust, neither does trouble spring out of the ground;
Rakkinni biyyoo keessaa hin burquutii; dhiphinnis lafa keessaa hin biqilu.
7 but man is born to trouble, as the sparks fly upward.
Akkuma qaanqeen ibiddaa ol facaʼu namni rakkinaaf dhalata.
8 “But as for me, I would seek God. I would commit my cause to God,
“Garuu utuu ana taʼee Waaqa nan barbaaddadha; dhimma koos fuula isaa duratti nan dhiʼeeffadhan ture.
9 who does great things that can’t be fathomed, marvelous things without number;
Inni dinqiiwwan qoranii bira gaʼuu hin dandeenye, hojiiwwan dinqisiisoo lakkaaʼamuu hin dandeenye hojjeta.
10 who gives rain on the earth, and sends waters on the fields;
Inni bokkaadhaan lafa ni quubsa; lafa qotiisaas bishaan ni obaasa.
11 so that he sets up on high those who are low, those who mourn are exalted to safety.
Warra gad qabaman ol baasa; warra gaddanis iddoo nagaatti ol kaasa.
12 He frustrates the plans of the crafty, so that their hands can’t perform their enterprise.
Akka hojiin harka isaanii hin milkoofneef, inni karoora jalʼootaa ni fashaleessa.
13 He takes the wise in their own craftiness; the counsel of the cunning is carried headlong.
Inni ogeeyyii haxxummaa isaaniitiin qaba; malli jalʼootaa immoo dafee ni bada.
14 They meet with darkness in the day time, and grope at noonday as in the night.
Guyyaan dukkana isaanitti taʼa; guyyaa saafaas akka nama dukkana keessa jiruu qaqqabannaadhaan deemu.
15 But he saves from the sword of their mouth, even the needy from the hand of the mighty.
Inni nama rakkataa goraadee afaan isaanii jalaa, harka nama jabaa jalaas ni baasa.
16 So the poor has hope, and injustice shuts her mouth.
Kanaafuu hiyyeessi abdii qaba; jalʼinnis afaan isaa ni cufata.
17 “Behold, happy is the man whom God corrects. Therefore do not despise the chastening of the Almighty.
“Namni Waaqni adabu eebbifamaa dha; kanaafuu ati adabbii Waaqa Waan Hunda Dandaʼuu hin tuffatin.
18 For he wounds and binds up. He injures and his hands make whole.
Inni ni madeessa; ni fayyisas; inni ni cabsa; harka isaatiinis deebisee ni fayyisa.
19 He will deliver you in six troubles; yes, in seven no evil will touch you.
Balaa jaʼa jalaa si baasa; torba keessattis hin miidhamtu.
20 In famine he will redeem you from death; in war, from the power of the sword.
Bara beelaa duʼa jalaa, lola keessattis rukuttaa goraadee jalaa si baasa.
21 You will be hidden from the scourge of the tongue, neither will you be afraid of destruction when it comes.
Ati garaffii arrabaa jalaa ni dhokfamta; yommuu badiisni dhufuttis hin sodaattu.
22 You will laugh at destruction and famine, neither will you be afraid of the animals of the earth.
Badiisaa fi beelatti ni kolfita; bineensota lafaas hin sodaattu.
23 For you will be allied with the stones of the field. The animals of the field will be at peace with you.
Dhagoota bakkee wajjin kakuu galta; bineensonni bosonaas nagaadhaan si wajjin jiraatu.
24 You will know that your tent is in peace. You will visit your fold, and will miss nothing.
Dunkaanni kee nagaan akka jiru ni beekta; qabeenya kee ni toʼatta; wanni tokko illee si jalaa hin badu.
25 You will know also that your offspring will be great, your offspring as the grass of the earth.
Ijoolleen kee akka baayʼatan, sanyiiwwan kees akkuma marga lafaa akka taʼan ni beekta.
26 You will come to your grave in a full age, like a shock of grain comes in its season.
Akkuma bissiin midhaanii yeroo isaatti walitti qabamu sana, atis bara dheeraa jiraattee awwaala seenta.
27 Behold, we have researched it. It is so. Hear it, and know it for your good.”
“Nu waan kana qoranneerra; innis dhugaa dha. Kanaafuu qalbeeffadhu; ofii keetiifis beeki.”
