1 Corinth 16

1 Tun Jerusalema Pathen mite dinga neitokhomna sum thua neihin doh nauva hin, nang hon jong Galatia gamkai pumpia houbungho henga ajui dingu kapeh chu najui dinguva katem nahiuve.

Now concerning the offering for the saints, you also are to do as I directed the church of Galatia.

2 Hapta seh a ni masapen nileh, nasum kilodoh uva kon chun atatoh kham bep anakoi doh uvin. Keima kahunglhuna khatvei lah a kahung lahkhom tokah ngah hih uvin.

On the first day of each week let each of you put aside something, keeping it in store as he may prosper, so that when I come there may be no collections going on.

3 Keima kahung tengleh, nathilpeh u Jerusalema podinga nalhen doh hou dinga seiphatna lekhathot kajih ding ahi.

On my arrival I will send those whom you may accredit by letter to carry your bounty to Jerusalem.

4 Chule keima dinga amaho toh lhon ding chu ahimona aum louva ahileh, keima tojong kaki lhon theiyu ahi.

And if it is worth while for me to go too, they will accompany me.

5 Keima Macedonia kache jou tengleh nangho vil dinga naheng uva kahung ding ahi, ajeh chu keima Macedonia a kona hung kholjin ding kalunggon ahi.

Now I shall come to you after I have gone through Macedonia.

6 Ijem itileh phat chomkhat, phalbi sunga nangho to umkhom kanomin, chujou tengleh aban kachena ding alampi nei gonpeh uva neisol theiyu ahitai.

I shall remain some time with you; possibly spending the winter, in order that you may help me forward in whatever journey I take.

7 Tuchunga hi nangho chomcha hungvila chule aban chebe ding ti kagongpoi. Keima kahunga Pakaiyin eiphatsah ahileh chomkhat beh um ding kanop ahi.

For I do not wish at this present time to see you merely in passing; but if the Lord permits, I hope to remain some time with you.

8 Tutadi hin, Pentecost Kut lhunkah a dingin Ephesus khopia hin um inge.

I am staying for the present in Ephesus, until Pentecost;

9 Hikoma natoh lentah tohna dingin kot lentah akihongin, hinla eidouva mi tamtah aumun ahi.

for a door has opened to me, great and effectual, and the opponents are many.

10 Timothy ahung tengleh, engbolna ima neihih un. Aman keima Pakai natoh katoh tobanga hi Pakai na chu atoh ahiye.

If Timothy come, see to it that he is among you without trepidation; for he is doing the Lord’s work, as I am, so let no one disparage him.

11 Koiman amahi hutum le gihna nei dauhen. Ama kaheng lama ahung kile tengleh na phatthei nau pumin hinsol un. Amahi atahsan midangto ahung kilhon ding kakinemin ahi.

Whenever he comes to me, send him on his way in peace, for I am expecting him with the other brothers.

12 Tun isopiu Apollos chung changa hin–keiman ama chun atahsan sopi dang ho toh nahung vilna dingun katemin ahi, hinla tutadin ama achenom hih laiye. Aman phat kijen dom phat dang anei teng nahung vil dingu ahi.

As for our Apollos, I have many times urged him to go to you with the others, but he was always unwilling to go to you at this time. He will come, however, whenever he has a good opportunity.

13 Kihong phauvin, Tahsanna'a chun dingdet'un, Lung ngam'un. Hat'un.

Be watchful, stand firm in the faith, be manly, be strong.

14 Chule nabol jouseu chu ngailutna in bol'un.

Let all that you do be done in love.

15 Stephanas le ain sung mite abonchauva Greece a aga masapen ahiuve ti nang hon naheuvin, chule amaho hin Pathen mite kin bolnaa ahinkhou aman jengu ahi. Kasopi deitah teho, kangeh nahiuve,

I beg you this, my brothers - you know the household of Stephanus, that they were the first-fruits of Achaia, and that they devoted themselves to the service of the saints -

16 Amaho le midang ho kiphal thengtah le lunglut tah a natong ho thunoiya kipelut un.

so I want you also to show deference to such, and to every fellow worker, and laborer.

17 Stephanas, Fortunetas Chule Achaicus hikom mun ahungu hin eikipasah lheh jengin ahi. Nanghon hikoma kithopina neipeh theilou u chu amaho hin eikithopiu ahi'e.

I am glad that Stephanus and Fortunatus and Achaicus have arrived, for they have made up for your absence.

18 Amaho nangho dinga kitilkhouna phatah ahibang uvin, keima dingin jong ahiuve. Hitobang loma phatah a lhacha kinbol ho jouse chu nakipapi nau navetsah tei diudol ahi.

They refresh my spirit as they do yours. So cultivate the acquaintance of such men.

19 Asia gamkai sunga hilam a houbung um hon, Aquila le Priscilla chule ain'a kikhom houbung chun Pakaiya chibai nahin bol uve.

The churches of Asia greet you. Aquila and Priscilla (Prisca), with the church that meets in their house, greet you heartily in the Lord.

20 Sopite ho hikoma umho jousen chibai nahin thot uve. Khat le khat Christian kingailutnan chibai kibolun.

All the brothers send greetings. Greet one another with a holy kiss.

21 Hiche hi keima PAUL in kakhuttah a kajih kichibaina thucheng ahi.

The greeting of me, Paul, with my own hand.

22 Koitobang Pakai ngailu lou auma ahileh, ama chu gaosap changa ahi. Ka Pakaiyu hungin!

If any one does not love the Lord, let him be accursed. Our Lord is coming.

23 I-Pakaiyu Yeshua milungsetna chun naumpiu hen.

The grace of our Lord Jesus be with you.

24 Christa Yeshua a kangailutna nabon chauva chunga umhen. Amen.

My love be with you all in Christ Jesus.