< Psalms 113 >

1 Ẹ máa yin Olúwa. Yìn ín ẹ̀yin ìránṣẹ́ Olúwa, ẹ yin orúkọ Olúwa.
Praise ye the LORD. Praise, O ye servants of the LORD, praise the name of the LORD.
2 Fi ìbùkún fún orúkọ Olúwa láti ìsinsin yìí lọ àti títí láéláé.
Blessed be the name of the LORD from this time forth and for evermore.
3 Láti ìlà-oòrùn títí dé ìwọ̀ rẹ̀ orúkọ Olúwa ni kí a máa yìn.
From the rising of the sun to the going down of the same the LORD'S name [is] to be praised.
4 Olúwa ga lórí gbogbo orílẹ̀-èdè, àti ògo rẹ̀ lórí àwọn ọ̀run.
The LORD [is] high above all nations, [and] his glory above the heavens.
5 Ta ló dàbí Olúwa Ọlọ́run wa, tí ó gbé ní ibi gíga.
Who [is] like to the LORD our God, who dwelleth on high.
6 Tí ó rẹ ara rẹ̀ sílẹ̀ láti wò òun tí ó ń bẹ lọ́run, àti nínú ayé!
Who humbleth [himself] to behold [the things that are] in heaven, and in the earth!
7 Ó gbé òtòṣì dìde láti inú erùpẹ̀, àti pé ó gbé aláìní sókè láti inú ààtàn wá.
He raiseth the poor out of the dust, [and] lifteth the needy out of the dunghill;
8 Kí ó le mú un jókòó pẹ̀lú àwọn ọmọ-aládé àní pẹ̀lú àwọn ọmọ-aládé àwọn ènìyàn rẹ̀.
That he may set [him] with princes, [even] with the princes of his people.
9 Ó mú àgàn obìnrin gbé inú ilé, àti láti jẹ́ aláyọ̀ ìyá fún àwọn ọmọ rẹ̀. Ẹ yin Olúwa.
He maketh the barren woman to keep house, [and to be] a joyful mother of children. Praise ye the LORD.

< Psalms 113 >