Psalms 105
1 Ẹ fi ọpẹ́ fún Olúwa, ké pe orúkọ rẹ̀, jẹ́ kí a mọ ohun tí ó ṣe láàrín àwọn orílẹ̀-èdè.
| הודו ליהוה קראו בשמו הודיעו בעמים עלילותיו׃ |
2 Kọrin sí i, kọrin ìyìn sí i; sọ ti iṣẹ́ ìyanu rẹ̀ gbogbo.
| שירו לו זמרו לו שיחו בכל נפלאותיו׃ |
3 Ṣògo nínú orúkọ mímọ́ rẹ̀, jẹ́ kí ọkàn àwọn tí ń wá Olúwa kí ó yọ̀.
| התהללו בשם קדשו ישמח לב מבקשי יהוה׃ |
4 Wá Olúwa àti ipá rẹ̀; wa ojú rẹ̀ nígbà gbogbo.
| דרשו יהוה ועזו בקשו פניו תמיד׃ |
5 Rántí àwọn ìyanu tí ó ti ṣe, ìyanu rẹ̀, àti ìdájọ́ tí ó sọ,
| זכרו נפלאותיו אשר עשה מפתיו ומשפטי פיו׃ |
6 ẹ̀yin ìran Abrahamu ìránṣẹ́ rẹ̀, ẹ̀yin ọmọkùnrin Jakọbu, àyànfẹ́ rẹ̀.
| זרע אברהם עבדו בני יעקב בחיריו׃ |
7 Òun ni Olúwa Ọlọ́run wa: ìdájọ́ rẹ̀ wà ní gbogbo ayé.
| הוא יהוה אלהינו בכל הארץ משפטיו׃ |
8 Ó rántí májẹ̀mú rẹ̀ láéláé, ọ̀rọ̀ tí ó pàṣẹ, fún ẹgbẹẹgbẹ̀rún ìran,
| זכר לעולם בריתו דבר צוה לאלף דור׃ |
9 májẹ̀mú tí ó dá pẹ̀lú Abrahamu, ìbúra tí ó ṣe pẹ̀lú fún Isaaki.
| אשר כרת את אברהם ושבועתו לישחק׃ |
10 Ó ṣe ìdánilójú u rẹ̀ fún Jakọbu gẹ́gẹ́ bí àṣẹ, sí Israẹli, gẹ́gẹ́ bi májẹ̀mú ayérayé:
| ויעמידה ליעקב לחק לישראל ברית עולם׃ |
11 “Fún ìwọ ni èmi ó fún ní ilẹ̀ Kenaani gẹ́gẹ́ bí ìpín tí ìwọ ó jogún.”
| לאמר לך אתן את ארץ כנען חבל נחלתכם׃ |
12 Nígbà tí wọn kéré níye, wọ́n kéré jọjọ, àti àwọn àjèjì níbẹ̀
| בהיותם מתי מספר כמעט וגרים בה׃ |
13 wọ́n rìn kiri láti orílẹ̀-èdè sí orílẹ̀-èdè, láti ìjọba kan sí èkejì.
| ויתהלכו מגוי אל גוי מממלכה אל עם אחר׃ |
14 Kò gba ẹnikẹ́ni láààyè láti pọ́n wọn lójú; ó fi ọba bú nítorí tiwọn:
| לא הניח אדם לעשקם ויוכח עליהם מלכים׃ |
15 “Má ṣe fọwọ́ kan ẹni àmì òróró mi; má sì ṣe wòlíì mi níbi.”
| אל תגעו במשיחי ולנביאי אל תרעו׃ |
16 Ó pe ìyàn sórí ilẹ̀ náà ó sì pa gbogbo ìpèsè oúnjẹ wọn run;
| ויקרא רעב על הארץ כל מטה לחם שבר׃ |
17 Ó sì rán ọkùnrin kan síwájú wọn Josẹfu tí a tà gẹ́gẹ́ bí ẹrú.
| שלח לפניהם איש לעבד נמכר יוסף׃ |
18 Wọn fi ṣẹ́kẹ́ṣẹkẹ̀ bọ ẹsẹ̀ rẹ̀ a gbé ọrùn rẹ̀ sínú irin,
| ענו בכבל רגליו ברזל באה נפשו׃ |
19 títí ọ̀rọ̀ tí ó sọtẹ́lẹ̀ fi ṣẹ títí ọ̀rọ̀ Olúwa fi dá a láre.
| עד עת בא דברו אמרת יהוה צרפתהו׃ |
20 Ọba ránṣẹ́ lọ tú u sílẹ̀ àwọn aláṣẹ ènìyàn tú u sílẹ̀
| שלח מלך ויתירהו משל עמים ויפתחהו׃ |
21 Ó fi jẹ olúwa lórí ilẹ̀ rẹ̀, aláṣẹ lórí ohun gbogbo tí ó ní,
| שמו אדון לביתו ומשל בכל קנינו׃ |
22 gẹ́gẹ́ bí ìfẹ́ rẹ̀, kí ó máa ṣe àkóso àwọn ọmọ-aládé kí ó sì kọ́ àwọn àgbàgbà rẹ̀ ní ọgbọ́n.
| לאסר שריו בנפשו וזקניו יחכם׃ |
23 Israẹli wá sí Ejibiti; Jakọbu sì ṣe àtìpó ní ilé Hamu.
| ויבא ישראל מצרים ויעקב גר בארץ חם׃ |
24 Olúwa, sì mú àwọn ọmọ rẹ̀ bí sí i ó sì mú wọn lágbára jù àwọn ọ̀tá wọn lọ
| ויפר את עמו מאד ויעצמהו מצריו׃ |
25 Ó yí wọn lọ́kàn padà láti kórìíra àwọn ènìyàn láti ṣe àrékérekè sí àwọn ìránṣẹ́ rẹ̀.
| הפך לבם לשנא עמו להתנכל בעבדיו׃ |
26 Ó rán Mose ìránṣẹ́ rẹ̀, àti Aaroni tí ó ti yàn.
| שלח משה עבדו אהרן אשר בחר בו׃ |
27 Wọ́n ń ṣe iṣẹ́ ìyanu láàrín wọn ó ṣe iṣẹ́ ìyanu ní Hamu.
| שמו בם דברי אתותיו ומפתים בארץ חם׃ |
28 Ó rán òkùnkùn, o sì mú ilẹ̀ ṣú wọn kò sì sọ̀rọ̀-òdì sí ọ̀rọ̀ rẹ̀.
| שלח חשך ויחשך ולא מרו את דבריו׃ |
29 Ó sọ omi wọn di ẹ̀jẹ̀, ó pa ẹja wọn.
| הפך את מימיהם לדם וימת את דגתם׃ |
30 Ilẹ̀ mú ọ̀pọ̀lọ́ jáde wá, èyí tí ó lọ sí ìyẹ̀wù àwọn ọba wọn.
| שרץ ארצם צפרדעים בחדרי מלכיהם׃ |
31 Ó sọ̀rọ̀, onírúurú eṣinṣin sì dìde, ó sì hu kantíkantí ní ilẹ̀ wọn
| אמר ויבא ערב כנים בכל גבולם׃ |
32 Ó sọ òjò di yìnyín, àti ọ̀wọ́-iná ní ilẹ̀ wọn;
| נתן גשמיהם ברד אש להבות בארצם׃ |
33 Ó lu àjàrà wọn àti igi ọ̀pọ̀tọ́ wọn ó sì dá igi orílẹ̀-èdè wọn.
| ויך גפנם ותאנתם וישבר עץ גבולם׃ |
34 Ó sọ̀rọ̀, eṣú sì dé, àti kòkòrò ní àìníye,
| אמר ויבא ארבה וילק ואין מספר׃ |
35 wọn sì jẹ gbogbo ewé ilẹ̀ wọn, wọ́n sì jẹ èso ilẹ̀ wọn run.
| ויאכל כל עשב בארצם ויאכל פרי אדמתם׃ |
36 Nígbà náà, ó kọlu gbogbo àwọn ilẹ̀ wọn, ààyò gbogbo ipá wọn.
| ויך כל בכור בארצם ראשית לכל אונם׃ |
37 Ó mú Israẹli jáde ti òun ti fàdákà àti wúrà, nínú ẹ̀yà rẹ̀ kò sí aláìlera kan.
| ויוציאם בכסף וזהב ואין בשבטיו כושל׃ |
38 Inú Ejibiti dùn nígbà tí wọn ń lọ, nítorí ẹ̀rù àwọn Israẹli ń bá wọ́n.
| שמח מצרים בצאתם כי נפל פחדם עליהם׃ |
39 Ó ta àwọsánmọ̀ fún ìbòrí, àti iná láti fún wọn ní ìmọ́lẹ̀ lálẹ́.
| פרש ענן למסך ואש להאיר לילה׃ |
40 Wọn béèrè, ó sì mú ẹyẹ àparò wá, ó sì fi oúnjẹ ọ̀run tẹ́ wọn lọ́rùn.
| שאל ויבא שלו ולחם שמים ישביעם׃ |
41 Ó sì la àpáta, ó sì mú omi jáde; gẹ́gẹ́ bí odò tí ń sàn níbi gbígbẹ.
| פתח צור ויזובו מים הלכו בציות נהר׃ |
42 Nítorí ó rántí ìlérí mímọ́ rẹ̀ àti Abrahamu ìránṣẹ́ rẹ̀.
| כי זכר את דבר קדשו את אברהם עבדו׃ |
43 Ó sì fi ayọ̀ mú àwọn ènìyàn rẹ̀ jáde pẹ̀lú ayọ̀ ní ó yan àyànfẹ́ rẹ̀
| ויוצא עמו בששון ברנה את בחיריו׃ |
44 Ó fún wọn ní ilẹ̀ ìní náà, wọ́n sì jogún iṣẹ́ àwọn ènìyàn náà,
| ויתן להם ארצות גוים ועמל לאמים יירשו׃ |
45 kí wọn kí ó lè máa pa àṣẹ rẹ̀ mọ́ kí wọn kí ó lè kíyèsi òfin rẹ̀. Ẹ fi ìyìn fún Olúwa.
| בעבור ישמרו חקיו ותורתיו ינצרו הללו יה׃ |
