诗篇 79

1 亚萨的诗。 神啊，外邦人进入你的产业， 污秽你的圣殿，使耶路撒冷变成荒堆，

Nkunga Asafi. A Nzambi! Makanda mabulumukini kuika kiaku, Masumuna nzoꞌaku yinlongo, makitula Yelusalemi kunza ki matadi.

2 把你仆人的尸首交与天空的飞鸟为食， 把你圣民的肉交与地上的野兽，

Bavana zinitu zifua zi bisadi biaku banga bidia kuidi zinuni zi diyilu minsuni mi banlongo baku kuidi bibulu bi ntoto;

3 在耶路撒冷周围流他们的血如水， 无人葬埋。

Batengudi menga banga nlangu mu yendila Yelusalemi ayi kusia monika ko mutu mu zika.

4 我们成为邻国的羞辱， 成为我们四围人的嗤笑讥刺。

Tuyikidi bila ki lusembo kuidi bafikimini yeto; mvuezolo ayi kisekonono kuidi bobo batuzungididi.

5 耶和华啊，这到几时呢？ 你要动怒到永远吗？ 你的愤恨要如火焚烧吗？

Nate thangu mbi, a Yave? Wela fueminanga mu zithangu zioso e? Nate thangu mbi kiphala kiaku kiela leminanga banga mbazu e?

6 愿你将你的忿怒倒在那不认识你的外邦 和那不求告你名的国度。

Dukula miangu miaku kuidi makanda momo masia kuzaba ko, kuidi bipfumu biobi kabi telanga ko dizina diaku.

7 因为他们吞了雅各， 把他的住处变为荒场。

Bila bameni dia Yakobi, ayi bamana tiolumuna tsi andi yikabutukila.

8 求你不要记念我们先祖的罪孽，向我们追讨； 愿你的慈悲快迎着我们， 因为我们落到极卑微的地步。

Kadi kututangila masumu ma bakulu! Bika kiadi kiaku kiza nsualu kuidi beto bila tueka mu mabienga makambulu diana.

9 拯救我们的 神啊，求你因你名的荣耀帮助我们！ 为你名的缘故搭救我们，赦免我们的罪。

Wutusadila, a Nzambi Mvulusi eto mu diambu di nkembo wu dizina diaku! Wutukuidi ayi wutulemvukila masumu meto mu diambu di dizina diaku!

10 为何容外邦人说“他们的 神在哪里”呢？ 愿你使外邦人知道你在我们眼前 伸你仆人流血的冤。

Bila mbi makanda meti tubila: “Kuevi kuidi Nzambi e?” va ntuala meso meto, zabikisa va khatitsika makanda ti ngeyo weti vutula landi mu menga matenguka ma bisadi biaku,

11 愿被囚之人的叹息达到你面前； 愿你按你的大能力存留那些将要死的人。

Bika kunga ku batu badi mu nloko kutula va ntualꞌaku. Mu zingolo zi koko kuaku, tanina bobo bazengolo nkanu wu lufua.

12 主啊，愿你将我们邻邦所羞辱你的羞辱 加七倍归到他们身上。

Vutudila mu zikhumbu tsambuadi bifingu bi bobo batufikimini; tsembolo yoyi bawobudila ngeyo Yave.

13 这样，你的民，你草场的羊， 要称谢你，直到永远； 要述说赞美你的话，直到万代。

Buna beto batu baku, nkangu aku wu mamemi weti dikila; tuela kuzitisa mu zithangu zioso; mu tsungi ka tsungi, tuela yolukila minzitusu miaku.