Zebur 119
1 (Alef) Yolda mukemmel bolghanlar, Perwerdigar Tewrat-qanunida mangidighanlar bextliktur!
| אשרי תמימי-דרך-- ההלכים בתורת יהוה |
2 Uning agah-guwahlirini tutqanlar, Uni chin qelbi bilen izdigenler,
| אשרי נצרי עדתיו בכל-לב ידרשוהו |
3 Héchbir heqsizliqni qilmighanlar bextliktur! Ular uning yollirida mangidu.
| אף לא-פעלו עולה בדרכיו הלכו |
4 Körsetmiliringge estayidil emel qilishimiz üchün, Özüng ularni békitkensen.
| אתה צויתה פקדיך-- לשמר מאד |
5 Ah, yollirimning yönilishi belgilimiliringge emel qilishqa békitilgey!
| אחלי יכנו דרכי-- לשמר חקיך |
6 Shuning bilen barliq emr-permanliringni etiwarlisam, Men yerge qarap qalmaymen.
| אז לא-אבוש-- בהביטי אל-כל-מצותיך |
7 Séning heqqaniy hökümliringni öginip, Durus köngüldin Sanga teshekkür éytimen.
| אודך בישר לבב-- בלמדי משפטי צדקך |
8 Men belgilimiliringni choqum tutimen; Méni pütünley tashliwetmigeysen!
| את-חקיך אשמר אל-תעזבני עד-מאד |
9 (Bet) Yash bir yigit qandaq qilip öz yolini pak tutalaydu? Séning söz-kalamingni anglap emel qilish bilenla.
| במה יזכה-נער את-ארחו-- לשמר כדברך |
10 Pütün qelbim bilen men Séni izdidim; Méni emrliringdin adashturmighaysen;
| בכל-לבי דרשתיך אל-תשגני ממצותיך |
11 Gunah qilip Sanga qarshi chiqmasliqim üchün, Sözüngni könglümge mehkem püküwaldim.
| בלבי צפנתי אמרתך-- למען לא אחטא-לך |
12 Mubarekdursen Perwerdigar, Manga Öz belgilimiliringni ögetkeysen.
| ברוך אתה יהוה-- למדני חקיך |
13 Lewlirim bilen men bayan qilimen, Aghzingdiki barliq hökümliringni.
| בשפתי ספרתי-- כל משפטי-פיך |
14 Türlük bayliqlardin shadlan’ghandek, Agah-guwahliqliringgha egeshken yolda shadlandim.
| בדרך עדותיך ששתי-- כעל כל-הון |
15 Men körsetmiliring üstide séghinip oylinimen; Izliringgha qarap oylinimen.
| בפקודיך אשיחה ואביטה ארחתיך |
16 Belgilimiliringni xursenlik dep bilimen; Söz-kalamingni untumaymen.
| בחקתיך אשתעשע לא אשכח דברך |
17 (Gimel) Qulunggha méhribanliqni körsetkeysen, shuning bilen men yashaymen, Kalaminggha boysunimen.
| גמל על-עבדך אחיה ואשמרה דברך |
18 Tewrat-qanunungdin karamet sirlarni körüshüm üchün, Közlirimni achqaysen!
| גל-עיני ואביטה-- נפלאות מתורתך |
19 Men bu dunyada musapirmen; Emrliringni mendin yoshurmighaysen.
| גר אנכי בארץ אל-תסתר ממני מצותיך |
20 Hökümliringge herqachan intizar bolup, Yürikim ézilip kétey dep qaldi.
| גרסה נפשי לתאבה-- אל-משפטיך בכל-עת |
21 Sen lenetke buyrulghan tekebburlargha tenbih bérisen, Ular emrliringdin adiship kétidu.
| גערת זדים ארורים-- השגים ממצותיך |
22 Mendin ahanet hem mesxirini yiraqqa ketküzgeysen; Chünki agah-guwahliqliringni tutimen.
| גל מעלי חרפה ובוז כי עדתיך נצרתי |
23 Emirler olturup yaman gépimni qilishmaqta; Séning qulung bolsa belgilimiliring üstide séghinip oylaydu.
| גם ישבו שרים בי נדברו-- עבדך ישיח בחקיך |
24 Séning agah-guwahliqliring méning xursenlikim, Méning meslihetchilirimdur.
| גם-עדתיך שעשעי-- אנשי עצתי |
25 (Dalet) Méning jénim tupraqqa yépishqan; Söz-kalaming boyiche méni yéngilandurghaysen.
| דבקה לעפר נפשי חיני כדברך |
26 Öz yollirimni aldingda ochuq bayan qildim, Sen manga jawab berding; Manga belgilimiliringni ögetkeysen.
| דרכי ספרתי ותענני למדני חקיך |
27 Méni körsetmiliringning yolini chüshinidighan qilghaysen, Andin men karametliring üstide séghinip oylinimen.
| דרך-פקודיך הבינני ואשיחה בנפלאותיך |
28 Jénim qayghu bilen érip kétidu; Söz-kalaming boyiche méni küchlendürgeysen.
| דלפה נפשי מתוגה קימני כדברך |
29 Mendin aldamchi yolni néri qilghaysen; Shepqet qilip manga Tewrat-qanunungni béghishlighaysen;
| דרך-שקר הסר ממני ותורתך חנני |
30 Men heqiqet-sadaqet yolini talliwaldim; Hökümliringni aldimda qoydum.
| דרך-אמונה בחרתי משפטיך שויתי |
31 Agah-guwahliringni ching tutimen; Perwerdigar, méni uyatqa qaldurmighaysen.
| דבקתי בעדותיך יהוה אל-תבישני |
32 Sen méning qelbimni keng-azade qilishing bilen, Emrliring yoligha egiship yügürimen.
| דרך-מצותיך ארוץ כי תרחיב לבי |
33 (Xé) I Perwerdigar, belgilimiliringning yolini manga ayan qilghaysen; Men uni axirghiche tutimen.
| הורני יהוה דרך חקיך ואצרנה עקב |
34 Méni yorutqaysen, men Tewrat-qanunungni tutimen, Shundaqla pütün qelbim bilen uninggha emel qilimen.
| הבינני ואצרה תורתך ואשמרנה בכל-לב |
35 Méni emrliringning yolida mangidighan qilghaysen; Chünki ularni xursenlik dep bilimen.
| הדריכני בנתיב מצותיך כי-בו חפצתי |
36 Méning qelbimni shexsiy menpeetke emes, Belki agah-guwahliqliringgha mayil qilghaysen.
| הט-לבי אל-עדותיך ואל אל-בצע |
37 Közlirimni saxtini körüshtin yandurghaysen; Méni yolungda janlandurghaysen;
| העבר עיני מראות שוא בדרכך חיני |
38 Sen qulunggha bolghan wedengni emelge ashurghaysen; Shuning bilen xeqler Sendin eyminidu.
| הקם לעבדך אמרתך-- אשר ליראתך |
39 Men qorqqan shermendilikni néri ketküzgeysen; Chünki Séning hökümliring eladur.
| העבר חרפתי אשר יגרתי כי משפטיך טובים |
40 Mana, men körsetmiliringge teshna bolup keldim; Öz heqqaniyitingde méni janlandurghaysen;
| הנה תאבתי לפקדיך בצדקתך חיני |
41 : (Waw) We méhir-muhebbetliring yénimgha kelsun, i Perwerdigar; Wedeng boyiche nijatliqing yénimgha kelsun;
| ויבאני חסדך יהוה תשועתך כאמרתך |
42 Shunda mende méni mesxire qilghuchigha bergüdek jawab bolidu; Chünki sözüngge tayinimen.
| ואענה חרפי דבר כי-בטחתי בדברך |
43 We aghzimdin heqiqetning sözini élip tashlimighaysen; Chünki hökümliringge ümid baghlidim;
| ואל-תצל מפי דבר-אמת עד-מאד כי למשפטך יחלתי |
44 Shunda men Séning Tewrat-qanunungni her qachan tutimen, Berheq, ebedil’ebedgiche tutimen;
| ואשמרה תורתך תמיד-- לעולם ועד |
45 Shunda men azadilikte mangimen; Chünki körsetmiliringni izdidim.
| ואתהלכה ברחבה כי פקדיך דרשתי |
46 Shunda men padishahlar aldida agah-guwahliqliring toghruluq sözleymen, Bu ishlarda men yerge qarap qalmaymen.
| ואדברה בעדתיך נגד מלכים ולא אבוש |
47 We emrliringni xursenlik dep bilimen, Chünki ularni söyüp keldim;
| ואשתעשע במצותיך אשר אהבתי |
48 Men söyüp kelgen emrliringge qollirimni sozup intilimen, We belgilimiliring üstide séghinip oylinimen.
| ואשא-כפי--אל-מצותיך אשר אהבתי ואשיחה בחקיך |
49 (Zain) Sen qulunggha bergen sözüngni, Yeni manga ümid béghishlighan kalamingni esligeysen.
| זכר-דבר לעבדך-- על אשר יחלתני |
50 U bolsa derdimge bolghan tesellidur; Chünki söz-wedeng méni janlandurdi.
| זאת נחמתי בעניי כי אמרתך חיתני |
51 Tekebburlar esheddiy haqaretligini bilen, Lékin Tewrat-qanunungdin héch chetnimidim.
| זדים הליצני עד-מאד מתורתך לא נטיתי |
52 Qedimde békitilgen hökümliringni yadimgha keltürdüm, i Perwerdigar, Shundaq qilip özümge teselli berdim.
| זכרתי משפטיך מעולם יהוה ואתנחם |
53 Tewrat-qanunungni tashliwetken reziller wejidin, Otluq ghezep mende qaynap tashti.
| זלעפה אחזתני מרשעים-- עזבי תורתך |
54 Musapir bolup turghan jayimda, Körsetmiliring méning naxshilirim boldi.
| זמרות היו-לי חקיך-- בבית מגורי |
55 Kéchide, i Perwerdigar, namingni eslep yürdum, Tewrat-qanunungni tutup keldim.
| זכרתי בלילה שמך יהוה ואשמרה תורתך |
56 Men buninggha nésip boldum, Chünki men körsetmiliringke itaet qilip keldim.
| זאת היתה-לי כי פקדיך נצרתי |
57 (Xet) Özüng méning nésiwemdursen, i Perwerdigar; «Séning söz-kalamingni tutay» — dédim.
| חלקי יהוה אמרתי-- לשמר דבריך |
58 Men pütün qelbim bilen didaringgha intilip yélindim; Wedeng boyiche manga shapaet körsetkeysen.
| חליתי פניך בכל-לב חנני כאמרתך |
59 Men yolliring üstide oylandim, Ayaghlirimni agah-guwahliqliringgha qaritip buridim.
| חשבתי דרכי ואשיבה רגלי אל-עדתיך |
60 Men aldiridim, héch kéchikmidim, Séning emrliringge emel qilishqa.
| חשתי ולא התמהמהתי-- לשמר מצותיך |
61 Rezillerning asaretliri méni chirmiwalghini bilen, Men Tewrat-qanunungni héch untumidim.
| חבלי רשעים עודני תורתך לא שכחתי |
62 Heqqaniy hökümliring üchün, Tün kéchide teshekkür éytqili qopimen.
| חצות-לילה--אקום להודות לך על משפטי צדקך |
63 Men Sendin qorqidighanlarning, Körsetmiliringge egeshkenlerning hemmisining ülpitidurmen.
| חבר אני לכל-אשר יראוך ולשמרי פקודיך |
64 Jahan, i Perwerdigar, Séning özgermes muhebbiting bilen toldi; Manga belgilimiliringni ögetkeysen.
| חסדך יהוה מלאה הארץ חקיך למדני |
65 (Tet) Söz-kalaming boyiche, i Perwerdigar, Öz qulunggha méhribanliqni körsitip kelgensen.
| טוב עשית עם-עבדך-- יהוה כדברך |
66 Manga obdan perq étishni we bilimni ögetkeysen; Chünki men emrliringge ishendim.
| טוב טעם ודעת למדני כי במצותיך האמנתי |
67 Men azabqa uchrashtin burun yoldin azghan, Biraq hazir sözüngni tutimen.
| טרם אענה אני שגג ועתה אמרתך שמרתי |
68 Sen méhribandursen, méhribanliq qilisen, Manga belgilimiliringni ögetkeysen.
| טוב-אתה ומטיב למדני חקיך |
69 Tekebburlar manga qara chaplashti; Biraq körsetmiliringge pütün qelbim bilen itaet qilimen.
| טפלו עלי שקר זדים אני בכל-לב אצר פקודיך |
70 Ularning qelbi tuymas bolup ketti; Biraq men bolsam Tewrat-qanunungni xursenlik dep bilimen.
| טפש כחלב לבם אני תורתך שעשעתי |
71 Azabqa uchrighinim yaxshi boldi, Shuning bilen belgilimiliringni ögendim.
| טוב-לי כי-עניתי-- למען אלמד חקיך |
72 Men üchün aghzingdiki qanun-telim, Minglighan altun-kümüsh tenggidin ewzeldur.
| טוב-לי תורת-פיך-- מאלפי זהב וכסף |
73 (Yod) Séning qolliring méni yasighan, méni mustehkemlidi; Méni yorutqaysen, emrliringni öginimen.
| ידיך עשוני ויכוננוני הבינני ואלמדה מצותיך |
74 Sendin eyminidighanlar méni körüp shadlinidu; Chünki men söz-kalaminggha ümid baghlap keldim.
| יראיך יראוני וישמחו כי לדברך יחלתי |
75 I Perwerdigar, Séning hökümliringning heqqaniy ikenlikini, Wapadarliqingdin méni azabqa salghiningni bilimen.
| ידעתי יהוה כי-צדק משפטיך ואמונה עניתני |
76 Ah, qulunggha bergen wedeng boyiche, Özgermes muhebbiting teselliyim bolsun.
| יהי-נא חסדך לנחמני-- כאמרתך לעבדך |
77 Méning yashishim üchün, Rehimdilliqliring yénimgha kelsun; Chünki Tewrat-qanunung méning xursenlikimdur.
| יבאוני רחמיך ואחיה כי-תורתך שעשעי |
78 Tekebburlar xijalette qalsun; Chünki ular manga yalghanchiliq bilen tetürlük qilghan; Men bolsam, körsetmiliring üstide séghinip oylinimen.
| יבשו זדים כי-שקר עותוני אני אשיח בפקודיך |
79 Sendin eyminidighanlar men terepke burulup kelsun; Agah-guwahliqliringni bilgenlermu shundaq bolsun.
| ישובו לי יראיך וידעו (וידעי) עדתיך |
80 Könglüm belgilimiliringde mukemmel bolsun; Shuning bilen yerge qarap qalmaymen.
| יהי-לבי תמים בחקיך-- למען לא אבוש |
81 (Kaf) Jénim nijatliqinggha telmürüp halidin kétey dewatidu; Men söz-kalaminggha ümid baghlidim.
| כלתה לתשועתך נפשי לדברך יחלתי |
82 Közüm söz-wedengge telmürüp tügishey dédi, «Sen qachanmu manga teselli bérersen» — dep.
| כלו עיני לאמרתך-- לאמר מתי תנחמני |
83 Chünki men islinip qurup ketken tulumdek boldum, Biraq belgilimiliringni untumaymen.
| כי-הייתי כנאד בקיטור-- חקיך לא שכחתי |
84 Qulungning künliri qanche bolidu? Manga ziyankeshlik qilghanlarni qachan jazalaysen?
| כמה ימי-עבדך מתי תעשה ברדפי משפט |
85 Tekebburlar manga orilarni kolighan; Bu ishlar Tewratinggha muxaliptur;
| כרו-לי זדים שיחות-- אשר לא כתורתך |
86 Séning barliq emrliring ishenchliktur; Ular yolsizliq bilen méni qistimaqta; Manga yardem qilghaysen!
| כל-מצותיך אמונה שקר רדפוני עזרני |
87 Ular méni yer yüzidin yoqatqili qil qaldi; Biraq men bolsam, körsetmiliringdin waz kechmidim.
| כמעט כלוני בארץ ואני לא-עזבתי פקדיך |
88 Özgermes muhebbiting boyiche méni janlandurghaysen, We aghzingdiki agah-guwahliqliringni tutimen.
| כחסדך חיני ואשמרה עדות פיך |
89 (Lamed) Menggüge, i Perwerdigar, Söz-kalaming ershlerde békitilgendur.
| לעולם יהוה-- דברך נצב בשמים |
90 Séning sadaqiting dewrdin-dewrgichidur; Sen yer-zéminni muqim békitkensen, u mewjut bolup turidu.
| לדר ודר אמונתך כוננת ארץ ותעמד |
91 Séning höküm-qanuniyetliring bilen bular bügünki kündimu turidu; Chünki barliq mewjudatlar Séning xizmitingdidur.
| למשפטיך עמדו היום כי הכל עבדיך |
92 Séning Tewrat-qanunung xursenlikim bolmighan bolsa, Azabimda yoqap kéter idim.
| לולי תורתך שעשעי-- אז אבדתי בעניי |
93 Men Séning körsetmiliringni hergiz untumaymen; Chünki mushular arqiliq manga hayatliq berding;
| לעולם לא-אשכח פקודיך כי בם חייתני |
94 Men Séningkidurmen, méni qutquzghaysen; Chünki men körsetmiliringni izdep keldim.
| לך-אני הושיעני כי פקודיך דרשתי |
95 Reziller méni halak qilishni kütmekte; Biraq men agah-guwahliringni könglümde tutup oylaymen.
| לי קוו רשעים לאבדני עדתיך אתבונן |
96 Men hemme mukemmellikning chéki bar dep bilip yettim; Biraq Séning emr-kalaming cheksiz kengdur!
| לכל-תכלה ראיתי קץ רחבה מצותך מאד |
97 (Mem) Ah, méning Tewrat-qanununggha bolghan muhebbitim neqeder chongqurdur! Kün boyi u méning séghinip oylaydighinimdur.
| מה-אהבתי תורתך כל-היום היא שיחתי |
98 Emrliring herdaim men bilen bille turghachqa, Méni düshmenlirimdin dana qilidu;
| מאיבי תחכמני מצותך כי לעולם היא-לי |
99 Barliq ustazlirimdin köp yorutulghanmen, Chünki agah-guwahliring séghinishimdur.
| מכל-מלמדי השכלתי כי עדותיך שיחה לי |
100 Men qérilardin köprek chüshinimen, Chünki körsetmiliringge itaet qilip keldim.
| מזקנים אתבונן כי פקודיך נצרתי |
101 Söz-kalaminggha emel qilishim üchün, Ayaghlirimni hemme yaman yoldin tarttim.
| מכל-ארח רע כלאתי רגלי-- למען אשמר דברך |
102 Hökümliringdin héch chiqmidim; Chünki manga ögetken Sen özüngdursen.
| ממשפטיך לא-סרתי כי-אתה הורתני |
103 Sözliring tilimgha shunche shérin tétiydu! Aghzimda heseldin tatliqtur!
| מה-נמלצו לחכי אמרתך-- מדבש לפי |
104 Körsetmiliringdin men yorutuldum; Shunga barliq saxta yolni öch körimen.
| מפקודיך אתבונן על כן שנאתי כל-ארח שקר |
105 (Nun) Söz-kalaming ayighim aldidiki chiragh, Yolumgha nurdur.
| נר-לרגלי דברך ואור לנתיבתי |
106 Qesem ichtim, emel qilimenki, Men heqqaniy hökümliringni tutimen.
| נשבעתי ואקימה-- לשמר משפטי צדקך |
107 Zor azab-oqubetlerni chektim, i Perwerdigar; Söz-kalaming boyiche méni janlandurghaysen.
| נעניתי עד-מאד יהוה חיני כדברך |
108 Qobul qilghaysen, i Perwerdigar, aghzimdiki xalis qurbanliqlarni, Manga hökümliringni ögetkeysen.
| נדבות פי רצה-נא יהוה ומשפטיך למדני |
109 Jénimni aliqinimda daim élip yürimen, Biraq Tewrat-qanunungni peqet untumaymen.
| נפשי בכפי תמיד ותורתך לא שכחתי |
110 Reziller men üchün qiltaq qurdi; Biraq körsetmiliringdin adashmidim.
| נתנו רשעים פח לי ומפקודיך לא תעיתי |
111 Agah-guwahliqliringni miras qilip menggüge qobul qildim; Chünki ular könglümning shadliqidur.
| נחלתי עדותיך לעולם כי-ששון לבי המה |
112 Men könglümni belgilimiliringge menggüge [emel qilishqa], Yeni axirghiche emel qilishqa mayil qildim.
| נטיתי לבי לעשות חקיך-- לעולם עקב |
113 (Sameq) Ala köngüllerni öch körüp keldim; Söyginim bolsa, Tewrat-qanunungdur.
| סעפים שנאתי ותורתך אהבתי |
114 Sen méning dalda jayim, méning qalqanimdursen; Söz-kalaminggha ümid baghlidim.
| סתרי ומגני אתה לדברך יחלתי |
115 Men Xudayimning emrlirige emel qilishim üchün, Mendin néri bolunglar, i rezillik qilghuchilar!
| סורו-ממני מרעים ואצרה מצות אלהי |
116 Yashishim üchün, Wedeng boyiche méni yöligeysen; Ümidimning aldida méni yerge qaratmighaysen.
| סמכני כאמרתך ואחיה ואל-תבישני משברי |
117 Méni qollap quwwetligeysen, shunda men aman-ésen yürimen; We belgilimiliringni herdaim qedirleymen.
| סעדני ואושעה ואשעה בחקיך תמיד |
118 Belgilimiliringdin azghanlarning hemmisini neziringdin saqit qilding; Chünki ularning aldamchiliqi quruqtur.
| סלית כל-שוגים מחקיך כי-שקר תרמיתם |
119 Sen yer yüzidiki barliq rezillerni dashqaldek shallap tazilaysen; Shunga men agah-guwahliqliringni söyimen.
| סגים--השבת כל-רשעי-ארץ לכן אהבתי עדתיך |
120 Etlirim Séningdin bolghan eyminishtin titreydu; Hökümliringdin qorqup yürimen.
| סמר מפחדך בשרי וממשפטיך יראתי |
121 (Ayin) Men durus hökümlerni we adaletni yürgüzdum; Méni ezgüchilerge tashlap qoymighaysen;
| עשיתי משפט וצדק בל-תניחני לעשקי |
122 Öz qulung üchün yaxshiliqqa kapalet bolghaysen; Tekebburlargha méni ezgüzmigeysen.
| ערב עבדך לטוב אל-יעשקני זדים |
123 Közüm nijatliqinggha teshna bolup, Hem heqqaniyiting toghruluq wedengge telmürüp tügishey dep qaldi;
| עיני כלו לישועתך ולאמרת צדקך |
124 Özgermes muhebbiting bilen qulunggha muamile qilghaysen; Belgilimiliringni manga ögetkeysen.
| עשה עם-עבדך כחסדך וחקיך למדני |
125 Men Séning qulungdurmen; Agah-guwahliqliringni bilip yétishim üchün méni yorutqaysen.
| עבדך-אני הבינני ואדעה עדתיך |
126 Perwerdigar heriketke kélish waqti keldi! Chünki ular Tewrat-qanunungni bikar qiliwétidu.
| עת לעשות ליהוה-- הפרו תורתך |
127 Shu sewebtin emrliringni altundin artuq söyimen, Sap altundin artuq söyimen;
| על-כן אהבתי מצותיך-- מזהב ומפז |
128 Shunga hemme ishlarni bashquridighan barliq körsetmiliringni toghra dep bilimen; Barliq saxta yolni öch körimen.
| על-כן כל-פקודי כל ישרתי כל-ארח שקר שנאתי |
129 (Pé) Agah-guwahliqliring karamettur; Shunga jénim ulargha egishidu.
| פלאות עדותיך על-כן נצרתם נפשי |
130 Sözliringning yéshimi nur élip kélidu; Nadanlarnimu yorutidu.
| פתח דבריך יאיר מבין פתיים |
131 Aghzimni échip hasirap kettim, Chünki emrliringge teshna bolup keldim.
| פי-פערתי ואשאפה כי למצותיך יאבתי |
132 Namingni söygenlerge bolghan aditing boyiche, Jamalingni men terepke qaritip shepqet körsetkeysen.
| פנה-אלי וחנני-- כמשפט לאהבי שמך |
133 Qedemlirimni sözüng bilen toghrilighaysen; Üstümge héch qebihlikni höküm sürgüzmigeysen.
| פעמי הכן באמרתך ואל-תשלט-בי כל-און |
134 Méni insanning zulumidin qutuldurghaysen, Shuning bilen Séning körsetmiliringge itaet qilimen.
| פדני מעשק אדם ואשמרה פקודיך |
135 Jamalingning nurini qulungning üstige chachturghaysen; Manga belgilimiliringni ögetkeysen.
| פניך האר בעבדך ולמדני את-חקיך |
136 Közlirimdin yash ériqliri aqidu, Chünki insanlar Tewrat-qanununggha boysunmaydu.
| פלגי-מים ירדו עיני-- על לא-שמרו תורתך |
137 (Tsade) Heqqaniydursen, i Perwerdigar; Hökümliring toghridur.
| צדיק אתה יהוה וישר משפטיך |
138 Sen agah-guwahliqliringni heqqaniyliqta buyrughan; Ular tolimu ishenchliktur!
| צוית צדק עדתיך ואמונה מאד |
139 Otluq muhebbitim özümni yoqitidu, Chünki méni xar qilghuchilar sözliringge pisent qilmaydu.
| צמתתני קנאתי כי-שכחו דבריך צרי |
140 Sözüng toluq sinap ispatlan’ghandur; Shunga qulung uni söyidu.
| צרופה אמרתך מאד ועבדך אהבה |
141 Men tériqtekturmen, kemsitilgenmen, Biraq körsetmiliringni untumaymen.
| צעיר אנכי ונבזה פקדיך לא שכחתי |
142 Séning heqqaniyiting ebediy bir heqqaniyettur, Tewrat-qanunung heqiqettur.
| צדקתך צדק לעולם ותורתך אמת |
143 Péshkellik we azab manga chirmishiwaldi; Biraq emrliring méning xursenliklirimdur.
| צר-ומצוק מצאוני מצותיך שעשעי |
144 Séning agah-guwahliqliringning heqqaniyliqi ebediydur; Yashighin dep, méni yorutqaysen.
| צדק עדותיך לעולם הבינני ואחיה |
145 (Kof) Men pütün qelbim bilen Sanga nida qildim, i Perwerdigar; Manga jawab bergeysen; Men belgilimiliringni tutimen.
| קראתי בכל-לב ענני יהוה חקיך אצרה |
146 Men Sanga nida qilimen; Méni qutquzghaysen; agah-guwahliqliringgha egishimen.
| קראתיך הושיעני ואשמרה עדתיך |
147 Men tang atmay ornumdin turup peryad kötürimen; Söz-kalaminggha ümid baghlidim.
| קדמתי בנשף ואשועה לדבריך (לדברך) יחלתי |
148 Wediliring üstide séghinip oylinish üchün, Tündiki jésekler almashmay turup közüm échilidu.
| קדמו עיני אשמרות-- לשיח באמרתך |
149 Özgermes muhebbiting boyiche awazimni anglighaysen; I Perwerdigar, hökümliring boyiche méni janlandurghaysen.
| קולי שמעה כחסדך יהוה כמשפטך חיני |
150 Qebih niyetke egeshkenler manga yéqinlashti, Ular Tewrat-qanunungdin yiraqtur.
| קרבו רדפי זמה מתורתך רחקו |
151 I Perwerdigar, Sen manga yéqin turisen; Barliq emrliring heqiqettur.
| קרוב אתה יהוה וכל-מצותיך אמת |
152 Uzundin béri agah-guwahliqliringdin ögendimki, Ularni menggüge inawetlik qilghansen.
| קדם ידעתי מעדתיך כי לעולם יסדתם |
153 (Resh) Méning xar bolghinimni körgeysen, méni qutuldurghaysen; Chünki Tewrat-qanunungni untumidim.
| ראה-עניי וחלצני כי-תורתך לא שכחתי |
154 Méning dewayimni sorighaysen, hemjemet bolup méni qutquzghaysen; Wedeng boyiche méni janlandurghaysen.
| ריבה ריבי וגאלני לאמרתך חיני |
155 Nijatliq rezillerdin yiraqtur; Chünki ular belgilimiliringni izdimeydu.
| רחוק מרשעים ישועה כי חקיך לא דרשו |
156 Rehimdilliqliring köptur, i Perwerdigar; Hökümliring boyiche méni janlandurghaysen.
| רחמיך רבים יהוה כמשפטיך חיני |
157 Manga ziyankeshlik qilghuchilar hem méni xar qilghuchilar köptur; Biraq agah-guwahliqliringdin héch chetnimidim.
| רבים רדפי וצרי מעדותיך לא נטיתי |
158 Men asiyliq qilghuchilargha qarap yirgendim, Chünki ular sözüngni tutmaydu.
| ראיתי בגדים ואתקוטטה-- אשר אמרתך לא שמרו |
159 Séning körsetmiliringni shunche söygenlikimni körgeysen; Özgermes muhebbiting boyiche méni janlandurghaysen, i Perwerdigar.
| ראה כי-פקודיך אהבתי יהוה כחסדך חיני |
160 Söz-kalamingni mujessemligende andin heqiqet bolur; Séning herbir adil hökümüng ebediydur.
| ראש-דברך אמת ולעולם כל-משפט צדקך |
161 (Shiyn) Emirler bikardin-bikar manga ziyankeshlik qilidu; Biraq yürikim kalaming aldidila titreydu.
| שרים רדפוני חנם ומדבריך (ומדברך) פחד לבי |
162 Birsi zor olja tapqandek, Wedengdin xushallinimen.
| שש אנכי על-אמרתך-- כמוצא שלל רב |
163 Saxtiliqtin nepretlinip yirginimen; Söyginim Tewrat-qanunungdur.
| שקר שנאתי ואתעבה תורתך אהבתי |
164 Heqqaniy hökümliring tüpeylidin, Künde yette qétim Séni medhiyileymen.
| שבע ביום הללתיך-- על משפטי צדקך |
165 Tewratingni söygenlerning zor xatirjemliki bar; Héch nerse ularni putliyalmas.
| שלום רב לאהבי תורתך ואין-למו מכשול |
166 Men nijatliqinggha ümid baghlap küttüm, i Perwerdigar, Emrliringge emel qilip.
| שברתי לישועתך יהוה ומצותיך עשיתי |
167 Jénim agah-guwahliqliringgha egishidu, Ularni intayin söyimen.
| שמרה נפשי עדתיך ואהבם מאד |
168 Barliq yollirim aldingda bolghach, Körsetmiliring hem agah-guwahliqliringgha egishimen.
| שמרתי פקודיך ועדתיך כי כל-דרכי נגדך |
169 (Taw) Méning peryadim aldinggha yéqin kelsun, i Perwerdigar; Kalaming boyiche méni yorutqaysen.
| תקרב רנתי לפניך יהוה כדברך הבינני |
170 Yélinishim aldinggha kelsun; Wedeng boyiche méni qutuldurghaysen.
| תבוא תחנתי לפניך כאמרתך הצילני |
171 Manga belgilimiliringni ögitishing üchün, Lewlirimdin medhiyiler urghup chiqidu.
| תבענה שפתי תהלה כי תלמדני חקיך |
172 Tilim sözüngni küylep naxsha éytidu, Chünki emrliringning hemmisi heqqaniydur.
| תען לשוני אמרתך כי כל-מצותיך צדק |
173 Qolung manga yardemge teyyar bolsun; Chünki men körsetmiliringni talliwaldim.
| תהי-ידך לעזרני כי פקודיך בחרתי |
174 Men nijatliqinggha telmürüp teshna bolup keldim, i Perwerdigar; Séning Tewrating méning xursenlikimdur.
| תאבתי לישועתך יהוה ותורתך שעשעי |
175 Jénim yashisun, u Séni medhiyileydu, Séning hökümliring manga yardem qilsun.
| תחי-נפשי ותהללך ומשפטך יעזרני |
176 Men yoldin adashqan qoydek temtirep qaldim; Qulungni izdigeysen; Chünki emrliringni untup qalghinim yoq.
| תעיתי-- כשה אבד בקש עבדך כי מצותיך לא שכחתי |
