詩篇 106
1 阿肋路亞。請您們向木讚頌，因為祂是美善寬仁，祂的仁慈永遠常存。
Yahweh Pakai chu thangvah'in umhen! Elohim Pathen chu aphatna jeh'in thangvahna peuvin.
2 誰能說完上主的大能化工。誰能述盡上主的一切光榮？
Yahweh Pakai in thil loupi kidangtah atohdoh hohi kon asim jou ding ham? Kon Amahi ahina bangtah'in athangvah joudem?
3 遵守誡命的人真是有福！時時行義的人，真是有福！
Mi ahina bangtah a pachatna pethei holeh phat tin a adih jeng bol hon kipana aneithei jengun ahi.
4 上主，求您為了您對百姓的仁慈，記念我，又求您按照您施救的扶助，看顧我，
Yahweh Pakai nangin namite khotona namusah tengleh neihin geldoh'in lang neihin nai in neihuhdoh'in.
5 使我享見您選民的福樂，因您百姓的歡笑而歡笑；使我因您的產業而自豪。
Nalhendoh namite phatthei naboh nahoa keijong chan neineisah'in. Namite kipana a keijong neikipa sah'in. Nagou chang toh nangma thangvah khom kanom e.
6 我們和我們的祖先都犯過罪；都曾為非作歹而無惡不為；
Kapu kapateu bangin keiho jong kachonse tauve, keihon kabolkhel tauve, keiho phaloutah'in kanachon tauve,
7 我們祖先在埃及的時期，對您奇蹟的意義總不領會，也總不懷念您眾多的恩惠，且在紅海畔將至高者違背。
Egypt gam a ana um kapu kapateu chu Yahweh Pakai in thil kidang aboldoh ho chun atilkhou pouve. Amahon adinguva Yahweh Pakai phatna hochu ana sumil loiji tauve. Amahon twikhanglen san mun nachun Yahweh Pakai dounan ahung phunchel tauvin ahi.
8 但祂為了自己的名，仍然救了他們。這是為了彰顯祂自己的神威大能。
Achuti jeng vangun, Amin loupe dopsangna dingleh athaneina thupitah chu akilandohna dingin amaho chu ana huhdoh thouthou jin ahi.
9 祂一呵斥紅海，紅海立即乾涸，領他們走過海底，像走過沙漠。
Aman twikhanglen sanchu akan-na dingin thu apen, Aman twikhanglen chu neldigam abahsah'in Israelte chu ahinpui galkai in ahi.
10 救他們擺脫仇恨者的壓迫，從敵人的手中將他們救回。
Hiti chun agalmiteuva kon in anahuhdoh jin, chuleh akidoupihoa kon in ana hoidohsah'in ahi.
11 海水卻淹沒了他們的敵人，敵人連一酤也沒有留存。
Twichu akinung ledoh sah'in agalmiteu akhukhum jin khatcha jong anahingdoh pouvin ahi.
12 他們才相信了祂的諾言，高聲歌頌了對祂的頌讚。
Hitengle chun amiten akitepna chu atahsan jiuvin Ama vahchoina la chu asajiuvin ahi.
13 他們很快就忘了上主的作為，他們不再堅持順從祂的旨意，
Ahinla Yahweh Pakai in abolpeh houchu gangtah'in asumilji tauvin, Ama thuhil angahji pouvin ahi.
14 遂在曠野中放縱貪慾，在荒蕪之地試探天主。
Gamthip noi achun amaho tahsa ngaichat thilngen anathum'un hiche gamchai lah'a chun Elohim Pathen chu anapatep'un,
15 上主雖滿足了他們的貪求，卻使他們的肚腹發生毒瘤。
hijeh chun Aman angaichat'u chu anapen ahinlah nat na toh apehthan ahi.
16 他們在營中竟對梅瑟起了嫉妒。
Camp sunga umhochu Mose chungah athangthipmun chuleh Yahweh Pakai thempu theng Aaron a-ot'un ahi.
17 地裂開口吞下了達堂，掩蓋了阿彼蘭的同黨。
Hichejeh chun leiset chu ahung kamkan, Dathan, Abiram leh akiphinho jouse chu anavallhum'in avuimangtan ahi.
18 有烈火在他們集會中燃起，火焰就把切所有的惡徒焚毀。
Anungjui ho chungah meikong achun miphalou ho jouse chu meikong'in ahalgam tan ahi.
19 在曷勒布製造了牛犢，竟崇拜了一個金鑄的一個神偶；
Sinai mol'a sana a kisem bongnou chu chibai aboh'un,
20 將自己的光榮天主，變成了吃草的牛犢；
Loupitah Elohim Pathen chu hampane bonglim toh analheh tauve.
21 竟將拯救自己的天主忘記：祂曾在埃及地顯示了奇事，
Amahon ahuhingpau, Egypt gamma konna ahinpuidoh pau,
22 祂也曾在含邦施行過靈蹟，祂也曾在紅海發顯過奇異。
Ham gam sunga thil kidang tamtah ahin boldohpeh pau, twikhanglen san na gimneitah thil ana tongdohpa a Pathen'u Elohim chu anasumil tauvin ahi.
23 若非祂揀選的梅瑟出場，站立在當地的前方，挽回祂存心滅絕的怒浪，祂早就下令全部將他們滅亡。
Hijeh chun Aman kasuhmang ding ahi tin anaphongdoh tan ahi. Ahinlah Mose, lhendoh mipa chu Yahweh Pakai leh amipite kikah'a anadingtan, aman Yahweh Pakai kommachun alunghanna'a konna kile heija amipite chu asuhmang louna dingin ataotai.
24 他們還輕視了福地樂土，對上主的諾言不肯信取；
Mipite chu gam nom lutding chu ana nom tapouvin ahi, ajeh chu Elohim Pathen in ana kitepna banga apuihoi dingchu ana nom tapouvin ahi.
25 在自己帳幕內抱怨懷恨，不願意聽從上主的聲音。
Ajeh chu akaleh langin achon un, aponbuh sung uvah ana phunchel gam un, Yahweh Pakai thu anangainom pouvin,
26 上主於是向他們舉手起誓，要在曠野使他們喪身倒斃；
hijeh chun Yahweh Pakai chu lunghemtah'in ana kihahsel'in amahohi hiche gamthip noi a kathagam ding ahiuve anatitai.
27 要將他們伙的子孫分散異邦，要使他們在大地各處流亡。
Chutengleh ason apahteu chu chitin namtin lah'a kathejal sohding, chuleh gamla tah tah'a kaimang'a umdiu ahi ati.
28 此後，他們歸依巴耳培敖耳，還分食祭祀過死神的祭品。
Hiti chun, ipu apateu chu Baal leh Peor chibai bohna a anapang'un, mithi dinga kikatdoh sa jengjong ananeuvin ahi.
29 又作惡犯罪觸怒了上主，祂忽降災禍將他們懲處；
Hitiho jehhin amahon Yahweh Pakai chu ana sulang hangun hijeh chun alah uva natset analangtan ahi.
30 丕乃哈斯奮起調定停，這災禍才止息平定。
Ahinla Phenehas kitipa chun hangsantah'in nat se chu ana tingtan'in ahileh natset chu atangtai.
31 這確實算是他的功勳，世世代代感念不盡。
Hijeh chun hichea patchun michonpha tin jana anapetauvin ahi.
32 此後他們在默黎巴激怒上主，為了他們的理由，梅瑟也連累受苦；
Meribah-a jong Yahweh Pakai chu ana lunghansah'un hichun Mose chu anasuboi lheh'in ahi.
33 因他們使他精神苦悶，他脣舌說話未加謹慎。
Amahon Mose chu analunghan sah'un ahileh aman ngolkaitah'in thu anaseilo tan ahi
34 上主命他們消滅異民，他們卻沒有聽命履行，
Israelten chidang namdang hochu Yahweh Pakai in thu anapeh dungjui in anasohjou pouvin,
35 反而同異民混雜來往，學會他們的不良習尚，
hichu hilouvin agamsung mite lah'a chun ana chenghal un achonnao phaloutah hochu ana joptauvin,
36 竟崇拜了他們的偶像，偶像成了他們的羅網。
amilim doi houvu chu anahou un hichun alhuhnao asodohsahtan ahi.
37 他們竟殺自己的兒女，把他們獻給邪魔惡鬼，
Amahon achateu kisan chu anakatdoh'un chuleh achanuteu jengjong thillha hounan anapedoh'un,
38 傾流了無罪者的血，奉獻給客納罕的木偶，那地就疲流血所玷污。
amahon themmona neilou thisan anasouvin, achapateu leh achanuteu thisan chu Canaan mite doi hounan anamang'un tolthanan gamsung chu anasuboh'un,
39 他們因自己的作為，毫無廉恥，他們因自己的惡行，行同娼妓。
amahole amaho jong thilgilou bolnan anakisuboh'un adoihou thanopnau chu Yahweh Pakai mitmun jonthanhoi ana hidohtan ahi.
40 為此，上主向百姓大發憤怒，並對自己的人民憎恨厭惡；
Hichejeh chun Yahweh Pakai lunghanna chu amite chungah anakoudoh jengin ahileh Yahweh Pakai in ama-a tum hochu ana kidah lotan ahi.
41 把他們交在異民的手內，讓惱恨他們的人來主宰，
Hijeh chun Yahweh Pakai in amaho chu agamsung nammite lah'a chun ana pedoh'in chuleh athet nammiteu chun amaho chungah vai anahomji tauvin ahi.
42 為他們的仇人所虐待，在他們的手下受迫害。
Agalmi houchun asugep jiuvin chuleh abolgimnao khut thahatna noi a anakoiji tauvin ahi.
43 上主曾多次拯救他們但他們仍是抗不從命，陷於自己罪惡的深坑。
Avel vellin Aman ahuhdohjin, ahinlah amahon Ama dounan akipedohji tauvin ahi, chutengleh amaho chu achonset jeh'un suhmangin aumji tauvin ahi.
44 上主聽到了他們的哀鳴，又垂顧了他們受的災情，
Ahijeng vangin ahahsat tenguleh Aman akhotokit jiuvin akanao angaipeh kitjitan ahi.
45 憶起了祂自己恩待他們的盟約，憐憫了他們，只因祂的慈愛太多。
Aman amaho toh akitepnao ahin geldoh kitji in angailutna chultheilou jeh in alung ahinhei kitji in,
46 使他們在俘擄他們的人前，成為自己憐憫的因緣。
Aman ganhing a amanteu khutnah khotona amusah kitji nalaijin ahi.
47 上主，我們的天主，求您拯救我們，由異民召回我們重逢，為讚美您的聖名，並以讚美您為光榮。
O Yahweh Pakai, ka Pathen'u Elohim neihuhdoh'un! Chitin namtin lah'a konhin neichomkhom kitnun hitiachu namintheng kathangvah theina diuvin chuleh kipah a nangma kathangvah theina diuvin.
48 上主以色列的天主，從永遠到永遠受讚美！願全體百姓齊聲說：阿們，亞肋路亞。
Israel Pathen Elohim, Yahweh Pakai chu thangvah'un, Amahi tonsot'a pat tonsot geija hingjing Elohim Pathen ahi! Mi jousen “Amen” tiuhen. Yahweh Pakai chu thangvah'in umhen!
