何西阿書 5
1 眾祭司啊，要聽我的話！ 以色列家啊，要留心聽！ 王家啊，要側耳而聽！ 審判要臨到你們， 因你們在米斯巴如網羅， 在他泊山如鋪張的網。
| שִׁמְעוּ־זֹאת הַכֹּהֲנִים וְהַקְשִׁיבוּ ׀ בֵּית יִשְׂרָאֵל וּבֵית הַמֶּלֶךְ הַאֲזִינוּ כִּי לָכֶם הַמִּשְׁפָּט כִּֽי־פַח הֱיִיתֶם לְמִצְפָּה וְרֶשֶׁת פְּרוּשָׂה עַל־תָּבֽוֹר׃ |
2 這些悖逆的人肆行殺戮， 罪孽極深； 我卻斥責他們眾人。
| וְשַׁחֲטָה שֵׂטִים הֶעְמִיקוּ וַאֲנִי מוּסָר לְכֻלָּֽם׃ |
3 以法蓮為我所知； 以色列不能向我隱藏。 以法蓮哪，現在你行淫了， 以色列被玷污了。
| אֲנִי יָדַעְתִּי אֶפְרַיִם וְיִשְׂרָאֵל לֹֽא־נִכְחַד מִמֶּנִּי כִּי עַתָּה הִזְנֵיתָ אֶפְרַיִם נִטְמָא יִשְׂרָאֵֽל׃ |
4 他們所行的使他們不能歸向上帝； 因有淫心在他們裏面， 他們也不認識耶和華。
| לֹא יִתְּנוּ מַעַלְלֵיהֶם לָשׁוּב אֶל־אֱלֹֽהֵיהֶם כִּי רוּחַ זְנוּנִים בְּקִרְבָּם וְאֶת־יְהוָה לֹא יָדָֽעוּ׃ |
5 以色列的驕傲當面見證自己。 故此，以色列和以法蓮必因自己的罪孽跌倒； 猶大也必與他們一同跌倒。
| וְעָנָה גְאֽוֹן־יִשְׂרָאֵל בְּפָנָיו וְיִשְׂרָאֵל וְאֶפְרַיִם יִכָּֽשְׁלוּ בַּעֲוֺנָם כָּשַׁל גַּם־יְהוּדָה עִמָּֽם׃ |
6 他們必牽着牛羊去尋求耶和華，卻尋不見； 他已經轉去離開他們。
| בְּצֹאנָם וּבִבְקָרָם יֵֽלְכוּ לְבַקֵּשׁ אֶת־יְהוָה וְלֹא יִמְצָאוּ חָלַץ מֵהֶֽם׃ |
7 他們向耶和華行事詭詐，生了私子。 到了月朔，他們與他們的地業必被吞滅。
| בַּיהוָה בָּגָדוּ כִּֽי־בָנִים זָרִים יָלָדוּ עַתָּה יֹאכְלֵם חֹדֶשׁ אֶת־חֶלְקֵיהֶֽם׃ |
8 你們當在基比亞吹角， 在拉瑪吹號， 在伯‧亞文吹出大聲，說： 便雅憫哪，有仇敵在你後頭！
| תִּקְעוּ שׁוֹפָר בַּגִּבְעָה חֲצֹצְרָה בָּרָמָה הָרִיעוּ בֵּית אָוֶן אַחֲרֶיךָ בִּנְיָמִֽין׃ |
9 在責罰的日子，以法蓮必變為荒場； 我在以色列支派中，指示將來必成的事。
| אֶפְרַיִם לְשַׁמָּה תִֽהְיֶה בְּיוֹם תּֽוֹכֵחָה בְּשִׁבְטֵי יִשְׂרָאֵל הוֹדַעְתִּי נֶאֱמָנָֽה׃ |
10 猶大的首領如同挪移地界的人， 我必將忿怒倒在他們身上，如水一般。
| הָיוּ שָׂרֵי יְהוּדָה כְּמַסִּיגֵי גְּבוּל עֲלֵיהֶם אֶשְׁפּוֹךְ כַּמַּיִם עֶבְרָתִֽי׃ |
11 以法蓮因樂從人的命令， 就受欺壓，被審判壓碎。
| עָשׁוּק אֶפְרַיִם רְצוּץ מִשְׁפָּט כִּי הוֹאִיל הָלַךְ אַחֲרֵי־צָֽו׃ |
12 我使以法蓮如蟲蛀之物， 使猶大家如朽爛之木。
| וַאֲנִי כָעָשׁ לְאֶפְרָיִם וְכָרָקָב לְבֵית יְהוּדָֽה׃ |
13 以法蓮見自己有病， 猶大見自己有傷， 他們就打發人往亞述去見耶雷布王， 他卻不能醫治你們， 不能治好你們的傷。
| וַיַּרְא אֶפְרַיִם אֶת־חָלְיוֹ וִֽיהוּדָה אֶת־מְזֹרוֹ וַיֵּלֶךְ אֶפְרַיִם אֶל־אַשּׁוּר וַיִּשְׁלַח אֶל־מֶלֶךְ יָרֵב וְהוּא לֹא יוּכַל לִרְפֹּא לָכֶם וְלֹֽא־יִגְהֶה מִכֶּם מָזֽוֹר׃ |
14 我必向以法蓮如獅子， 向猶大家如少壯獅子。 我必撕裂而去， 我要奪去，無人搭救。
| כִּי אָנֹכִי כַשַּׁחַל לְאֶפְרַיִם וְכַכְּפִיר לְבֵית יְהוּדָה אֲנִי אֲנִי אֶטְרֹף וְאֵלֵךְ אֶשָּׂא וְאֵין מַצִּֽיל׃ |
15 我要回到原處， 等他們自覺有罪，尋求我面； 他們在急難的時候必切切尋求我。
| אֵלֵךְ אָשׁוּבָה אֶל־מְקוֹמִי עַד אֲשֶֽׁר־יֶאְשְׁמוּ וּבִקְשׁוּ פָנָי בַּצַּר לָהֶם יְשַׁחֲרֻֽנְנִי׃ |
