Job 38
1 Nígbà náà ní Olúwa dá Jobu lóhùn láti inú ìjì àjàyíká wá, ó sì wí pé,
| ויען-יהוה את-איוב מנהסערה (מן הסערה) ויאמר |
2 “Ta ni èyí tí ń fi ọ̀rọ̀ àìlóye láti fi ṣókùnkùn bo ìmọ̀ mi?
| מי זה מחשיך עצה במלין-- בלי-דעת |
3 Di ẹ̀gbẹ́ ara rẹ ní àmùrè bí ọkùnrin nísinsin yìí, nítorí pé èmi yóò béèrè lọ́wọ́ rẹ kí o sì dá mi lóhùn.
| אזר-נא כגבר חלציך ואשאלך והודיעני |
4 “Níbo ni ìwọ wà nígbà tí mo fi ìpìlẹ̀ ayé sọlẹ̀? Wí bí ìwọ bá mòye.
| איפה היית ביסדי-ארץ הגד אם-ידעת בינה |
5 Ta ni ó fi ìwọ̀n rẹ lélẹ̀, dájú bí ìwọ bá mọ̀ ọ́n? Tàbí ta ni ó ta okùn wíwọ̀n sórí rẹ?
| מי-שם ממדיה כי תדע או מי-נטה עליה קו |
6 Lórí ibo ni a gbé kan ìpìlẹ̀ rẹ̀ mọ́, tàbí ta ni ó fi òkúta igun rẹ̀ lélẹ̀,
| על-מה אדניה הטבעו או מי-ירה אבן פנתה |
7 nígbà náà àwọn ìràwọ̀ òwúrọ̀ jùmọ̀ kọrin pọ̀, tí gbogbo àwọn ọmọ Ọlọ́run hó ìhó ayọ̀?
| ברן-יחד כוכבי בקר ויריעו כל-בני אלהים |
8 “Tàbí ta ni ó fi ìlẹ̀kùn sé omi òkun mọ́, nígbà tí ó ya padà bí ẹni pé ó ti inú jáde wá.
| ויסך בדלתים ים בגיחו מרחם יצא |
9 Nígbà tí mo fi àwọsánmọ̀ ṣe aṣọ rẹ̀, tí mo sì fi òkùnkùn biribiri ṣe ọ̀já ìgbà inú rẹ̀.
| בשומי ענן לבשו וערפל חתלתו |
10 Nígbà tí mo ti pàṣẹ ìpinnu mi fún un, tí mo sì ṣe bèbè àti ìlẹ̀kùn.
| ואשבר עליו חקי ואשים בריח ודלתים |
11 Tí mo sì wí pé níhìn-ín ni ìwọ ó dé, kí o má sì rékọjá, níhìn-ín sì ni ìgbéraga rẹ yóò gbé dúró mọ?
| ואמר--עד-פה תבוא ולא תסיף ופא-ישית בגאון גליך |
12 “Ìwọ pàṣẹ fún òwúrọ̀ láti ìgbà ọjọ́ rẹ̀ wá, ìwọ sì mú ìlà-oòrùn mọ ipò rẹ̀,
| המימיך צוית בקר ידעתה שחר (ידעת השחר) מקמו |
13 í ó lè di òpin ilẹ̀ ayé mú, ki a lè gbọ́n àwọn ènìyàn búburú kúrò nínú rẹ̀?
| לאחז בכנפות הארץ וינערו רשעים ממנה |
14 Kí ó yí padà bí amọ̀ fún èdìdì amọ̀, kí gbogbo rẹ̀ kí ó sì fi ara rẹ̀ hàn bí ẹni pé nínú aṣọ ìgúnwà.
| תתהפך כחמר חותם ויתיצבו כמו לבוש |
15 A sì fa ìmọ́lẹ̀ wọn sẹ́yìn kúrò lọ́dọ̀ ènìyàn búburú, apá gíga ni a sì ṣẹ́.
| וימנע מרשעים אורם וזרוע רמה תשבר |
16 “Ìwọ ha wọ inú ìsun òkun lọ rí bí? Ìwọ sì rìn lórí ìsàlẹ̀ ibú ńlá?
| הבאת עד-נבכי-ים ובחקר תהום התהלכת |
17 A ha ṣílẹ̀kùn ikú sílẹ̀ fún ọ rí bí, ìwọ sì rí ìlẹ̀kùn òjìji òkú?
| הנגלו לך שערי-מות ושערי צלמות תראה |
18 Ìwọ mòye ìbú ayé bí? Sọ bí ìwọ bá mọ gbogbo èyí.
| התבננת עד-רחבי-ארץ הגד אם-ידעת כלה |
19 “Ọ̀nà wo ni ìmọ́lẹ̀ ń gbé? Bí ó ṣe ti òkùnkùn, níbo ni ipò rẹ̀,
| אי-זה הדרך ישכן-אור וחשך אי-זה מקמו |
20 tí ìwọ í fi mú un lọ sí ibi àlá rẹ̀, tí ìwọ ó sì le mọ ipa ọ̀nà lọ sínú ilé rẹ̀?
| כי תקחנו אל-גבולו וכי-תבין נתיבות ביתו |
21 Ìwọ mọ èyí, nítorí nígbà náà ni a bí ọ? Iye ọjọ́ rẹ sì pọ̀.
| ידעת כי-אז תולד ומספר ימיך רבים |
22 “Ìwọ ha wọ inú ìṣúra ìdì òjò lọ rí bí, ìwọ sì rí ilé ìṣúra yìnyín rí,
| הבאת אל-אצרות שלג ואוצרות ברד תראה |
23 tí mo ti fi pamọ́ de ìgbà ìyọnu, dé ọjọ́ ogun àti ìjà?
| אשר-חשכתי לעת-צר ליום קרב ומלחמה |
24 Ọ̀nà wo ni ó lọ sí ibi tí ìmọ́lẹ̀ fi ń la, tí afẹ́fẹ́ ìlà-oòrùn ń tàn káàkiri lórí ilẹ̀ ayé?
| אי-זה הדרך יחלק אור יפץ קדים עלי-ארץ |
25 Ta ni ó la ipadò fún ẹ̀kún omi, àti ọ̀nà fún mọ̀nàmọ́ná àrá,
| מי-פלג לשטף תעלה ודרך לחזיז קלות |
26 láti mú u rọ̀jò sórí ayé níbi tí ènìyàn kò sí, ní aginjù níbi tí ènìyàn kò sí;
| להמטיר על-ארץ לא-איש-- מדבר לא-אדם בו |
27 láti mú ilẹ̀ tútù, ijù àti aláìro láti mú àṣẹ̀ṣẹ̀yọ ewéko rú jáde?
| להשביע שאה ומשאה ולהצמיח מצא דשא |
28 Òjò ha ní baba bí? Tàbí ta ni o bí ìkún ìṣe ìrì?
| היש-למטר אב או מי-הוליד אגלי-טל |
29 Láti inú ta ni ìdì omi ti jáde wá? Ta ni ó bí ìrì dídì ọ̀run?
| מבטן מי יצא הקרח וכפר שמים מי ילדו |
30 Nígbà tí omi di líle bí òkúta, nígbà tí ojú ibú ńlá sì dìpọ̀.
| כאבן מים יתחבאו ופני תהום יתלכדו |
31 “Ìwọ ha le fi ọ̀já de àwọn ìràwọ̀ Pleiadesi dáradára? Tàbí ìwọ le tún di ìràwọ̀ Orioni?
| התקשר מעדנות כימה או-משכות כסיל תפתח |
32 Ìwọ le mú àwọn àmì méjìlá ìràwọ̀ Masaroti jáde wá nígbà àkókò wọn? Tàbí ìwọ le ṣe amọ̀nà Beari pẹ̀lú àwọn ọmọ rẹ̀?
| התציא מזרות בעתו ועיש על-בניה תנחם |
33 Ǹjẹ́ ìwọ mọ ìlànà ọ̀run? Ìwọ le fi ìjọba Ọlọ́run lélẹ̀ lórí ayé?
| הידעת חקות שמים אם-תשים משטרו בארץ |
34 “Ìwọ le gbé ohùn rẹ sókè dé àwọsánmọ̀ kí ọ̀pọ̀lọpọ̀ omi kí ó lè bò ọ́?
| התרים לעב קולך ושפעת-מים תכסך |
35 Ìwọ le rán mọ̀nàmọ́ná kí wọn kí ó le lọ, ní ọ̀nà wọn kí wọn kí ó sì wí fún wọn pé, ‘Àwa nìyí’?
| התשלח ברקים וילכו ויאמרו לך הננו |
36 Ta ni ó fi ọgbọ́n pamọ́ sí odò ikùn tàbí tí ó fi òye sínú àyà?
| מי-שת בטחות חכמה או מי-נתן לשכוי בינה |
37 Ta ni ó fi ọgbọ́n ka iye àwọsánmọ̀? Ta ni ó sì mú ìgò ọ̀run dà jáde,
| מי-יספר שחקים בחכמה ונבלי שמים מי ישכיב |
38 nígbà tí erùpẹ̀ di líle, àti ògúlùtu dìpọ̀?
| בצקת עפר למוצק ורגבים ידבקו |
39 “Ìwọ ha dẹ ọdẹ fún abo kìnnìún bí? Ìwọ ó sì tẹ ebi ẹgbọrọ kìnnìún lọ́rùn,
| התצוד ללביא טרף וחית כפירים תמלא |
40 nígbà tí wọ́n bá mọ́lẹ̀ nínú ihò tí wọ́n sì ba ní ibùba de ohun ọdẹ?
| כי-ישחו במעונות ישבו בסכה למו-ארב |
41 Ta ni ó ń pèsè ohun jíjẹ fún ẹyẹ ìwò, nígbà tí àwọn ọmọ rẹ ń ké pe Ọlọ́run, tí wọ́n sì máa ń fò kiri nítorí àìní ohun jíjẹ?
| מי יכין לערב צידו כי-ילדו אל-אל ישועו יתעו לבלי-אכל |
