Psalms 113

1 Ẹ máa yin Olúwa. Yìn ín ẹ̀yin ìránṣẹ́ Olúwa, ẹ yin orúkọ Olúwa.

Praise ye Jah! Praise, ye servants of Jehovah. Praise the name of Jehovah.

2 Fi ìbùkún fún orúkọ Olúwa láti ìsinsin yìí lọ àti títí láéláé.

The name of Jehovah is blessed, From henceforth, and unto the age.

3 Láti ìlà-oòrùn títí dé ìwọ̀ rẹ̀ orúkọ Olúwa ni kí a máa yìn.

From the rising of the sun unto its going in, Praised [is] the name of Jehovah.

4 Olúwa ga lórí gbogbo orílẹ̀-èdè, àti ògo rẹ̀ lórí àwọn ọ̀run.

High above all nations [is] Jehovah, Above the heavens [is] his honour.

5 Ta ló dàbí Olúwa Ọlọ́run wa, tí ó gbé ní ibi gíga.

Who [is] as Jehovah our God, He is exalting [Himself] to sit?

6 Tí ó rẹ ara rẹ̀ sílẹ̀ láti wò òun tí ó ń bẹ lọ́run, àti nínú ayé!

He is humbling [Himself] to look On the heavens and on the earth.

7 Ó gbé òtòṣì dìde láti inú erùpẹ̀, àti pé ó gbé aláìní sókè láti inú ààtàn wá.

He is raising up from the dust the poor, From a dunghill He exalteth the needy.

8 Kí ó le mú un jókòó pẹ̀lú àwọn ọmọ-aládé àní pẹ̀lú àwọn ọmọ-aládé àwọn ènìyàn rẹ̀.

To cause to sit with princes, With the princes of His people.

9 Ó mú àgàn obìnrin gbé inú ilé, àti láti jẹ́ aláyọ̀ ìyá fún àwọn ọmọ rẹ̀. Ẹ yin Olúwa.

Causing the barren one of the house to sit, A joyful mother of sons; praise ye Jah!