Masalimo 89
1 Ndakatulo ya Etani, wa banja la Ezara. Ndidzayimba za chikondi chachikulu cha Yehova kwamuyaya; ndi pakamwa panga ndidzachititsa kuti kukhulupirika kwanu kudziwike ku mibado yonse.
| משכיל לאיתן האזרחי ב חסדי יהוה עולם אשירה לדר ודר אודיע אמונתך בפי |
2 Ndidzalalikira kuti chikondi chanu chidzakhazikika mpaka muyaya, kuti Inu munakhazikitsa kukhulupirika kwanu kumwamba kwenikweniko.
| כי-אמרתי--עולם חסד יבנה שמים תכן אמונתך בהם |
3 Inu munati, “Ndachita pangano ndi wosankhidwa wanga, ndalumbira kwa Davide mtumiki wanga kuti,
| כרתי ברית לבחירי נשבעתי לדוד עבדי |
4 ‘Ndidzakhazikitsa zidzukulu zako mpaka muyaya. Ndidzachititsa kuti mpando wako waufumu ukhazikike ku mibado yonse,’” (Sela)
| עד-עולם אכין זרעך ובניתי לדר-ודור כסאך סלה |
5 Mayiko akumwamba amatamanda zozizwitsa zanu Yehova, kukhulupirika kwanunso, mu msonkhano wa oyera mtima anu.
| ויודו שמים פלאך יהוה אף-אמונתך בקהל קדשים |
6 Pakuti ndani mu mlengalenga angalingane ndi Yehova? Ndani wofanana ndi Yehova pakati pa zolengedwa zakumwamba?
| כי מי בשחק יערך ליהוה ידמה ליהוה בבני אלים |
7 Mu msonkhano wa oyera mtima Mulungu amaopedwa kwambiri; Iye ndiye wochititsa mantha kupambana onse amene amuzungulira.
| אל נערץ בסוד-קדשים רבה ונורא על-כל-סביביו |
8 Inu Yehova Mulungu Wamphamvuzonse, ndani wofanana nanu? Yehova ndinu wamphamvu ndipo kukhulupirika kwanu kwakuzungulirani.
| יהוה אלהי צבאות--מי-כמוך חסין יה ואמונתך סביבותיך |
9 Mumalamula nyanja ya mafunde awukali; pamene mafunde ake awundana Inu mumawakhalitsa bata.
| אתה מושל בגאות הים בשוא גליו אתה תשבחם |
10 Munaphwanya Rahabe monga munthu wophedwa; ndi dzanja lanu lamphamvu munabalalitsa adani anu.
| אתה דכאת כחלל רהב בזרוע עזך פזרת אויביך |
11 Mayiko akumwamba ndi anu ndiponso dziko lapansi ndi lanu; munapanga dziko lonse ndi zonse zili mʼmenemo.
| לך שמים אף-לך ארץ תבל ומלאה אתה יסדתם |
12 Munalenga Kumpoto ndi Kummwera; Tabori ndi Herimoni akuyimba ndi chimwemwe pa dzina lanu.
| צפון וימין אתה בראתם תבור וחרמון בשמך ירננו |
13 Mkono wanu ndi wamphamvu; dzanja lanu ndi lamphamvu, dzanja lanu lamanja ndi lopambana.
| לך זרוע עם-גבורה תעז ידך תרום ימינך |
14 Chilungamo ndi chiweruzo cholungama ndiye maziko a mpando wanu waufumu; chikondi ndi kukhulupirika zimayenda patsogolo panu.
| צדק ומשפט מכון כסאך חסד ואמת יקדמו פניך |
15 Ndi odala amene aphunzira kuyamika Inu, amene amayenda mʼkuwunika kwa nkhope yanu Yehova.
| אשרי העם ידעי תרועה יהוה באור-פניך יהלכון |
16 Amakondwera mʼdzina lanu tsiku lonse lathunthu; amasangalala koposa mʼchilungamo chanu.
| בשמך יגילון כל-היום ובצדקתך ירומו |
17 Pakuti Inu ndiye ulemerero wawo ndi mphamvu yawo ndipo mwa kukoma mtima kwanu Inu mumakweza nyanga yathu.
| כי-תפארת עזמו אתה וברצונך תרים (תרום) קרנינו |
18 Ndithudi, chishango chathu ndi cha Yehova, Mfumu yathu kwa Woyerayo wa Israeli.
| כי ליהוה מגננו ולקדוש ישראל מלכנו |
19 Kale munayankhula mʼmasomphenya, kwa anthu anu okhulupirika munati, “Ndapatsa mphamvu wankhondo; ndakweza mnyamata wochokera pakati pa anthu.
| אז דברת בחזון לחסידיך-- ותאמר שויתי עזר על-גבור הרימותי בחור מעם |
20 Ndamupeza mtumiki wanga Davide; ndamudzoza ndi mafuta opatulika.
| מצאתי דוד עבדי בשמן קדשי משחתיו |
21 Dzanja langa lidzamuchirikiza; zoonadi, mkono wanga udzamupatsa mphamvu.
| אשר ידי תכון עמו אף-זרועי תאמצנו |
22 Adani sadzamulamula kuti apereke msonkho; anthu oyipa sadzamusautsa.
| לא-ישיא אויב בו ובן-עולה לא יעננו |
23 Ndidzaphwanya adani ake pamaso pake ndi kukantha otsutsana naye.
| וכתותי מפניו צריו ומשנאיו אגוף |
24 Chikondi changa chokhulupirika chidzakhala naye, ndipo kudzera mʼdzina langa nyanga yake idzakwezedwa.
| ואמונתי וחסדי עמו ובשמי תרום קרנו |
25 Ndidzayika dzanja lake pa nyanja, dzanja lake lamanja pa mitsinje.
| ושמתי בים ידו ובנהרות ימינו |
26 Iyeyo adzafuwula kwa Ine kuti, ‘Ndinu Atate anga, Mulungu wanga, Thanthwe ndi Chipulumutso changa.’
| הוא יקראני אבי אתה אלי וצור ישועתי |
27 Ndidzamuyika kuti akhale mwana wanga woyamba kubadwa; wokwezedwa kwambiri pakati pa mafumu a dziko lapansi.
| אף-אני בכור אתנהו עליון למלכי-ארץ |
28 Ndidzamusungira chifundo changa kwamuyaya, ndipo pangano langa ndi iye silidzatha.
| לעולם אשמור- (אשמר-) לו חסדי ובריתי נאמנת לו |
29 Ine ndidzakhazikitsa zidzukulu zake mpaka muyaya, mpando wake waufumu ngati masiku a miyamba.
| ושמתי לעד זרעו וכסאו כימי שמים |
30 “Ngati ana ake adzataya lamulo langa ndi kusatsatira malangizo anga,
| אם-יעזבו בניו תורתי ובמשפטי לא ילכון |
31 ngati adzaswa malamulo anga ndi kulephera kusunga ziphunzitso zanga,
| אם-חקתי יחללו ומצותי לא ישמרו |
32 Ine ndidzalanga tchimo lawo ndi ndodo, mphulupulu zawo powakwapula.
| ופקדתי בשבט פשעם ובנגעים עונם |
33 Koma sindidzachotsa chikondi changa pa iye, kapena kukhala wosakhulupirika kwa iyeyo.
| וחסדי לא-אפיר מעמו ולא-אשקר באמונתי |
34 Sindidzaswa pangano langa kapena kusintha zimene milomo yanga yayankhula.
| לא-אחלל בריתי ומוצא שפתי לא אשנה |
35 Ndinalumbira kamodzi mwa kuyera kwanga ndipo sindidzanama kwa Davide,
| אחת נשבעתי בקדשי אם-לדוד אכזב |
36 kuti zidzukulu zake zidzakhale kwamuyaya ndipo mpando wake waufumu udzakhazikika pamaso panga ngati dzuwa;
| זרעו לעולם יהיה וכסאו כשמש נגדי |
37 udzakhazikika kwamuyaya monga mwezi, mboni yokhulupirika mʼmitambo. (Sela)
| כירח יכון עולם ועד בשחק נאמן סלה |
38 “Koma tsopano Inu mwamukana, mwamutaya, mwamukwiyira kwambiri wodzozedwa wanu.
| ואתה זנחת ותמאס התעברת עם-משיחך |
39 Mwakana pangano ndi mtumiki wanu ndipo mwadetsa mʼfumbi chipewa chake chaufumu.
| נארתה ברית עבדך חללת לארץ נזרו |
40 Inu mwagumula makoma ake onse ndipo mwasandutsa bwinja malinga ake.
| פרצת כל-גדרתיו שמת מבצריו מחתה |
41 Onse amene amadutsa amalanda zinthu zake; iye wakhala chotonzedwa cha anansi ake.
| שסהו כל-עברי דרך היה חרפה לשכניו |
42 Mwakweza dzanja lamanja la adani ake; mwachititsa kuti adani ake akondwere.
| הרימות ימין צריו השמחת כל-אויביו |
43 Mwabunthitsa lupanga lake, simunamuthandize pa nkhondo.
| אף-תשיב צור חרבו ולא הקימתו במלחמה |
44 Inu mwathetsa kukongola kwa ulemerero wake ndipo mwagwetsa pansi mpando wake waufumu.
| השבת מטהרו וכסאו לארץ מגרתה |
45 Mwachepetsa masiku a unyamata wake; mwamuphimba ndi chofunda chochititsa manyazi. (Sela)
| הקצרת ימי עלומיו העטית עליו בושה סלה |
46 “Mpaka liti Yehova? Kodi mudzadzibisa mpaka kalekale? Mpaka liti ukali wanu udzayaka ngati moto?
| עד-מה יהוה תסתר לנצח תבער כמו-אש חמתך |
47 Kumbukirani kuti masiku a moyo wanga ndi ochepa pakuti munalenga kwachabe anthu onse!
| זכר-אני מה-חלד על-מה-שוא בראת כל-בני-אדם |
48 Kodi ndi munthu uti angakhale ndi moyo ndi kusaona imfa? Kapena kudzipulumutsa yekha ku mphamvu ya manda? (Sela) (Sheol h7585)
| מי גבר יחיה ולא יראה-מות ימלט נפשו מיד-שאול סלה (Sheol h7585) |
49 Inu Ambuye kodi chili kuti chikondi chanu chachikulu choyamba chija, chimene mwa kukhulupirika kwanu munalumbira kwa Davide?
| איה חסדיך הראשנים אדני נשבעת לדוד באמונתך |
50 Kumbukirani, Ambuye momwe mtumiki wanu wanyozedwera, momwe ndakhalira ndi kusunga mu mtima mwanga mawu a pangano a anthu a mitundu yonse,
| זכר אדני חרפת עבדיך שאתי בחיקי כל-רבים עמים |
51 mawu achipongwe amene adani anu akhala akunyoza, Inu Yehova, ndi mawu amene akhala akunyoza mayendedwe onse a wodzozedwa wanu.
| אשר חרפו אויביך יהוה אשר חרפו עקבות משיחך |
52 “Matamando akhale kwa Yehova mpaka muyaya!”
| ברוך יהוה לעולם אמן ואמן |
