以賽亞書 63
1 這從以東的波斯拉來， 穿紅衣服， 裝扮華美， 能力廣大， 大步行走的是誰呢？ 就是我， 是憑公義說話， 以大能施行拯救。
| מִי־זֶה ׀ בָּא מֵאֱדוֹם חֲמוּץ בְּגָדִים מִבָּצְרָה זֶה הָדוּר בִּלְבוּשׁוֹ צֹעֶה בְּרֹב כֹּחוֹ אֲנִי מְדַבֵּר בִּצְדָקָה רַב לְהוֹשִֽׁיעַ׃ |
2 你的裝扮為何有紅色？ 你的衣服為何像踹酒醡的呢？
| מַדּוּעַ אָדֹם לִלְבוּשֶׁךָ וּבְגָדֶיךָ כְּדֹרֵךְ בְּגַֽת׃ |
3 我獨自踹酒醡； 眾民中無一人與我同在。 我發怒將他們踹下， 發烈怒將他們踐踏。 他們的血濺在我衣服上， 並且污染了我一切的衣裳。
| פּוּרָה ׀ דָּרַכְתִּי לְבַדִּי וּמֵֽעַמִּים אֵֽין־אִישׁ אִתִּי וְאֶדְרְכֵם בְּאַפִּי וְאֶרְמְסֵם בַּחֲמָתִי וְיֵז נִצְחָם עַל־בְּגָדַי וְכָל־מַלְבּוּשַׁי אֶגְאָֽלְתִּי׃ |
4 因為，報仇之日在我心中； 救贖我民之年已經來到。
| כִּי יוֹם נָקָם בְּלִבִּי וּשְׁנַת גְּאוּלַי בָּֽאָה׃ |
5 我仰望，見無人幫助； 我詫異，沒有人扶持。 所以，我自己的膀臂為我施行拯救； 我的烈怒將我扶持。
| וְאַבִּיט וְאֵין עֹזֵר וְאֶשְׁתּוֹמֵם וְאֵין סוֹמֵךְ וַתּוֹשַֽׁע לִי זְרֹעִי וַחֲמָתִי הִיא סְמָכָֽתְנִי׃ |
6 我發怒，踹下眾民； 發烈怒，使他們沉醉， 又將他們的血倒在地上。
| וְאָבוּס עַמִּים בְּאַפִּי וַאֲשַׁכְּרֵם בַּחֲמָתִי וְאוֹרִיד לָאָרֶץ נִצְחָֽם׃ |
7 我要照耶和華一切所賜給我們的， 提起他的慈愛和美德， 並他向以色列家所施的大恩； 這恩是照他的憐恤 和豐盛的慈愛賜給他們的。
| חַֽסְדֵי יְהוָה ׀ אַזְכִּיר תְּהִלֹּת יְהוָה כְּעַל כֹּל אֲשֶׁר־גְּמָלָנוּ יְהוָה וְרַב־טוּב לְבֵית יִשְׂרָאֵל אֲשֶׁר־גְּמָלָם כְּֽרַחֲמָיו וּכְרֹב חֲסָדָֽיו׃ |
8 他說：他們誠然是我的百姓， 不行虛假的子民； 這樣，他就作了他們的救主。
| וַיֹּאמֶר אַךְ־עַמִּי הֵמָּה בָּנִים לֹא יְשַׁקֵּרוּ וַיְהִי לָהֶם לְמוֹשִֽׁיעַ׃ |
9 他們在一切苦難中， 他也同受苦難； 並且他面前的使者拯救他們； 他以慈愛和憐憫救贖他們； 在古時的日子常保抱他們，懷搋他們。
| בְּֽכָל־צָרָתָם ׀ לא לוֹ צָר וּמַלְאַךְ פָּנָיו הֽוֹשִׁיעָם בְּאַהֲבָתוֹ וּבְחֶמְלָתוֹ הוּא גְאָלָם וַֽיְנַטְּלֵם וַֽיְנַשְּׂאֵם כָּל־יְמֵי עוֹלָֽם׃ |
10 他們竟悖逆，使主的聖靈擔憂。 他就轉作他們的仇敵， 親自攻擊他們。
| וְהֵמָּה מָרוּ וְעִצְּבוּ אֶת־רוּחַ קָדְשׁוֹ וַיֵּהָפֵךְ לָהֶם לְאוֹיֵב הוּא נִלְחַם־בָּֽם׃ |
11 那時，他們想起古時的日子－ 摩西和他百姓，說： 將百姓和牧養他全群的人 從海裏領上來的在哪裏呢？ 將他的聖靈降在他們中間的在哪裏呢？
| וַיִּזְכֹּר יְמֵֽי־עוֹלָם מֹשֶׁה עַמּוֹ אַיֵּה ׀ הַֽמַּעֲלֵם מִיָּם אֵת רֹעֵי צֹאנוֹ אַיֵּה הַשָּׂם בְּקִרְבּוֹ אֶת־רוּחַ קָדְשֽׁוֹ׃ |
12 使他榮耀的膀臂在摩西的右手邊行動， 在他們前面將水分開， 要建立自己永遠的名，
| מוֹלִיךְ לִימִין מֹשֶׁה זְרוֹעַ תִּפְאַרְתּוֹ בּוֹקֵֽעַ מַיִם מִפְּנֵיהֶם לַעֲשׂוֹת לוֹ שֵׁם עוֹלָֽם׃ |
13 帶領他們經過深處， 如馬行走曠野， 使他們不致絆跌的在哪裏呢？
| מוֹלִיכָם בַּתְּהֹמוֹת כַּסּוּס בַּמִּדְבָּר לֹא יִכָּשֵֽׁלוּ׃ |
14 耶和華的靈使他們得安息， 彷彿牲畜下到山谷； 照樣，你也引導你的百姓， 要建立自己榮耀的名。
| כַּבְּהֵמָה בַּבִּקְעָה תֵרֵד רוּחַ יְהוָה תְּנִיחֶנּוּ כֵּן נִהַגְתָּ עַמְּךָ לַעֲשׂוֹת לְךָ שֵׁם תִּפְאָֽרֶת׃ |
15 求你從天上垂顧， 從你聖潔榮耀的居所觀看。 你的熱心和你大能的作為在哪裏呢？ 你愛慕的心腸和憐憫向我們止住了。
| הַבֵּט מִשָּׁמַיִם וּרְאֵה מִזְּבֻל קָדְשְׁךָ וְתִפְאַרְתֶּךָ אַיֵּה קִנְאֽ͏ָתְךָ וּגְבוּרֹתֶךָ הֲמוֹן מֵעֶיךָ וְֽרַחֲמֶיךָ אֵלַי הִתְאַפָּֽקוּ׃ |
16 亞伯拉罕雖然不認識我們， 以色列也不承認我們， 你卻是我們的父。 耶和華啊，你是我們的父； 從萬古以來，你名稱為「我們的救贖主」。
| כִּֽי־אַתָּה אָבִינוּ כִּי אַבְרָהָם לֹא יְדָעָנוּ וְיִשְׂרָאֵל לֹא יַכִּירָנוּ אַתָּה יְהוָה אָבִינוּ גֹּאֲלֵנוּ מֵֽעוֹלָם שְׁמֶֽךָ׃ |
17 耶和華啊，你為何使我們走差離開你的道， 使我們心裏剛硬、不敬畏你呢？ 求你為你僕人， 為你產業支派的緣故，轉回來。
| לָמָּה תַתְעֵנוּ יְהוָה מִדְּרָכֶיךָ תַּקְשִׁיחַ לִבֵּנוּ מִיִּרְאָתֶךָ שׁוּב לְמַעַן עֲבָדֶיךָ שִׁבְטֵי נַחֲלָתֶֽךָ׃ |
18 你的聖民不過暫時得這產業； 我們的敵人已經踐踏你的聖所。
| לַמִּצְעָר יָרְשׁוּ עַם־קָדְשֶׁךָ צָרֵינוּ בּוֹסְסוּ מִקְדָּשֶֽׁךָ׃ |
19 我們好像你未曾治理的人， 又像未曾得稱你名下的人。
| הָיִינוּ מֵֽעוֹלָם לֹֽא־מָשַׁלְתָּ בָּם לֹֽא־נִקְרָא שִׁמְךָ עֲלֵיהֶם לוּא־קָרַעְתָּ שָׁמַיִם יָרַדְתָּ מִפָּנֶיךָ הָרִים נָזֹֽלּוּ׃ |
