Psalms 94
1 Olúwa Ọlọ́run ẹni tí ń gbẹ̀san, Ọlọ́run ẹni tí ń gbẹ̀san.
| אל נקמות יהוה אל נקמות הופיע׃ |
2 Gbé ara rẹ sókè, ìwọ onídàájọ́ ayé; san ẹ̀san fún agbéraga ohun tí ó yẹ wọ́n.
| הנשא שפט הארץ השב גמול על גאים׃ |
3 Báwo ní yóò ti pẹ́ tó, Olúwa tí àwọn ẹni búburú yóò kọ orin ayọ̀?
| עד מתי רשעים יהוה עד מתי רשעים יעלזו׃ |
4 Wọ́n ń sọ̀rọ̀ ìgbéraga jáde; gbogbo àwọn olùṣe búburú kún fún ìṣògo.
| יביעו ידברו עתק יתאמרו כל פעלי און׃ |
5 Wọ́n fọ́ àwọn ènìyàn rẹ túútúú, Olúwa: wọ́n pọ́n ilẹ̀ ìní rẹ̀ lójú.
| עמך יהוה ידכאו ונחלתך יענו׃ |
6 Wọ́n pa àwọn opó àti àlejò, wọ́n sì pa àwọn ọmọ aláìní baba.
| אלמנה וגר יהרגו ויתומים ירצחו׃ |
7 Wọ́n sọ pé, “Olúwa kò rí i; Ọlọ́run Jakọbu kò sì kíyèsi i.”
| ויאמרו לא יראה יה ולא יבין אלהי יעקב׃ |
8 Kíyèsi i, ẹ̀yin aláìlóye nínú àwọn ènìyàn; ẹ̀yin aṣiwèrè, nígbà wo ni ẹ̀yin yóò lóye?
| בינו בערים בעם וכסילים מתי תשכילו׃ |
9 Ẹni tí ó gbin etí, ó lè ṣe aláìgbọ́ bí? Ẹni tí ó dá ojú? Ó ha lè ṣe aláìríran bí?
| הנטע אזן הלא ישמע אם יצר עין הלא יביט׃ |
10 Ẹni tí ń bá orílẹ̀-èdè wí, ṣé kò lè tọ́ ni ṣọ́nà bí? Ẹni tí ń kọ́ ènìyàn ha lè ṣàìní ìmọ̀ bí?
| היסר גוים הלא יוכיח המלמד אדם דעת׃ |
11 Olúwa mọ èrò inú ènìyàn; ó mọ̀ pé asán ni wọ́n.
| יהוה ידע מחשבות אדם כי המה הבל׃ |
12 Ìbùkún ni fún ènìyàn náà tí ìwọ bá wí, Olúwa, ẹni tí ìwọ kọ́ nínú òfin rẹ,
| אשרי הגבר אשר תיסרנו יה ומתורתך תלמדנו׃ |
13 Ìwọ gbà á kúrò nínú ọjọ́ ibi, títí a ó fi wa ihò sílẹ̀ fún ẹni búburú.
| להשקיט לו מימי רע עד יכרה לרשע שחת׃ |
14 Nítorí Olúwa kò ní kọ àwọn ènìyàn rẹ̀ sílẹ̀, Òun kò sì ní kọ ilẹ̀ ìní rẹ̀ sílẹ̀.
| כי לא יטש יהוה עמו ונחלתו לא יעזב׃ |
15 Ìdájọ́ yóò padà sí òdodo, àti gbogbo àwọn ọlọ́kàn dídúró ṣinṣin yóò tẹ̀lé e lẹ́yìn.
| כי עד צדק ישוב משפט ואחריו כל ישרי לב׃ |
16 Ta ni yóò dìde fún mi sí àwọn olùṣe búburú? Tàbí ta ni yóò dìde sí àwọn oníṣẹ́ ẹ̀ṣẹ̀ fún mi?
| מי יקום לי עם מרעים מי יתיצב לי עם פעלי און׃ |
17 Bí kò ṣe pé Olúwa fún mi ní ìrànlọ́wọ́, èmi fẹ́rẹ̀ máa gbé ní ilẹ̀ tí ó dákẹ́.
| לולי יהוה עזרתה לי כמעט שכנה דומה נפשי׃ |
18 Nígbà tí mo sọ pé, “Ẹsẹ̀ mi ń yọ̀”, Olúwa, ìfẹ́ rẹ̀ ni ó tì mí lẹ́yìn.
| אם אמרתי מטה רגלי חסדך יהוה יסעדני׃ |
19 Nígbà tí àníyàn ńlá wà nínú mi, ìtùnú rẹ̀ mú ayọ̀ sí ọkàn mi.
| ברב שרעפי בקרבי תנחומיך ישעשעו נפשי׃ |
20 Ìjọba ìbàjẹ́ ha lè kẹ́gbẹ́ pẹ̀lú rẹ ẹni tí ń fi òfin dì mọ́ ìwà ìkà?
| היחברך כסא הוות יצר עמל עלי חק׃ |
21 Wọ́n kó ara wọn jọ sí olódodo wọ́n sì ń dá àwọn aláìṣẹ̀ lẹ́bi sí ikú.
| יגודו על נפש צדיק ודם נקי ירשיעו׃ |
22 Ṣùgbọ́n, Olúwa ti di odi alágbára mi, àti Ọlọ́run mi ni àpáta nínú ẹni tí mo ti ń gba ààbò.
| ויהי יהוה לי למשגב ואלהי לצור מחסי׃ |
23 Òun yóò san ẹ̀san ibi wọn fún wọn yóò sì pa wọ́n run nítorí búburú wọn Olúwa Ọlọ́run wa yóò pa wọ́n run.
| וישב עליהם את אונם וברעתם יצמיתם יצמיתם יהוה אלהינו׃ |
