Psalms 99

1 The LORD reigns; let the nations tremble! He is enthroned above the cherubim; let the earth quake!

Yehova akulamulira, mitundu ya anthu injenjemere; Iye wakhala pa mpando wake waufumu, pakati pa akerubi, dziko lapansi ligwedezeke.

2 Great is the LORD in Zion; He is exalted above all the peoples.

Mʼziyoni wamkulu ndi Yehova; Iye ndi wokwezeka pamwamba pa mitundu yonse ya anthu.

3 Let them praise Your great and awesome name— He is holy!

Anthu atamande dzina lanu lalikulu ndi loopsa kwambiri, Iye ndi woyera.

4 The mighty King loves justice. You have established equity; You have exercised justice and righteousness in Jacob.

Mfumu yamphamvu, iyo imakonda chilungamo Inu mwakhazikitsa khalidwe losakondera; mwachita zolungama ndi zoyenera mwa Yakobo.

5 Exalt the LORD our God, and worship at His footstool; He is holy!

Kwezani Yehova Mulungu wathu ndipo mulambireni pa mapazi ake; Iye ndi woyera.

6 Moses and Aaron were among His priests; Samuel was among those who called on His name. They called to the LORD and He answered.

Mose ndi Aaroni anali ena mwa ansembe ake, Samueli anali pamodzi ndi iwo amene anayitana pa dzina lake; iwo anayitana Yehova ndipo Iyeyo anawayankha.

7 He spoke to them from the pillar of cloud; they kept His decrees and the statutes He gave them.

Iye anayankhula nawo kuchokera mʼchipilala cha mtambo; iwo anasunga malamulo ake ndi zophunzitsa zomwe anawapatsa.

8 O LORD our God, You answered them. You were a forgiving God to them, yet an avenger of their misdeeds.

Inu Yehova Mulungu wathu, munawayankha iwo; Inu kwa Israeli munali Mulungu wokhululuka, ngakhale munawalanga pa zochita zawo zoyipa.

9 Exalt the LORD our God and worship at His holy mountain, for the LORD our God is holy.

Kwezani Yehova Mulungu wathu ndipo mumulambire pa phiri lake loyera, pakuti Yehova Mulungu wathu ndi woyera.