Zebur 78
1 Asaf yazghan «Masqil»: — I Méning xelqim, telimimni anglanglar, Aghzimdiki sözlerge qulaq sélinglar.
| משכיל לאסף האזינה עמי תורתי הטו אזנכם לאמרי פי׃ |
2 Men aghzimni bir temsil bilen achimen, Qedimki tépishmaqlarni élan qilimen.
| אפתחה במשל פי אביעה חידות מני קדם׃ |
3 Biz bularni anglighan, bilgen, Ata-bowilirimiz ularni bizge éytip bergen.
| אשר שמענו ונדעם ואבותינו ספרו לנו׃ |
4 Biz bularni ularning ewladliridin yoshurmaymiz, Kélidighan dewrge Perwerdigarning medhiyilirini, Uning küch-qudritini, Uning qilghan karamet ishlirini bayan qilimiz.
| לא נכחד מבניהם לדור אחרון מספרים תהלות יהוה ועזוזו ונפלאותיו אשר עשה׃ |
5 Chünki U Yaqupta bir agah-guwahni békitken, Israilda bir qanunni ornatqan; U ata-bowilirimizgha bularni öz perzentlirige ögitishni buyrughan;
| ויקם עדות ביעקב ותורה שם בישראל אשר צוה את אבותינו להודיעם לבניהם׃ |
6 Shundaq qilip kéler dewr, Yeni tughulidighan balilarmu bularni bilsun, Ularmu ornidin turup öz balilirigha bularni ögetsun;
| למען ידעו דור אחרון בנים יולדו יקמו ויספרו לבניהם׃ |
7 Perzentliri ümidini Xudagha baghlisun, Tengrining qilghanlirini untumisun, Belki Uning emrlirige kirsun;
| וישימו באלהים כסלם ולא ישכחו מעללי אל ומצותיו ינצרו׃ |
8 Ular ata-bowilirigha oxshimisun dep, Yeni jahil hem asiy bir dewr, Öz qelbini durus qilmighan, Rohi Tengrige wapaliqta turmighan bir dewrge oxshimisun dep, U shundaq [buyrughandur].
| ולא יהיו כאבותם דור סורר ומרה דור לא הכין לבו ולא נאמנה את אל רוחו׃ |
9 Mana Efraimning ewladliri, Qorallan’ghan oqyachilar bolsimu, Jeng künide septin yandi.
| בני אפרים נושקי רומי קשת הפכו ביום קרב׃ |
10 Ular Xudaning ehdisini tutmidi, Belki Uning Tewrat-qanunida méngishni ret qildi.
| לא שמרו ברית אלהים ובתורתו מאנו ללכת׃ |
11 Ular Uning qilghanlirini, Özlirige körsetken karametlirini untudi.
| וישכחו עלילותיו ונפלאותיו אשר הראם׃ |
12 U Misirning zéminida, Zoanning dalasida, Ularning ata-bowilirining köz aldida möjizilerni körsetkenidi;
| נגד אבותם עשה פלא בארץ מצרים שדה צען׃ |
13 U déngizni bölüwétip, Ularni otturisidin ötküzgen; Sularni döwe-döwe qilip tiklidi.
| בקע ים ויעבירם ויצב מים כמו נד׃ |
14 U kündüzde bulut bilen, Kéchide ot nuri bilen ularni yéteklidi.
| וינחם בענן יומם וכל הלילה באור אש׃ |
15 Chöl-bayawanda tashlarni yériwetti, Chongqur surlardin urghup chiqqandek ichimlikni mol qildi;
| יבקע צרים במדבר וישק כתהמות רבה׃ |
16 U xada tashtin östeng-éqinlarni hasil qildi, Suni deryalardek aqquzdi.
| ויוצא נוזלים מסלע ויורד כנהרות מים׃ |
17 Biraq ular yene Uning aldida gunah qiliwerdi, Chölde Hemmidin Aliy Bolghuchigha asiyliq qildi.
| ויוסיפו עוד לחטא לו למרות עליון בציה׃ |
18 Ular könglide Tengrini sinidi, Nepsini qandurushqa yémeklikni telep qildi.
| וינסו אל בלבבם לשאל אכל לנפשם׃ |
19 Ular Xudani haqaretlep: — «Tengri chöl-deshtte dastixan salalamdu?
| וידברו באלהים אמרו היוכל אל לערך שלחן במדבר׃ |
20 Mana U qoram tashni uruwidi, Sular urghup, Éqinlar bulaqtek téship chiqti; Emdi U bizge nanmu bérelemdu? Öz xelqini gösh bilen teminliyelemdu?» — déyishti.
| הן הכה צור ויזובו מים ונחלים ישטפו הגם לחם יוכל תת אם יכין שאר לעמו׃ |
21 Shuning bilen Perwerdigar anglap, ghezeplendi; Yaqupqa ot tutashti, Israilgha achchiqi kötürüldi;
| לכן שמע יהוה ויתעבר ואש נשקה ביעקב וגם אף עלה בישראל׃ |
22 Chünki ular Xudagha ishenmidi, Uning nijatliqigha ular tayanmidi,
| כי לא האמינו באלהים ולא בטחו בישועתו׃ |
23 U ershtin bulutlarni buyrup, Asman derwazilirini achqanidi;
| ויצו שחקים ממעל ודלתי שמים פתח׃ |
24 U ular üstige «manna»ni yaghdurup, Ulargha ershtiki ashliqni bergenidi;
| וימטר עליהם מן לאכל ודגן שמים נתן למו׃ |
25 Shuning bilen insanlar küch igilirining nénini yégenidi; U ulargha qan’ghuche ozuqni ewetkenidi.
| לחם אבירים אכל איש צידה שלח להם לשבע׃ |
26 Emdi U asmanda sherq shamili chiqirip, Küchi bilen jenub shamilinimu élip keldi;
| יסע קדים בשמים וינהג בעזו תימן׃ |
27 U göshni chang-tozandek ular üstige chüshürdi, Déngizlar sahilidiki qumlardek uchar-qanatlarni yaghdurdi.
| וימטר עליהם כעפר שאר וכחול ימים עוף כנף׃ |
28 U bularni ularning bargahining otturisigha, Chédirlirining etrapigha chüshürdi.
| ויפל בקרב מחנהו סביב למשכנתיו׃ |
29 Ular bolushiche yep toyushti, Chünki ularning nepsi tartqinini [Xuda] ulargha keltürgenidi.
| ויאכלו וישבעו מאד ותאותם יבא להם׃ |
30 Lékin ular nepsi tartqinidin téxi zérikmeyla, Göshni éghizlirida téxi chaynawatqinidila,
| לא זרו מתאותם עוד אכלם בפיהם׃ |
31 Xudaning ghezipi ulargha qarita qozghaldi; U ulardin eng qametliklirini qiriwetti, Israilning serxil yashlirini yerge uruwetti.
| ואף אלהים עלה בהם ויהרג במשמניהם ובחורי ישראל הכריע׃ |
32 Mana, shundaq bolsimu, Ular yenila dawamliq gunah qiliwerdi, Uning möjizilirige téxichila ishenmidi;
| בכל זאת חטאו עוד ולא האמינו בנפלאותיו׃ |
33 Shunga U ularning künlirini bihudilikte, Yillirini dekke-dükkilik ichide tügetküzdi.
| ויכל בהבל ימיהם ושנותם בבהלה׃ |
34 U ularni öltürgili turghanda, Andin ular Uni izdidi; Ular yolidin yénip, intilip Tengrini izdidi;
| אם הרגם ודרשוהו ושבו ושחרו אל׃ |
35 Ular Xudaning ularning uyultéshi ikenlikini, Hemmidin Aliy Bolghuchi Tengrining ularning hemjemet-qutquzghuchisi ikenlikini ésige keltürdi.
| ויזכרו כי אלהים צורם ואל עליון גאלם׃ |
36 Biraq ular aghzi bilen Uninggha xushamet qildi, Tili bilen Uninggha yalghan söz qildi;
| ויפתוהו בפיהם ובלשונם יכזבו לו׃ |
37 Chünki ularning köngli Uninggha sadiq bolmidi, Ular Uning ehdisini ching tutmidi.
| ולבם לא נכון עמו ולא נאמנו בבריתו׃ |
38 Biraq U yenila rehimdil idi; Qebihlikini kechürüp, ularni yoqatmidi; U qayta-qayta Öz ghezipidin yandi, U qehrini qozghighini bilen hemmini tökmidi.
| והוא רחום יכפר עון ולא ישחית והרבה להשיב אפו ולא יעיר כל חמתו׃ |
39 U ularning peqet et igiliri, Ketse qaytip kelmes bir nepes ikenlikini yad etti.
| ויזכר כי בשר המה רוח הולך ולא ישוב׃ |
40 Ular chöl-deshtte shunche köp qétim Uning achchiqini keltürdi. Shunche köp qétim bayawanda könglige azar berdi!
| כמה ימרוהו במדבר יעציבוהו בישימון׃ |
41 Berheq, ular qaytidin yoldin chetnep Tengrini sinidi, Israildiki Muqeddes Bolghuchining yürikini zéde qildi.
| וישובו וינסו אל וקדוש ישראל התוו׃ |
42 Ular Uning qolini [eslimidi]; Ularni zomigerning changgilidin hörlükke qutquzghan künini, Qandaq qilip Misirda karametlerni yaritip, Zoan dalasida möjizilerni körsetkinini ésidin chiqardi.
| לא זכרו את ידו יום אשר פדם מני צר׃ |
| אשר שם במצרים אתותיו ומופתיו בשדה צען׃ |
44 U [Misirliqlarning] deryalirini, éqinlirini qan’gha aylandurup, Ularni ichelmes qilip qoydi;
| ויהפך לדם יאריהם ונזליהם בל ישתיון׃ |
45 Ularning arisigha neshterlik chiwinlarni top-topi bilen ewetti, Halak qilar paqilarni mangdurdi;
| ישלח בהם ערב ויאכלם וצפרדע ותשחיתם׃ |
46 Ularning ziraetlirini képinek qurtlirigha tutup bérip, Mehsulatlirini chéketkilerge berdi;
| ויתן לחסיל יבולם ויגיעם לארבה׃ |
47 Üzüm tallirini möldür bilen urdurup, Enjürlirini qiraw bilen üshshütiwetti.
| יהרג בברד גפנם ושקמותם בחנמל׃ |
48 U kalilirini möldürge soqturup, Mallirini chaqmaq otlirida [köydüriwetti].
| ויסגר לברד בעירם ומקניהם לרשפים׃ |
49 U ulargha ghezipining dehshetlikini — Qehrini, achchiqini hem éghir külpetlerni, Balayi’apet élip kélidighan bir türküm perishtilernimu chüshürdi.
| ישלח בם חרון אפו עברה וזעם וצרה משלחת מלאכי רעים׃ |
50 U Öz ghezipi üchün bir yolni tüzlep qoydi; Ularning jénini ölümdin ayimay, Belki hayatini wabagha tapshurdi;
| יפלס נתיב לאפו לא חשך ממות נפשם וחיתם לדבר הסגיר׃ |
51 U Misirda barliq tunji tughulghan balilarni, Hamning chédirlirida ularning ghururi bolghan tunji oghul balilirini qiriwetti.
| ויך כל בכור במצרים ראשית אונים באהלי חם׃ |
52 U padichidek Öz xelqini Misirdin seperge atlandurup, Chöl-bayawandin ularni qoy padisidek bashlap mangdi;
| ויסע כצאן עמו וינהגם כעדר במדבר׃ |
53 Ularni aman-ésen yétekligechke, Ular qorqunchtin xaliy bolup mangdi; Düshmenlirini bolsa, déngiz yutup ketti.
| וינחם לבטח ולא פחדו ואת אויביהם כסה הים׃ |
54 U ularni Öz muqeddes zéminining chégrasigha, Ong qoli igiliwalghan bu taghliqqa élip keldi.
| ויביאם אל גבול קדשו הר זה קנתה ימינו׃ |
55 U ellerni ularning aldidin qoghliwétip, Zémin üstige tana tartquzup ölchep, ulargha teqsim qildi; Israil qebililirini ularning chédirlirigha olturaqlashturdi.
| ויגרש מפניהם גוים ויפילם בחבל נחלה וישכן באהליהם שבטי ישראל׃ |
56 Biraq ular Xudani, Hemmidin Aliy Bolghuchini sinap achchiqlandurdi, Uning tapshurghan guwah-agahlirini tutmidi;
| וינסו וימרו את אלהים עליון ועדותיו לא שמרו׃ |
57 Belki ata-bowliridek yoldin téyip asiyliq qildi, Xain oqyadek qéyip ketti.
| ויסגו ויבגדו כאבותם נהפכו כקשת רמיה׃ |
58 Ular égizlikte qurghan ibadetgahlar bilen Uning ghezipini qozghidi, Oyma butliri bilen Uning yürikini örtidi.
| ויכעיסוהו בבמותם ובפסיליהם יקניאוהו׃ |
59 Xuda ularni anglap ghezeplendi, Israildin intayin yirgendi.
| שמע אלהים ויתעבר וימאס מאד בישראל׃ |
60 U Shilohdiki makanini, Yeni U insan arisida turghan chédirni tashlap ketti,
| ויטש משכן שלו אהל שכן באדם׃ |
61 Özining qudret belgisini bulap kétishke, Shan-sheripini ishghaliyetchilerning qoligha berdi;
| ויתן לשבי עזו ותפארתו ביד צר׃ |
62 Öz xelqini qilichqa tapshurdi, Özining mirasi bolghanlardin intayin ghezeplendi.
| ויסגר לחרב עמו ובנחלתו התעבר׃ |
63 Ot ularning yigitlirini yalmidi, Qizliri toy naxshilirida maxtalmaytti.
| בחוריו אכלה אש ובתולתיו לא הוללו׃ |
64 Ularning kahinliri qilich astida yiqildi, Lékin tul xotunliri haza tutmidi.
| כהניו בחרב נפלו ואלמנתיו לא תבכינה׃ |
65 Andin Reb birsi uyqudin oyghandek oyghandi, Sharabtin jasaretlen’gen palwandek towlidi.
| ויקץ כישן אדני כגבור מתרונן מיין׃ |
66 U reqiblirini urup chékindürüp, Ularni tügimes reswagha qaldurdi.
| ויך צריו אחור חרפת עולם נתן למו׃ |
67 Yüsüpning chédirini shallap, ret qildi; Efraim qebilisini tallimidi;
| וימאס באהל יוסף ובשבט אפרים לא בחר׃ |
68 Belki Yehuda qebilisini, Yaxshi körgen Zion téghini tallidi.
| ויבחר את שבט יהודה את הר ציון אשר אהב׃ |
69 [Shu yerde] muqeddes jayini tagh choqqiliridek, Yer-zéminni ebediy ornatqandek mezmut bina qildi;
| ויבן כמו רמים מקדשו כארץ יסדה לעולם׃ |
70 U Öz quli Dawutni tallap, Uni qoy qotanliridin chaqiriwaldi;
| ויבחר בדוד עבדו ויקחהו ממכלאת צאן׃ |
71 Qozilirini émitidighan saghliqlarni egiship béqishtin ayrip, Uni Öz xelqi Yaqupni, mirasi bolghan Israilni béqishqa chiqardi.
| מאחר עלות הביאו לרעות ביעקב עמו ובישראל נחלתו׃ |
72 Dawut ularni qelbidiki durusluqi bilen baqti, Qolining epchilliki bilen ularni yéteklidi.
| וירעם כתם לבבו ובתבונות כפיו ינחם׃ |
