Psalms 46

1 Fún adarí orin. Ti àwọn ọmọ Kora. Gẹ́gẹ́ bí ti alamoti. Orin. Ọlọ́run ni ààbò àti agbára wa ó jẹ́ olùrànlọ́wọ́ ní ìgbà ìpọ́njú.

For the music director by the sons of Korah. According to alamoth, a song. God is our protection and our strength; always ready to help when troubles come.

2 Nítorí náà àwa kì yóò bẹ̀rù, bí a tilẹ̀ ṣí ayé ní ìdí, tí òkè sì ṣubú sínú Òkun.

So we will not be afraid though the earth shakes, though the mountains fall into the depths of the sea,

3 Tí omi rẹ̀ tilẹ̀ ń hó tí ó sì ń mì tí àwọn òkè ńlá tilẹ̀ ń mì pẹ̀lú ọwọ́ agbára rẹ̀. (Sela)

though the waters roar and foam, though the mountains tremble as the waters surge violently! (Selah)

4 Odò ńlá kan wà tí ṣíṣàn rẹ̀ mú inú ìlú Ọlọ́run dùn, ibi mímọ́, níbi ti Ọ̀gá-ògo ń gbé.

A river flows to bring happiness to those in God's city, the holy place where the Most High lives.

5 Ọlọ́run wà pẹ̀lú rẹ̀, kò ní yẹ̀: Ọlọ́run yóò ràn án lọ́wọ́ ní kùtùkùtù òwúrọ̀.

God is in the midst of the city; it will never fall. God protects it as soon as it is light.

6 Àwọn orílẹ̀-èdè ń bínú, àwọn ilẹ̀ ọba ṣubú, ó gbé ohun rẹ̀ sókè, ayé yọ̀.

Nations are in turmoil, kingdoms collapse. God raises his voice and the earth melts.

7 Olúwa àwọn ọmọ-ogun wà pẹ̀lú wa, Ọlọ́run Jakọbu ni ààbò wa.

The Lord Almighty is with us; the God of Jacob protects us. (Selah)

8 Ẹ wá wo iṣẹ́ Olúwa irú ahoro tí ó ṣe ní ayé.

Come and see what the Lord has achieved! See the amazing things he has done on the earth!

9 O mú ọ̀tẹ̀ tán de òpin ilẹ̀ ayé ó ṣẹ́ ọrun, ó sì gé ọ̀kọ̀ sí méjì ó fi kẹ̀kẹ́ ogun jóná.

He stops wars all over the world. He smashes the bow; he breaks the spear; he sets shields on fire.

10 Ẹ dúró jẹ́ẹ́, kí ẹ sì mọ̀ pé èmi ní Ọlọ́run. A ó gbé mi ga nínú àwọn orílẹ̀-èdè, a ó gbé mi ga ní ayé.

Stop fighting! Recognize I am God! I am the ruler of the nations; I am the ruler of the earth.

11 Olúwa àwọn ọmọ-ogun wà pẹ̀lú wa; Ọlọ́run Jakọbu sì ni ààbò wa.

The Lord Almighty is with us; the God of Jacob protects us. (Selah)