Proverbs 3
1 Ọmọ mi, má ṣe gbàgbé ẹ̀kọ́ mi. Ṣùgbọ́n pa òfin mi mọ́ sí ọkàn rẹ.
| בני תורתי אל תשכח ומצותי יצר לבך׃ |
2 Nítorí ọjọ́ gígùn, ẹ̀mí gígùn, àti àlàáfíà, ni wọn yóò fi kùn un fún ọ.
| כי ארך ימים ושנות חיים ושלום יוסיפו לך׃ |
3 Má ṣe jẹ́ kí ìfẹ́ àti òtítọ́ ṣíṣe fi ọ́ sílẹ̀ láéláé so wọ́n mọ́ ọrùn rẹ, kọ wọ́n sí wàláà àyà rẹ.
| חסד ואמת אל יעזבך קשרם על גרגרותיך כתבם על לוח לבך׃ |
4 Nígbà náà ni ìwọ yóò rí ojúrere àti orúkọ rere ní ojú Ọlọ́run àti lójú ènìyàn.
| ומצא חן ושכל טוב בעיני אלהים ואדם׃ |
5 Gbẹ́kẹ̀lé Olúwa pẹ̀lú gbogbo ọkàn rẹ má ṣe sinmi lé òye ara à rẹ.
| בטח אל יהוה בכל לבך ואל בינתך אל תשען׃ |
6 Mọ̀ ọ́n ní gbogbo ọ̀nà rẹ òun yóò sì máa tọ́ ipa ọ̀nà rẹ.
| בכל דרכיך דעהו והוא יישר ארחתיך׃ |
7 Má ṣe jẹ́ ọlọ́gbọ́n lójú ara à rẹ bẹ̀rù Olúwa kí o sì kórìíra ibi.
| אל תהי חכם בעיניך ירא את יהוה וסור מרע׃ |
8 Èyí yóò mú ìlera fún ara rẹ àti okun fún àwọn egungun rẹ.
| רפאות תהי לשרך ושקוי לעצמותיך׃ |
9 Fi ọrọ̀ rẹ bọ̀wọ̀ fún Olúwa, pẹ̀lú àkọ́so oko rẹ,
| כבד את יהוה מהונך ומראשית כל תבואתך׃ |
10 nígbà náà ni àká rẹ yóò kún àkúnya àgbá rẹ yóò kún àkúnwọ́sílẹ̀ fún wáìnì tuntun.
| וימלאו אסמיך שבע ותירוש יקביך יפרצו׃ |
11 Ọmọ mi, má ṣe kẹ́gàn ìbáwí Olúwa má sì ṣe bínú nígbà tí ó bá ń bá ọ wí,
| מוסר יהוה בני אל תמאס ואל תקץ בתוכחתו׃ |
12 nítorí Olúwa a máa bá àwọn tí ó fẹ́ràn wí bí baba ti í bá ọmọ tí ó bá nínú dídùn sí wí.
| כי את אשר יאהב יהוה יוכיח וכאב את בן ירצה׃ |
13 Ìbùkún ni fún ẹni tí ó ní ìmọ̀, ẹni tí ó tún ní òye sí i,
| אשרי אדם מצא חכמה ואדם יפיק תבונה׃ |
14 nítorí ó ṣe èrè ju fàdákà lọ ó sì ní èrè lórí ju wúrà lọ.
| כי טוב סחרה מסחר כסף ומחרוץ תבואתה׃ |
15 Ó ṣe iyebíye ju iyùn lọ; kò sí ohunkóhun tí a lè fiwé e nínú ohun gbogbo tí ìwọ fẹ́.
| יקרה היא מפניים וכל חפציך לא ישוו בה׃ |
16 Ẹ̀mí gígùn ń bẹ ní ọwọ́ ọ̀tún rẹ̀; ní ọwọ́ òsì rẹ sì ni ọrọ̀ àti ọlá.
| ארך ימים בימינה בשמאולה עשר וכבוד׃ |
17 Àwọn ọ̀nà rẹ jẹ́ ọ̀nà ìtura, òpópónà rẹ sì jẹ́ ti àlàáfíà.
| דרכיה דרכי נעם וכל נתיבותיה שלום׃ |
18 Igi ìyè ni ó jẹ́ fún gbogbo ẹni tí ó bá gbà á; àwọn tí ó bá sì dìímú yóò rí ìbùkún gbà.
| עץ חיים היא למחזיקים בה ותמכיה מאשר׃ |
19 Nípa ọgbọ́n, Olúwa fi ìpìlẹ̀ ilẹ̀ ayé sọlẹ̀; nípa òye, ó fi àwọn ọ̀run sí ipò wọn;
| יהוה בחכמה יסד ארץ כונן שמים בתבונה׃ |
20 nípa ìmọ̀ rẹ̀ ó pín ibú omi ní yà, àwọsánmọ̀ sì ń sẹ ìrì.
| בדעתו תהומות נבקעו ושחקים ירעפו טל׃ |
21 Ọmọ mi, pa ọgbọ́n tí ó yè kooro àti ìmòye mọ́, má jẹ́ kí wọn lọ kúrò ní ibi tí ojú rẹ ti le tó wọn.
| בני אל ילזו מעיניך נצר תשיה ומזמה׃ |
22 Wọn yóò jẹ́ ìyè fún ọ, àti ẹ̀ṣọ́ fún ọrùn rẹ.
| ויהיו חיים לנפשך וחן לגרגרתיך׃ |
23 Nígbà náà ni ìwọ yóò bá ọ̀nà rẹ lọ ní àìléwu, ìwọ kì yóò sì kọsẹ̀.
| אז תלך לבטח דרכך ורגלך לא תגוף׃ |
24 Nígbà tí ìwọ bá dùbúlẹ̀, ìwọ kì yóò bẹ̀rù, nígbà tí ìwọ bá dùbúlẹ̀, oorun rẹ yóò jẹ́ oorun ayọ̀.
| אם תשכב לא תפחד ושכבת וערבה שנתך׃ |
25 Má ṣe bẹ̀rù ìdààmú òjijì, tàbí ti ìparun tí ó ń dé bá àwọn ènìyàn búburú.
| אל תירא מפחד פתאם ומשאת רשעים כי תבא׃ |
26 Nítorí Olúwa yóò jẹ́ ìgbẹ́kẹ̀lé rẹ, kì yóò sì jẹ́ kí ẹsẹ̀ rẹ bọ́ sínú pàkúté.
| כי יהוה יהיה בכסלך ושמר רגלך מלכד׃ |
27 Má ṣe fa ọwọ́ ìre sẹ́yìn kúrò lọ́dọ̀ àwọn tí ṣe tìrẹ, nígbà tí ó bá wà ní ìkápá rẹ láti ṣe ohun kan.
| אל תמנע טוב מבעליו בהיות לאל ידיך לעשות׃ |
28 Má ṣe wí fún aládùúgbò rẹ pé, “Padà wá nígbà tó ṣe díẹ̀; èmi yóò fi fún ọ ní ọ̀la,” nígbà tí o ní i pẹ̀lú rẹ nísinsin yìí.
| אל תאמר לרעיך לך ושוב ומחר אתן ויש אתך׃ |
29 Má ṣe pète ohun búburú fún aládùúgbò rẹ, ti o gbé nítòsí rẹ, tí ó sì fọkàn tán ọ.
| אל תחרש על רעך רעה והוא יושב לבטח אתך׃ |
30 Má ṣe fẹ̀sùn kan ènìyàn láìnídìí, nígbà tí kò ṣe ọ́ ní ibi kankan rárá.
| אל תרוב עם אדם חנם אם לא גמלך רעה׃ |
31 Má ṣe ṣe ìlara ènìyàn jàgídíjàgan tàbí kí o yàn láti rìn ní ọ̀nà rẹ̀.
| אל תקנא באיש חמס ואל תבחר בכל דרכיו׃ |
32 Nítorí Olúwa kórìíra ènìyàn aláyídáyidà ṣùgbọ́n a máa fọkàn tán ẹni dídúró ṣinṣin.
| כי תועבת יהוה נלוז ואת ישרים סודו׃ |
33 Ègún Olúwa ń bẹ lórí ilé ènìyàn búburú, ṣùgbọ́n ó bùkún fún ilé olódodo.
| מארת יהוה בבית רשע ונוה צדיקים יברך׃ |
34 Ó fi àwọn ẹlẹ́yà ṣe yẹ̀yẹ́, ṣùgbọ́n ó fi oore-ọ̀fẹ́ fún onírẹ̀lẹ̀.
| אם ללצים הוא יליץ ולעניים יתן חן׃ |
35 Ọlọ́gbọ́n jogún iyì, ṣùgbọ́n àwọn aṣiwèrè ni yóò ru ìtìjú wọn.
| כבוד חכמים ינחלו וכסילים מרים קלון׃ |
