Psalms 107
1 Ẹ fi ọpẹ́ fún Olúwa, nítorí tí ó ṣeun; nítorí ìfẹ́ rẹ̀ dúró láéláé.
O give thanks unto Jehovah; for he is good; For his lovingkindness [endureth] for ever.
2 Jẹ́ kí àwọn ẹni ìràpadà Olúwa kí ó wí báyìí, àwọn ẹni tí ó rà padà kúrò lọ́wọ́ ọ̀tá,
Let the redeemed of Jehovah say [so], Whom he hath redeemed from the hand of the adversary,
3 àwọn tí ó kójọ láti ilẹ̀ wọ̀n-ọn-nì, láti ìlà-oòrùn àti ìwọ̀-oòrùn, láti àríwá àti Òkun wá.
And gathered out of the lands, From the east and from the west, From the north and from the south.
4 Wọ́n ń rìn káàkiri ní aginjù ní ibi tí ọ̀nà kò sí, wọn kò rí ọ̀nà lọ sí ìlú níbi tí wọn ó máa gbé.
They wandered in the wilderness in a desert way; They found no city of habitation.
5 Ebi ń pa wọn, òǹgbẹ gbẹ wọ́n, ó sì rẹ ọkàn wọn nínú wọn.
Hungry and thirsty, Their soul fainted in them.
6 Ní ìgbà náà, wọ́n kígbe sókè sí Olúwa nínú ìdààmú wọn, ó sì yọ wọ́n kúrò nínú ìrora wọn
Then they cried unto Jehovah in their trouble, And he delivered them out of their distresses,
7 Ó fi ọ̀nà títọ́ hàn wọ́n sí ìlú tí wọn lè máa gbé.
He led them also by a straight way, That they might go to a city of habitation.
8 Ẹ jẹ́ kí wọn máa yin Olúwa nítorí ìṣeun ìfẹ́ rẹ̀ àti nítorí iṣẹ́ ìyanu rẹ̀ sí àwọn ọmọ ènìyàn,
Oh that men would praise Jehovah for his lovingkindness, And for his wonderful works to the children of men!
9 nítorí tí ó tẹ́ ìfẹ́ ọkàn lọ́run ó sì fi ìre fún ọkàn tí ebi ń pa.
For he satisfieth the longing soul, And the hungry soul he filleth with good.
10 Ọ̀pọ̀ jókòó nínú òkùnkùn àti òjìji ikú, a dè wọ́n ní ìrora àti ní irin,
Such as sat in darkness and in the shadow of death, Being bound in affliction and iron,
11 nítorí tí wọ́n ṣe àìgbọ́ràn sí ọ̀rọ̀ Ọlọ́run, wọ́n kẹ́gàn ìbáwí Ọ̀gá-ògo,
Because they rebelled against the words of God, And contemned the counsel of the Most High:
12 Ó sì fi ìkorò rẹ àyà wọn sílẹ̀; wọn ṣubú, kò sì ṣí ẹni tí yóò ràn wọ́n lọ́wọ́.
Therefore he brought down their heart with labor; They fell down, and there was none to help.
13 Ní ìgbà náà wọ́n ké pe Olúwa nínú ìdààmú wọn, ó sì gbà wọ́n nínú ìṣòro wọn
Then they cried unto Jehovah in their trouble, And he saved them out of their distresses.
14 Ó mú wọn jáde kúrò nínú òkùnkùn àti òjìji ikú, ó sì fa irin tí wọ́n fi dè wọ́n já.
He brought them out of darkness and the shadow of death, And brake their bonds in sunder.
15 Ẹ jẹ́ kí wọn fi ọpẹ́ fún Olúwa! Nítorí ìṣeun ìfẹ́ rẹ̀ àti nítorí iṣẹ́ ìyanu rẹ̀ sí ọmọ ènìyàn.
Oh that men would praise Jehovah for his lovingkindness, And for his wonderful works to the children of men!
16 Nítorí tí ó já ìlẹ̀kùn idẹ wọ̀n-ọn-nì ó sì ké irin wọn ní agbede-méjì.
For he hath broken the gates of brass, And cut the bars of iron in sunder.
17 Ọ̀pọ̀ di aṣiwèrè nítorí ìrékọjá wọn wọ́n sì pọ́n wọn lójú nítorí ẹ̀ṣẹ̀ wọn.
Fools because of their transgression, And because of their iniquities, are afflicted.
18 Wọ́n kọ gbogbo oúnjẹ wọ́n sì súnmọ́ ẹnu-ọ̀nà ikú.
Their soul abhorreth all manner of food; And they draw near unto the gates of death.
19 Nígbà náà wọ́n kígbe sí Olúwa nínú ìṣòro wọn, ó sì yọ wọ́n nínú ìdààmú wọn.
Then they cry unto Jehovah in their trouble, And he saveth them out of their distresses.
20 Ó rán ọ̀rọ̀ rẹ̀, ara wọn sì dá ó sì yọ wọ́n nínú isà òkú.
He sendeth his word, and healeth them, And delivereth [them] from their destructions.
21 Ẹ jẹ́ kí wọ́n fi ọpẹ́ fún Olúwa nítorí ìṣeun ìfẹ́ rẹ̀ àti iṣẹ́ ìyanu rẹ̀ fún ọmọ ènìyàn.
Oh that men would praise Jehovah for his lovingkindness, And for his wonderful works to the children of men!
22 Jẹ́ kí wọn rú ẹbọ ọpẹ́ kí wọn kí ó fi ayọ̀ sọ̀rọ̀ iṣẹ́ rẹ̀.
And let them offer the sacrifices of thanksgiving, And declare his works with singing.
23 Àwọn tí ń sọ̀kalẹ̀ lọ sí Òkun nínú ọkọ̀ ojú omi, wọ́n jẹ́ oníṣòwò nínú omi ńlá.
They that go down to the sea in ships, That do business in great waters;
24 Wọ́n rí iṣẹ́ Olúwa, àti iṣẹ́ ìyanu rẹ̀ nínú ibú.
These see the works of Jehovah, And his wonders in the deep.
25 Nítorí tí ó pàṣẹ, ó sì mú ìjì fẹ́ tí ó gbé ríru rẹ̀ sókè.
For he commandeth, and raiseth the stormy wind, Which lifteth up the waves thereof.
26 Wọ́n gòkè lọ sí ọ̀run wọ́n sì tún sọ̀kalẹ̀ lọ sí ibú: nítorí ìpọ́njú, ọkàn wọn di omi.
They mount up to the heavens, they go down again to the depths: Their soul melteth away because of trouble.
27 Wọ́n ń ta gbọ̀nọ́ngbọ̀nọ́n bí ọ̀mùtí ènìyàn: ọgbọ́n wọn sì dé òpin.
They reel to and fro, and stagger like a drunken man, And are at their wits’ end.
28 Nígbà náà wọ́n ń kígbe sókè sí Olúwa nínú ìdààmú wọn, ó sì mú wọn jáde nínú ìṣòro wọn.
Then they cry unto Jehovah in their trouble, And he bringeth them out of their distresses.
29 Ó sọ ìjì di ìdákẹ́rọ́rọ́ bẹ́ẹ̀ ni ríru omi rẹ̀ dúró jẹ́ẹ́.
He maketh the storm a calm, So that the waves thereof are still.
30 Inú wọn dùn nígbà tí ara wọn balẹ̀, ó mú wọn lọ sí ibi tí ọkàn wọn lọ.
Then are they glad because they are quiet; So he bringeth them unto their desired haven.
31 Jẹ́ kí wọn fi ọpẹ́ fún Olúwa nítorí ìṣeun ìfẹ́ rẹ̀ àti iṣẹ́ ìyanu rẹ̀ fún ọmọ ènìyàn.
Oh that men would praise Jehovah for his lovingkindness, And for his wonderful works to the children of men!
32 Jẹ́ kí wọn gbé e ga ní àárín àwọn ènìyàn kí wọn kí ó sì yìn ín ní ìjọ àwọn àgbàgbà.
Let them exalt him also in the assembly of the people, And praise him in the seat of the elders.
33 Ó sọ odò di aginjù, àti orísun omi di ilẹ̀ gbígbẹ.
He turneth rivers into a wilderness, And watersprings into a thirsty ground;
34 Ilẹ̀ eléso di aṣálẹ̀ nítorí ìwà búburú àwọn tí ó wà nínú rẹ̀.
A fruitful land into a salt desert, For the wickedness of them that dwell therein.
35 O sọ aginjù di adágún omi àti ilẹ̀ gbígbẹ di orísun omi,
He turneth a wilderness into a pool of water, And a dry land into watersprings.
36 níbẹ̀ ó mú ẹni tí ebi ń pa wà, wọ́n sì pilẹ̀ ibi tí wọn ó máa gbé.
And there he maketh the hungry to dwell, That they may prepare a city of habitation,
37 Wọn fún irúgbìn, wọ́n sì gbin ọgbà àjàrà tí yóò máa so èso tí ó dára;
And sow fields, and plant vineyards, And get them fruits of increase.
38 Ó bùkún wọn, wọ́n sì pọ̀ sí i ní iye kò sí jẹ́ kí ẹran ọ̀sìn wọn kí ó dínkù.
He blesseth them also, so that they are multiplied greatly; And he suffereth not their cattle to decrease.
39 Nígbà náà, ọjọ́ wọn kúrú, ìnira, ìpọ́njú àti ìṣòro wọn sì dínkù,
Again, they are diminished and bowed down Through oppression, trouble, and sorrow.
40 ẹni tí ó da ẹ̀gàn lu ọmọ-aládé ó sì mú wọn rìn níbi tí ọ̀nà kò sí.
He poureth contempt upon princes, And causeth them to wander in the waste, where there is no way.
41 Ṣùgbọ́n ó gbé aláìní sókè kúrò nínú ìnira ó mú ìdílé wọn pọ̀ bí agbo ẹran.
Yet setteth he the needy on high from affliction, And maketh [him] families like a flock.
42 Àwọn tí ó dúró sì rí i, inú wọn sì dùn ṣùgbọ́n gbogbo olùṣe búburú yóò pa ẹnu rẹ̀ mọ́.
The upright shall see it, and be glad; And all iniquity shall stop her mouth.
43 Ẹni tí ó bá gbọ́n, jẹ́ kí ó kíyèsi nǹkan wọ̀nyí kí ó wo títóbi ìfẹ́ Olúwa.
Whoso is wise will give heed to these things; And they will consider the lovingkindnesses of Jehovah.
