箴言 28
1 恶人虽无人追赶也逃跑； 义人却胆壮像狮子。
Moto mabe akimaka ata soki moto moko te abengani ye, kasi bato ya sembo bazalaka na mpiko lokola nkosi.
2 邦国因有罪过，君王就多更换； 因有聪明知识的人，国必长存。
Soki kotomboka ezali kati na mokili, bakonzi bakomaka ebele; kasi moto ya mayele mpe ya bososoli ayeisaka kimia.
3 穷人欺压贫民， 好像暴雨冲没粮食。
Mokonzi oyo anyokolaka bato bakelela azali lokola mvula ya makasi oyo ebebisaka biloko mpe ememaka nzala.
4 违弃律法的，夸奖恶人； 遵守律法的，却与恶人相争。
Bato oyo babukaka mibeko bakumisaka bato mabe, kasi bato oyo babatelaka mibeko batelemelaka bato mabe.
5 坏人不明白公义； 惟有寻求耶和华的，无不明白。
Bato mabe basosolaka te makambo ya bosembo, kasi bato oyo balukaka Yawe basosolaka yango nyonso.
6 行为纯正的穷乏人 胜过行事乖僻的富足人。
Mobola oyo atambolaka na bosembo azali malamu koleka mozwi oyo nzela na ye ezali mabe.
7 谨守律法的，是智慧之子； 与贪食人作伴的，却羞辱其父。
Moto oyo abatelaka mibeko azali mwana mayele, kasi moto oyo atambolaka na bato ya loyenge ayokisaka tata na ye soni.
8 人以厚利加增财物， 是给那怜悯穷人者积蓄的。
Moto oyo abakisaka bomengo na ye na nzela ya moyibi abombelaka yango moto oyo asalisaka babola.
9 转耳不听律法的， 他的祈祷也为可憎。
Moto oyo akangi matoyi na ye mpo na koboya koyoka mobeko, libondeli na ye ekomaka nkele na miso ya Nzambe.
10 诱惑正直人行恶道的，必掉在自己的坑里； 惟有完全人必承受福分。
Moto oyo amemaka bato ya sembo na nzela ya mabe akokangama na motambo oyo asali ye moko, kasi bato oyo bazangi pamela bakozwa esengo lokola libula na bango.
11 富足人自以为有智慧， 但聪明的贫穷人能将他查透。
Mozwi amimonaka lokola moto ya bwanya, kasi mobola oyo azali mayele ayebaka ye malamu.
12 义人得志，有大荣耀； 恶人兴起，人就躲藏。
Tango bato ya sembo balongaka, ezalaka esengo mingi; kasi tango bato mabe bazwaka bokonzi, bato bamibombaka.
13 遮掩自己罪过的，必不亨通； 承认离弃罪过的，必蒙怜恤。
Moto oyo abombaka masumu na ye abongaka te, kasi ye oyo atubelaka mpe atikaka yango azwaka ngolu.
14 常存敬畏的，便为有福； 心存刚硬的，必陷在祸患里。
Esengo na moto oyo abangaka tango nyonso kosala mabe, kasi ye oyo ayeisaka motema na ye libanga akweyaka kati na pasi.
15 暴虐的君王辖制贫民， 好像吼叫的狮子、觅食的熊。
Mokonzi mabe oyo azali kokamba bato bakelela azali lokola nkosi ya kanda to lokola ngombolo oyo ezali kolanda nyama ya kolia.
16 无知的君多行暴虐； 以贪财为可恨的，必年长日久。
Mokonzi oyo anyokolaka bato azangi mayele, kasi oyo aboyaka bomengo na nzela ya moyibi ayeisaka mikolo ya bomoi na ye ebele.
17 背负流人血之罪的，必往坑里奔跑， 谁也不可拦阻他。
Moto oyo amitungisaka mpo ete abomi moninga akimaka kino na libulu ya kufa; tika ete moto moko te akanga ye nzela.
18 行动正直的，必蒙拯救； 行事弯曲的，立时跌倒。
Moto oyo atambolaka na bosembo akozwa lobiko, kasi moto ya mobulu oyo alandaka banzela mibale akokweya na moko.
19 耕种自己田地的，必得饱食； 追随虚浮的，足受穷乏。
Moto oyo asalaka bilanga atondaka na bilei, kasi moto oyo alandaka bagoyigoyi akotonda na bobola.
20 诚实人必多得福； 想要急速发财的，不免受罚。
Moto ya sembo afulukaka na mapamboli, kasi moto oyo awelaka kokoma mozwi na lombangu akozanga te kozwa etumbu.
21 看人的情面乃为不好； 人因一块饼枉法也为不好。
Kopona bilongi ezalaka malamu te; nzokande ata mpo na eteni ya lipa, moto akoki mpe kosala mabe.
22 人有恶眼想要急速发财， 却不知穷乏必临到他身。
Moto ya bilulela azalaka motema moto-moto mpo na kozwa bomengo, mpe ayebaka te ete bobola ekokomela ye.
23 责备人的，后来蒙人喜悦， 多于那用舌头谄媚人的。
Moto oyo apamelaka moninga na ye akozwa ngolu na suka koleka moto oyo alobaka maloba ya sukali.
24 偷窃父母的，说：这不是罪， 此人就是与强盗同类。
Moto oyo ayibaka tata mpe mama na ye, bongo alobaka: « Ezali na yango mabe te, » azali moninga ya mobomi.
25 心中贪婪的，挑起争端； 倚靠耶和华的，必得丰裕。
Moto ya lokoso ayeisaka koswana, kasi moto oyo atiaka elikya na Yawe akotonda na mafuta.
26 心中自是的，便是愚昧人； 凭智慧行事的，必蒙拯救。
Moto oyo atiaka elikya kati na ye moko kaka azali zoba, kasi moto oyo atambolaka na bwanya akokangolama.
27 周济贫穷的，不致缺乏； 佯为不见的，必多受咒诅。
Moto oyo akabelaka babola akozanga eloko te, kasi moto oyo aboyaka kotala bango akotonda na bilakeli mabe.
28 恶人兴起，人就躲藏； 恶人败亡，义人增多。
Tango bato mabe bazwaka bokonzi, bato bamibombaka; kasi tango bakufaka, bato ya sembo bakomaka ebele.
