Handelingen 24
1 En vijf dagen daarna kwam de hogepriester Ananias af met de ouderlingen, en een zekeren voorspraak, genaamd Tertullus, dewelke verschenen voor den stadhouder tegen Paulus.
୧ମଣେଁ ମାହାଁ ତାୟମ୍ତେ ମାରାଙ୍ଗ୍ ଯାଜାକ୍ ହନାନିୟ, ଚିମିନ୍ ଯିହୁଦୀ ପ୍ରାଚିନ୍କକେ ଆଡଃ ତର୍ତ୍ତୁଲସ୍ ନୁତୁମ୍ ମିଆଁଦ୍ ଓକିଲ୍ଲଃ କାଇସରିୟାତେକ ସେନଃୟାନା । ଇନ୍କୁ ଲାଟ୍ସାହେବ୍ ଫେଲିକ୍ସ୍ଆଃ ଆୟାର୍ରେ ପାଉଲୁସ୍ଆଃ ବିରୁଧ୍ରେ ଚିଟାନ୍କାଜିକ ଉଦୁବ୍କେଦା ।
2 En als hij geroepen was, begon Tertullus hem te beschuldigen, zeggende: Dat wij grote vrede door u bekomen, en dat vele loffelijke diensten dezen volke geschieden door uw voorzichtigheid,
୨ଏନ୍ତେ ପାଉଲୁସ୍କେ ଏନ୍ତାଃତେକ ଆଉକିୟା ଆଡଃ ତର୍ତ୍ତୁଲସ୍ ମିମିଆଦ୍ତେ ଇନିୟାଃ ଚିଟାନ୍କାଜିକ ଉଦୁବ୍କେଦା, “ଏ ପୁରାଃ ମାଇନାନ୍ନିଃ, ଆବେନାଃ ସେଣାଁନ୍ ଆଗୁଆଇ ହରାତେ ଆଲେ ପୁରାଃ ଦିପିଲି ଜାକେଦ୍ ସୁକୁଜୀଉତେଲେ ତାଇନ୍ତାନା, ଆଡଃ ଆଲେୟାଃ ଦିଶୁମ୍ରେୟାଃ ବୁଗିନାଃ ନାଗେନ୍ତେ ପୁରାଃ ବୁଗିନ୍ କାମିକ କାମିକାନା ।
3 machtigste Felix, nemen wij ganselijk en overal met alle dankbaarheid aan.
୩ସବେନ୍ ଠାୟାଦ୍ତାଃରେ ଆଡଃ ସବେନ୍ ଦିପିଲିରେ ଆଲେ ନେଆଁକେଲେ ଦାରମେତାନା, ଆଡଃ ଆବେନାଃ ଧାନ୍ୟାବାଦ୍ଲେ ପାହାମେତାନା ।
4 Maar opdat ik u niet lang ophoude, ik bid u, dat gij ons, naar uw bescheidenheid, kortelijk hoort.
୪ଆଇଙ୍ଗ୍ ଆବେନାଃ ଆଦ୍କା ନେଡା ଇଦି ନାଗେନ୍ତେ କାଇଙ୍ଗ୍ ସାନାଙ୍ଗ୍ତାନା, ଏନାତେ ଆବେନ୍ ଦାୟାକେଦ୍ତେ ଆଇଁୟାଃ କାଟିଃଲେକା କାଜି ଆୟୁମେବେନ୍ ମେନ୍ତେଇଙ୍ଗ୍ ବିନ୍ତିତାନା ।
5 Want wij hebben dezen man bevonden te zijn een pest, en een, die oproer verwekt onder al de Joden, door de ganse wereld, en een oppersten voorstander van de sekte der Nazarenen.
୫ନେ ହଡ଼ଦ ପୁରାଃ ବରୱାନ୍ ହାଲାଗୁଲା ରିକାଏ ଲେକାନ୍ନିଃ ତାନିଃ ମେନ୍ତେଲେ ଆଟ୍କାରିତାନା, ଇନିଃ ଅତେଦିଶୁମ୍ରେୟାଃ ସବେନ୍ସାଃ ସେନ୍କେଦ୍ତେ ଯିହୁଦୀ ଥାଲାରେ ହାଲାଗୁଲାଏ ତାନା ଆଡଃ ଇନିଃ ନାଜ୍ରେତ୍ ଝୁଣ୍ଡ୍ରେନ୍ ମିଆଁଦ୍ ଆଗୁଆଇ ତାନିଃ ।
6 Die ook gepoogd heeft den tempel te ontheiligen, welken wij ook gegrepen hebben, en naar onze wet hebben willen oordelen.
୬ଇନିଃ ମାନ୍ଦିର୍ ଅଡ଼ାଃକେ ସତ୍ରାଏ ନାଙ୍ଗ୍ ଚେଷ୍ଟା ତାଇକେନ୍ ଇମ୍ତା ଆଲେ ଇନିଃକେଲେ ସାବ୍କିୟା ।
7 Maar Lysias, de overste, daarover komende, heeft hem met groot geweld uit onze handen weggebracht;
୭ମେନ୍ଦ ହାଜାର୍ ସିପାଇକଆଃ ଆଗୁଆଇ ଲୁସିୟସ୍ ହିଜୁଃକେଦ୍ତେ ପାଉଲୁସ୍କେ ପୁରାଃ ପେଡ଼େଃଲଃ ଆଲେତାଃଏତେ ଇଦିକିୟା ।
8 Gebiedende zijn beschuldigers tot u te komen; van dewelken gij zelf, hem onderzocht hebbende, zult kunnen verstaan al hetgeen, waarvan wij hem beschuldigen.
୮ଆଲେ ଇନିୟାଃ ବିରୁଧ୍ରେ ଅକନ୍ ଚିଟାନ୍କାଜିକ କାଜିକାଦାଲେ, ଏନା ଆବେନ୍ଗି ନେ ହଡ଼କେ କୁଲିକେଦ୍ତେ ସାରି ଦାଡ଼ିୟାଃବେନ୍ ।”
9 En ook de Joden stemden het toe, zeggende, dat deze dingen alzo waren.
୯ଯିହୁଦୀ ହଡ଼କହଗି ନେ ଚିଟାନ୍କାଜିରେ ମେସାକେଦ୍ତେ ନେ ସବେନ୍ କାଜିକ ସାର୍ତିତାନାଃ ମେନ୍ତେକ କାଜିକେଦା ।
10 Maar Paulus, als hem de stadhouder gewenkt had, dat hij zou spreken, antwoordde: Dewijl ik weet, dat gij nu vele jaren over dit volk rechter zijt geweest, zo verantwoord ik mijzelven met des te beteren moed.
୧୦ଲାଟ୍ସାହେବ୍ ପାଉଲୁସ୍କେ କାଜି ନାଗେନ୍ତେ ଇସାରାକିୟା, ଆଡଃ ପାଉଲୁସ୍ କାଜିକେଦାଏ, “ଆଇଙ୍ଗ୍ ସାରି ତାନାଇଙ୍ଗ୍, ପୁରାଃ ବାରାଷ୍ହେତେ ଆବେନ୍ ନେ ଯିହୁଦୀ ହଡ଼କଆଃ ବିଚାର୍ନିଃ ହବାକାନାବେନ୍, ଏନାତେ ଆବେନାଃ ଆୟାର୍ରେ ଆଇଙ୍ଗ୍ ଆପ୍ନାଃ ବାଞ୍ଚାଅଃକାଜି କାଜି ନାଗେନ୍ତେଇଙ୍ଗ୍ ରାସ୍କା କାନା ।
11 Alzo gij kunt weten, dat het niet meer dan twaalf dagen zijn, van dat ik ben opgekomen om te aanbidden te Jeruzalem;
୧୧ଆବେନ୍ ଆବେନ୍ଗି ସାରି ଦାଡ଼ିୟାଃବେନ୍ ଯେ, ଗେଲ୍ବାର୍ ହୁଲାଙ୍ଗ୍ଏତେ ଆଦ୍କା କା ହବାଅଃଆ ଆଇଙ୍ଗ୍ ଯୀରୁଶାଲେମ୍ତେ ସେୱା ନାଗେନ୍ତେଇଙ୍ଗ୍ ସେନାକାନ୍ ତାଇକେନା ।
12 En zij hebben mij noch in den tempel gevonden tot iemand sprekende, of enige samenrotting des volks makende, noch in de synagogen, noch in de stad;
୧୨ଯିହୁଦୀ ହଡ଼କ ଆଇଙ୍ଗ୍କେ ମାନ୍ଦିର୍ ଅଡ଼ାଃରେ ଜେତାଏଲଃ କାପ୍ଜିତାନ୍ କାକ ନେଲାକାଦିୟାଁ ଚାଏ ସାମାଜ୍ ଅଡ଼ାଃରେ ଚାଏ ନାଗାର୍ରେୟାଃ ଏଟାଃ ଜେତାନ୍ ଠାୟାଦ୍ରେ ହଡ଼କକେ ଏତ୍କାନ୍ କାମିରେ ଉସ୍କୁର୍ ନାଙ୍ଗ୍ କାକ ନେଲାକାଦିୟାଁ ।
13 En zij kunnen niet bewijzen, waarvan zij mij nu beschuldigen.
୧୩ଏନାତେ ଆଇଁୟାଃ ବିରୁଧ୍ରେ ନାହାଁଃ ଆଉୱାକାନ୍ ଚିଟାନ୍କାଜିକ ନାଗେନ୍ତେ ଇନ୍କୁ କାକ ଉଦୁବ୍ ଦାଡ଼ିୟା ।
14 Maar dit beken ik u, dat ik naar dien weg, welken zij sekte noemen, den God der vaderen alzo diene, gelovende alles, wat in de wet en in de profeten geschreven is;
୧୪ଆଇଙ୍ଗ୍ ଆବେନ୍ତାଃରେ ମାନାତିଙ୍ଗ୍ ତାନାଇଙ୍ଗ୍ ଯେ ଅକ ହରାକେ ଇନ୍କୁ ହସଡ଼ ମେନ୍ତେକ କାଜିତାନା, ଏନ୍ ହରାକେ ଅତଙ୍ଗ୍କେଦ୍ତେ ଆଇଙ୍ଗ୍ ଆବୁଆଃ ପୁର୍ଖା ହାଡ଼ାମ୍କଆଃ ପାର୍ମେଶ୍ୱାର୍କେଇଙ୍ଗ୍ ସେୱାତାନା । ମେନ୍ଦ ଆଇଙ୍ଗ୍ହଗି ମୁଶା ନାବୀଆଃ ଆନ୍ଚୁ ଆଡଃ ନାବୀକଆଃ ପୁଥିରେ ଅଲାକାନ୍ ସବେନ୍ ବିଷାଏ ବିଶ୍ୱାସ୍ତାନାଇଙ୍ଗ୍ ।
15 Hebbende hoop op God, welke dezen ook zelf verwachten, dat er een opstanding der doden wezen zal, beiden der rechtvaardigen en der onrechtvaardigen.
୧୫ନେ ହଡ଼କଆଃ ଲେକାଗି ପାର୍ମେଶ୍ୱାର୍ତାଃରେ ଆଇଁୟାଃ ମିଆଁଦ୍ ଆସ୍ରା ମେନାଃ ଚି, ଧାର୍ମାନ୍ ଆଡଃ ଏତ୍କାନ୍ ସବେନ୍ ହଡ଼କଆଃ ଗନଏଃହେତେ ଜୀଉବିନିରିଦ୍ ମେନାଃ ।
16 En hierin oefen ik mijzelven, om altijd een onergerlijk geweten te hebben bij God en de mensen.
୧୬ଏନାତେ ପାର୍ମେଶ୍ୱାର୍ ଆଡଃ ହଡ଼କଆଃ ସାମ୍ନାଙ୍ଗ୍ରେ ନିରାଲ୍ ବିବେକ୍ ଲେକାତେ ଚାଇଲ୍ ଚାଲାନ୍ ରିକା ନାଙ୍ଗ୍ ଆଇଙ୍ଗ୍ ସବେନ୍ ଇମ୍ତାଇଙ୍ଗ୍ ସାନାଙ୍ଗ୍ତାନା ।
17 Doch na vele jaren ben ik gekomen om aalmoezen te doen aan mijn volk, en offeranden.
୧୭“ପୁରାଃ ସିର୍ମାହେତେ ଯୀରୁଶାଲେମ୍ତାଃଏତେ ସାଙ୍ଗିନ୍ରେ ତାଇକେନ୍ ତାୟମ୍ତେ, ଆଇଁୟାଃ ଆପ୍ନାଃ ହଡ଼କ ନାଗେନ୍ତେ ଚିମିନ୍ ଟାକା ପାଏସା ଇଦି ନାଗେନ୍ତେ ଆଡଃ ଦାଣେଁ ରାକାବେ ନାଗେନ୍ତେ ଆଇଙ୍ଗ୍ ଏନ୍ତାଃତେଇଙ୍ଗ୍ ସେନାକାନ୍ ତାଇକେନା ।
18 Waarover mij gevonden hebben, geheiligd zijnde, in den tempel, niet met volk, noch met beroerte, enige Joden uit Azie;
୧୮ଆଇଙ୍ଗ୍ ଫାର୍ଚିନ୍ରେୟାଃ ରିତିରିୱାଜ୍ ଟୁଣ୍ଡୁଇ ତାଇକେନ୍ ଇମ୍ତା ଇନ୍କୁ ଆଇଙ୍ଗ୍କେ ମାନ୍ଦିର୍ ଅଡ଼ାଃରେକ ନେଲ୍କେଦିୟାଁ । ଇମ୍ତା ଆଇଙ୍ଗ୍ଲଃ ଗାଦେଲ୍ ହଡ଼କ କାକ ତାଇକେନା ଚାଏ ହାଲାଗୁଲା କା ହବାଅଃ ତାଇକେନା ।
19 Welke behoorden hier voor u tegenwoordig te zijn, en mij te beschuldigen, indien zij iets hadden tegen mij.
୧୯ମେନ୍ଦ ଏସିଆ ପାର୍ଗାନ୍ରେନ୍ ଚିମିନ୍ ଯିହୁଦୀ ହଡ଼କ ଏନ୍ତାଃରେକ ତାଇକେନା, ଇନ୍କୁଆଃ ଜେତ୍ନାଃ କାଜିରାଃ ତାଇକାନ୍ତେୟାଃ ରେଦ, ଇନ୍କୁ ଆକଗି ଆବେନାଃ ହେପାଦ୍ତେ ହିଜୁଃକେଦ୍ତେ ଆଇଁୟାଃ ବିରୁଧ୍ରେ ଚିଟାନ୍କାଜି କାଜି ଦାଡ଼ିକାତେତେୟାଃକ ।
20 Of dat dezen zelf zeggen of zij enig onrecht in mij gevonden hebben, als ik voor den raad stond;
୨୦ଆଡଃଗି ଆଇଙ୍ଗ୍ ମାରାଙ୍ଗ୍ ପାଞ୍ଚେଟ୍ ଆୟାର୍ରେ ତିଙ୍ଗୁକାନ୍ ତାଇକେନାଇଙ୍ଗ୍ ଇମ୍ତା, ଆଇଙ୍ଗ୍ ଅକ ଏତ୍କାନ୍ କାମିରେୟାଃ ଗୁହ୍ନାଁଁରେଇଙ୍ଗ୍ ଚିଟାକାନା, ଏନା ନେତାଃରେ ଅକ ହଡ଼କ ମେନାକଆ, ଇନ୍କୁ କାଜିକାକ ।
21 Dan van dit enig woord, hetwelk ik riep, staande onder hen: Over de opstanding der doden word ik heden van ulieden geoordeeld!
୨୧ଆଇଙ୍ଗ୍ ଇନ୍କୁଆଃ ଆୟାର୍ରେ ତିଙ୍ଗୁକେଦ୍ତେ ମିଆଁଦ୍ କାଜି ଏସ୍କାର୍ କାଜିକାଦ୍ ତାଇକେନାଇଙ୍ଗ୍, ଏନା ହବାଅଃତାନା, ‘ଗନଏଃ ହଡ଼କଆଃ ଜୀଉବିନିରିଦ୍ ମେନାଃ ମେନ୍ତେ ଆଇଙ୍ଗ୍ ବିଶ୍ୱାସ୍ତାନ୍ ହରାତେ ତିସିଙ୍ଗ୍ ବିଚାରଃତାନାଇଙ୍ଗ୍ ।’”
22 Toen nu Felix dit gehoord had, stelde hij hen uit, zeggende: Als ik nader wetenschap van dezen weg zal hebben, wanneer Lysias, de overste, zal afgekomen zijn, zo zal ik volle kennis nemen van uw zaken.
୨୨ଫେଲିକ୍ସ୍ ନେ ହରା ବିଷାଏରେ ବୁଗିଲେକାତେ ସାରିକାଦ୍ ହରାତେ ଆଡଃଗି କା ଆୟୁମ୍କେଦ୍ତେ କାଜିକେଦା, “ହାଜାର୍ ସିପାଇକଆଃ ଆଗୁଆଇ ଲୁସିୟସ୍ ସେଟେରାଏ ଇମ୍ତା, ଆଇଙ୍ଗ୍ ଆମାଃ ବିଷାଏରେୟାଃ କାଜିଇଙ୍ଗ୍ ଉହାଟେୟା ।”
23 En hij beval den hoofdman over honderd, dat Paulus zou bewaard worden, en verlichting hebben, en dat hij niemand van de zijnen zou beletten hem te dienen, of tot hem te komen.
୨୩ଇନିଃ ପାଉଲୁସ୍କେ ଜେହେଲ୍ରେ ଦହ ନାଙ୍ଗ୍ ମିଦ୍ଶାଅ ସିପାଇକଆଃ ଆଗୁଆଇକେ ଆଚୁକିୟା, ମେନ୍ଦ ପାଉଲୁସ୍କେ ସିକିଡ଼ିତେ କା ତଲ୍କେଦ୍ତେ ପୁରା ରାଡ଼ାଗି ତାଇନ୍କା ଆଡଃ ଆୟାଃ ଗାତିକ ନେପେଲ୍ ନାଙ୍ଗ୍ ହିଜୁଃରେ ଚାଏ ଆୟାଃ ଲାଗାତିଙ୍ଗ୍ତେୟାଃକ ଜଗାଅରେ, ଏମ୍ଇଚିକମ୍ ।
24 En na sommige dagen, Felix, daar gekomen zijnde met Drusilla, zijn vrouw, die een Jodin was, ontbood Paulus, en hoorde hem van het geloof in Christus.
୨୪ଚିମିନ୍ ହୁଲାଙ୍ଗ୍ରାଃ ତାୟମ୍ତେ ଫେଲିକ୍ସ୍ ଆୟାଃ ଯିହୁଦୀ କୁଡ଼ି ଦ୍ରୁସିଲାଲଃ ହିଜୁଃୟାନାଏ, ଇନିଃ ପାଉଲୁସ୍କେ କେଡ଼ାକେଦ୍ତେ ୟୀଶୁ ଖ୍ରୀଷ୍ଟ୍ତାଃରେ ବିଶ୍ୱାସ୍ ନାଙ୍ଗ୍ ଆୟାଃ କାଜି ଆୟୁମ୍କେଦା ।
25 En als hij handelde van rechtvaardigheid, en matigheid, en van het toekomende oordeel, Felix, zeer bevreesd geworden zijnde, antwoordde: Voor ditmaal ga heen; en als ik gelegenen tijd zal hebben bekomen, zo zal ik u tot mij roepen.
୨୫ମେନ୍ଦ ଚିମ୍ତା ପାଉଲୁସ୍ ଧାର୍ମାନ୍ ବିଷାଏ, ଆପ୍ନାଃ ମନ୍କେ ଥାବର୍ରେ ଦହ ଆଡଃ ହିଜୁଃତାନ୍ ବିଚାର୍ ହୁଲାଙ୍ଗ୍ ବିଷାଏରେ ଜାଗାର୍ ତାଇକେନାଏ, ଫେଲିକ୍ସ୍ ବରୟାନାଏ ଆଡଃ କାଜିକେଦାଏ, “ଆମ୍ ନାହାଁଃ ସେନଃ ଦାଡ଼ିୟାମ୍ । ସୁଯୋଗ୍ ନାମେରେ, ଆଡଃମିସା ଆମ୍କେଇଙ୍ଗ୍ କେଡ଼ାମେୟାଁ ।”
26 En tegelijk ook hopende, dat hem van Paulus geld gegeven zou worden, opdat hij hem losliet; waarom hij hem ook dikwijls ontbood, en sprak met hem.
୨୬ଏନ୍ ନେଡାରେ ଇନିଃ ପାଉଲୁସ୍ତାଃଏତେ ଟାକା ପାଏସା ନାମେୟାଇଙ୍ଗ୍ ମେନ୍ତେ ଆସ୍ରାକାଦ୍ ତାଇକେନା, ଏନାମେନ୍ତେ ଇନିଃ ସବେନ୍ ଇମ୍ତା ଇନିଃକେ କେଡ଼ା ଆଉକେଦ୍ତେ ଜାଗାର୍ତାନ୍ ତାଇକେନା ।
27 Maar als twee jaren vervuld waren, kreeg Felix Porcius Festus in zijn plaats; en Felix, willende den Joden gunst bewijzen, liet Paulus gevangen.
୨୭ନେ'ଲେକା ବାର୍ ସିର୍ମା ହବାୟାନ୍ ତାୟମ୍ତେ ପୋର୍କିୟସ୍ ଫେଷ୍ଟସ୍, ଫେଲିକ୍ସ୍ଆଃ ଠାୟାଦ୍ରେ ଲାଟ୍ସାହେବ୍ ଲେକାଏ ସାଲାୟାନା । ଫେଲିକ୍ସ୍, ଯିହୁଦୀ ହଡ଼କ ସୁକୁଆଇଙ୍ଗ୍କାକ ମେନ୍ତେ ସାନାଙ୍ଗ୍କେଦ୍ତେ ପାଉଲୁସ୍କେ କା ରାଡ଼ାକେଦ୍ତେ ଜେହେଲ୍ରେ ବାଗିକିୟା ।
