Zebur 115

1 Bizge emes, i Perwerdigar, bizge emes — Özgermes muhebbiting üchün, heqiqet-sadaqiting üchün, Öz naminggha shan-sherep keltürgeysen.

Bizge emes, i Perwerdigar, bizge emes — Özgermes muhebbiting üchün, heqiqet-sadaqiting üchün, Öz naminggha shan-sherep keltürgeysen.

2 Eller némishqa «Ularning Xudasi qeyerde?» dep [mazaq] qilishidu?

Eller némishqa «Ularning Xudasi qeyerde?» dep [mazaq] qilishidu?

3 Biraq Xudayimiz bolsa ershlerdidur; Némini xalisa, U shuni qilghandur.

Biraq Xudayimiz bolsa ershlerdidur; Némini xalisa, U shuni qilghandur.

4 Ularning butliri bolsa peqet kümüsh-altundin ibaret, Insanning qolliri yasighinidur, xalas.

Ularning butliri bolsa peqet kümüsh-altundin ibaret, Insanning qolliri yasighinidur, xalas.

5 Ularning aghzi bar, biraq sözliyelmeydu; Közliri bar, körmeydu;

Ularning aghzi bar, biraq sözliyelmeydu; Közliri bar, körmeydu;

6 Qulaqliri bar, anglimaydu, Burni bar, puriyalmaydu;

Qulaqliri bar, anglimaydu, Burni bar, puriyalmaydu;

7 Qolliri bar, siliyalmaydu; Putliri bar, mangalmaydu; Kaniyidin héchbir sada chiqarmaydu.

Qolliri bar, siliyalmaydu; Putliri bar, mangalmaydu; Kaniyidin héchbir sada chiqarmaydu.

8 Ularni yasighanlar ulargha oxshashtur, Ulargha tayan’ghanlarmu shundaqtur.

Ularni yasighanlar ulargha oxshashtur, Ulargha tayan’ghanlarmu shundaqtur.

9 I Israil, Perwerdigargha tayininglar; U silerge yardem qilghuchinglar hem qalqininglardur.

I Israil, Perwerdigargha tayininglar; U silerge yardem qilghuchinglar hem qalqininglardur.

10 I Harun jemeti, Perwerdigargha tayininglar; U silerge yardem qilghuchi hem silerning qalqininglardur.

I Harun jemeti, Perwerdigargha tayininglar; U silerge yardem qilghuchi hem silerning qalqininglardur.

11 Perderdigardin eyminidighanlar, Perwerdigargha tayininglar; U silerge yardem qilghuchi hem qalqininglardur.

Perderdigardin eyminidighanlar, Perwerdigargha tayininglar; U silerge yardem qilghuchi hem qalqininglardur.

12 Perwerdigar bizni eslep keldi; U bext ata qilidu; U Israil jemetige bext ata qilidu; U Harun jemetige bext ata qilidu;

Perwerdigar bizni eslep keldi; U bext ata qilidu; U Israil jemetige bext ata qilidu; U Harun jemetige bext ata qilidu;

13 Perwerdigardin eyminidighanlargha, Chongliri hem kichiklirigimu bext ata qilidu.

Perwerdigardin eyminidighanlargha, Chongliri hem kichiklirigimu bext ata qilidu.

14 Perwerdigar silerge qoshlap béridu, Silerge hem perzentliringlargha;

Perwerdigar silerge qoshlap béridu, Silerge hem perzentliringlargha;

15 Silerge Perwerdigar teripidin bext ata qilin’ghan, Asman-zéminni Yaratquchidin beriketlen’gen!

Silerge Perwerdigar teripidin bext ata qilin’ghan, Asman-zéminni Yaratquchidin beriketlen’gen!

16 Asmanlar bolsa Perwerdigarning asmanliridur; Biraq zéminni bolsa insan balilirigha tapshurghandur.

Asmanlar bolsa Perwerdigarning asmanliridur; Biraq zéminni bolsa insan balilirigha tapshurghandur.

17 Ölükler Yahni medhiyiliyelmeydu, Süküt diyarigha chüshüp ketkenlermu shundaq;

Ölükler Yahni medhiyiliyelmeydu, Süküt diyarigha chüshüp ketkenlermu shundaq;

18 Biraq bizler hazirdin bashlap Yahqa ebedil’ebedgiche teshekkür-medhiye qayturimiz! Hemdusana!

Biraq bizler hazirdin bashlap Yahqa ebedil’ebedgiche teshekkür-medhiye qayturimiz! Hemdusana!