Masalimo 135
1 Tamandani Yehova. Tamandani dzina la Yehova; mutamandeni, inu atumiki a Yehova,
| הללו-יה הללו את-שם יהוה הללו עבדי יהוה |
2 amene mumatumikira mʼnyumba ya Yehova, mʼmabwalo a nyumba ya Mulungu wathu.
| שעמדים בבית יהוה-- בחצרות בית אלהינו |
3 Tamandani Yehova, pakuti Yehova ndi wabwino; imbani nyimbo zotamanda dzina lake, pakuti nʼkokoma kutero,
| הללו-יה כי-טוב יהוה זמרו לשמו כי נעים |
4 Pakuti Yehova wasankha Yakobo kuti akhale wake, Israeli kuti akhale chuma chake chapamtima.
| כי-יעקב בחר לו יה ישראל לסגלתו |
5 Ndikudziwa kuti Yehova ndi wamkulu, kuti Ambuye athu ndi wamkulu kuposa milungu yonse.
| כי אני ידעתי כי-גדול יהוה ואדנינו מכל-אלהים |
6 Yehova amachita chilichonse chimene chimamukomera, kumwamba ndi dziko lapansi, ku nyanja zazikulu ndi ku malo ake onse akuya.
| כל אשר-חפץ יהוה עשה בשמים ובארץ-- בימים וכל-תהמות |
7 Iye amatulutsa mitambo kuchokera ku malekezero a dziko lapansi, amatumiza zingʼaningʼani pamodzi ndi mvula ndipo amatulutsa mphepo ku malo ake osungiramo.
| מעלה נשאים מקצה הארץ ברקים למטר עשה מוצא-רוח מאוצרותיו |
8 Anakantha ana oyamba kubadwa a Igupto, ana oyamba kubadwa a anthu ndi nyama.
| שהכה בכורי מצרים-- מאדם עד-בהמה |
9 Iye anatumiza zizindikiro zozizwitsa ndi zodabwitsa pakati pako, iwe Igupto, kutsutsana ndi Farao pamodzi ndi atumiki ake onse.
| שלח אותת ומפתים--בתוככי מצרים בפרעה ובכל-עבדיו |
10 Iye anakantha mitundu yambiri ya anthu ndi kupha mafumu amphamvu:
| שהכה גוים רבים והרג מלכים עצומים |
11 Sihoni mfumu ya Aamori, Ogi mfumu ya Basani, ndi maufumu onse a ku Kanaani;
| לסיחון מלך האמרי ולעוג מלך הבשן ולכל ממלכות כנען |
12 ndipo anapereka dziko lawo ngati cholowa, cholowa cha anthu ake Aisraeli.
| ונתן ארצם נחלה-- נחלה לישראל עמו |
13 Dzina lanu, Inu Yehova, ndi losatha mpaka muyaya, mbiri yanu, Inu Yehova, idziwika mibado yonse.
| יהוה שמך לעולם יהוה זכרך לדר-ודר |
14 Pakuti Yehova adzaonetsa kuti anthu ake ngosalakwa, ndipo adzachitira chifundo atumiki ake.
| כי-ידין יהוה עמו ועל-עבדיו יתנחם |
15 Mafano a mitundu ya anthu ndi siliva ndi golide, opangidwa ndi manja a anthu.
| עצבי הגוים כסף וזהב מעשה ידי אדם |
16 Pakamwa ali napo koma sayankhula maso ali nawo, koma sapenya;
| פה-להם ולא ידברו עינים להם ולא יראו |
17 makutu ali nawo, koma sakumva ndipo mʼkamwa mwawo mulibe mpweya uliwonse.
| אזנים להם ולא יאזינו אף אין-יש-רוח בפיהם |
18 Iwo amene amapanga mafanowo adzakhala ngati mafanowo, chimodzimodzinso iwo amene amadalira mafanowo.
| כמוהם יהיו עשיהם-- כל אשר-בטח בהם |
19 Inu nyumba ya Israeli, tamandani Yehova; inu nyumba ya Aaroni, tamandani Yehova;
| בית ישראל ברכו את-יהוה בית אהרן ברכו את-יהוה |
20 Inu nyumba ya Levi, tamandani Yehova; Inu amene mumaopa Iye, tamandani Yehova.
| בית הלוי ברכו את-יהוה יראי יהוה ברכו את-יהוה |
21 Wodalitsika ndi Yehova kuchokera mʼZiyoni, amene amakhala mu Yerusalemu. Tamandani Yehova.
| ברוך יהוה מציון-- שכן ירושלם הללו-יה |
