Malasu 3
1 Nagofe! Na adi hou olelebe amo mae gogolema amola eso huluane dawa: laloma amola na sia: be defele hamoma.
| בני תורתי אל תשכח ומצותי יצר לבך׃ |
2 Amola na olelebe amoga di da hahawane ode bagohame esalusu amola didili hamosu ba: mu.
| כי ארך ימים ושנות חיים ושלום יוסיפו לך׃ |
3 Dia eno dunu fidisu hou mae yolesima amola hohonosu maedafa hamoma. Amo hou huluane dia galogoaga noga: le idinigima amola dia dogoga fedege agoane dedema.
| חסד ואמת אל יעזבך קשרם על גרגרותיך כתבם על לוח לבך׃ |
4 Di agoane hamosea, Gode amola osobo bagade dunu ilia da dima hahawane ba: mu.
| ומצא חן ושכל טוב בעיני אלהים ואדם׃ |
5 Hina Godema dia asigiga amola dogoga dawa: ma. Amola dia osobo bagadega dawa: amoga mae hamoma.
| בטח אל יהוה בכל לבך ואל בינתך אל תשען׃ |
6 Be Hina Godema dawa: ma, adi liligi dia hamosea. Amasea, Hi fawane da logo moloidafa gala dima olelemu.
| בכל דרכיך דעהו והוא יישר ארחתיך׃ |
7 Di disu amane mae dawa: ma di fawane da dawa: gala, amo mae dawa: ma. Be Hina Gode Hima fawane nabima, amola wadela: i hou hamomu higama.
| אל תהי חכם בעיניך ירא את יהוה וסור מרע׃ |
8 Dia amane hamosea, amo hou da manoma ida: iwane agoai ba: mu amola dia aiya da bahomu amola dia se da uhi dagoi ba: mu.
| רפאות תהי לשרך ושקוי לעצמותיך׃ |
9 Di da Godema dawa: beba: le, dia hamoi liligi gobele salasu iabe defele ima amola dia sogega bugibi liligi baligili noga: idafa Godema ima.
| כבד את יהוה מהונך ומראשית כל תבואתך׃ |
10 Dia amane hamosea, dia ifabi amo ha: i manu bagadewane ba: mu amola dia diasu ganodini gagoma amola waini bagade ba: muba: le, legemu da hamedei ba: mu.
| וימלאו אסמיך שבע ותירוש יקביך יפרצו׃ |
11 Nagofe! Gode E da di dawa: ma: ne se iasea, noga: le dawa: ma amola amo da Gode Ea sisasu amo dawa: ma.
| מוסר יהוה בני אל תמאס ואל תקץ בתוכחתו׃ |
12 Ada da ea mano amoma e da asigisa amoma dawa: ma: ne ema se iaha. Amo defele, Gode E da nowa dunu E da ema asigisia amoma se iasu amoga olelesa.
| כי את אשר יאהב יהוה יוכיח וכאב את בן ירצה׃ |
13 Dunu nowa da Bagade Dawa: su Hou hogoi helesea, e da nodoi esalumu.
| אשרי אדם מצא חכמה ואדם יפיק תבונה׃ |
14 Silifa amola gouli amola ilia bidi lasu ilegei da bagade. Be Bagade Dawa: su Hou da amo ea bidi lasu ilegei da baligi dagoi.
| כי טוב סחרה מסחר כסף ומחרוץ תבואתה׃ |
15 Amola Bagade Dawa: su Hou amo da igi ida: iwane amo ea bidi lasu defei bagade baligisa. Amola Bagade Dawa: su Hou amo da liligi huluane dia hanai amo da baligi dagoi.
| יקרה היא מפניים וכל חפציך לא ישוו בה׃ |
16 Bagade Dawa: su Hou amo da dima hahawane esalusu iaha amola osobo bagadega fifi asi helemu. Amola di da amo hou ganodini bagade gaguiwane esalumu.
| ארך ימים בימינה בשמאולה עשר וכבוד׃ |
17 Bagade dawa: su esalusu hou amo da dima hou ida: iwane hamoma: ne olelesa amola di logo noga: iga oule ahoa.
| דרכיה דרכי נעם וכל נתיבותיה שלום׃ |
18 Nowa da Bagade Dawa: su Hou amoma dawa: sea, ilia da nodoi esalumu. Amola Bagade Dawa: su Hou da hahawane esalusu ilima imunu.
| עץ חיים היא למחזיקים בה ותמכיה מאשר׃ |
19 Gode E da ea Bagade Dawa: su Hou amo ganodini osobo bagade amo hahamoi amola ea dawa: su amoga da mu amola hahamoi dagoi.
| יהוה בחכמה יסד ארץ כונן שמים בתבונה׃ |
20 Gode Ea Bagade Dawa: su Hou amoga hano amola mu mobi (amo da osobo bagadega gibu iaha) hamoi dagoi.
| בדעתו תהומות נבקעו ושחקים ירעפו טל׃ |
21 Nagofe! Dia Bagade Dawa: su Hou ida: iwane amo noga: le gaguma amola noga: le ba: ma. Amo liligi dia mae yolesima.
| בני אל ילזו מעיניך נצר תשיה ומזמה׃ |
22 Amo hou amo da dima esalalalusu imunuyo. Amola nodosu hou di da ba: mu amola hahawane esalusu lamu.
| ויהיו חיים לנפשך וחן לגרגרתיך׃ |
23 Amasea, di da logoga ahoasea, di da hame dafamu.
| אז תלך לבטח דרכך ורגלך לא תגוף׃ |
24 Di da hamedafa beda: mu, golasea. Amola di da hahawane mae nedigili golamu, gasi ganodini.
| אם תשכב לא תפחד ושכבת וערבה שנתך׃ |
25 Amola di da adi hou doaga: mu amoga di da hame beda: mu. Amola amo hou da fo mabe agoai gala wadela: i hamosu dunuma doaga: sa, be di da hame beda: mu.
| אל תירא מפחד פתאם ומשאת רשעים כי תבא׃ |
26 Hina Gode Ea da di gaga: mu. Amola Hi fawane da di sani ganodini mae sa: ima: ne hamomu.
| כי יהוה יהיה בכסלך ושמר רגלך מלכד׃ |
27 Dia da fidimu logo ba: sea, eno dunuma hou ida: iwane hamoma amola fidima.
| אל תמנע טוב מבעליו בהיות לאל ידיך לעשות׃ |
28 Dia na: iyado amo ea fidima: ne sia: sea, amola asa o aiya amane mae sia: ma. Be e hedolowane waha fidima.
| אל תאמר לרעיך לך ושוב ומחר אתן ויש אתך׃ |
29 Dia na: iyado amo da: i dioma: ne mae sia: ma. Amola e da dia fi gadenene esala e da dima dafawaneyale dawa: sa.
| אל תחרש על רעך רעה והוא יושב לבטח אתך׃ |
30 Eno dunuma di udigili mae sia: ga gegema. Amola bai hame galea, di mae sia: ga gegema.
| אל תרוב עם אדם חנם אם לא גמלך רעה׃ |
31 Amola di da gegebe dunu ilima di mae mudama. Amola, ea hamobe amane mae hamoma.
| אל תקנא באיש חמס ואל תבחר בכל דרכיו׃ |
32 Amola amai dunu ilima Hina Gode E da hahawane dogolegele hame ba: sa amola e da ilima bagadewane higasa. Be Hina Gode E da dunu nowa e da moloi hou hamosea, E da ilima Ea ilegesu olelesa.
| כי תועבת יהוה נלוז ואת ישרים סודו׃ |
33 Hina Gode da wadela: i hou hamosu dunu ea sosogo ilima gagabusu iaha. Be nowa dunu da moloi hou hamosea, E da amo ea sosogo hahawane dogolegele fidisa.
| מארת יהוה בבית רשע ונוה צדיקים יברך׃ |
34 Amola nowa dunu e da gasa fi hou hamosa amola hi hou da eno ilia hou baligisa dawa: sa, Hina Gode da hahawane hame ba: sa. Be E da nowa da moloi hou hamosa, ilima E da hahawane gala.
| אם ללצים הוא יליץ ולעניים יתן חן׃ |
35 Amola dunu amo da Bagade Dawa: su Hou hamosa, dunu eno da ilima nodomu. Be gagaoui dunu ilia hou hamobeba: le da baligili gogosia: su ba: mu.
| כבוד חכמים ינחלו וכסילים מרים קלון׃ |
