Pend-nesihetler 16
1 Köngüldiki niyetler insan’gha tewedur; Biraq tilning jawabi Perwerdigarning ilkididur.
| לאדם מערכי לב ומיהוה מענה לשון׃ |
2 Insan özining hemme qilghan ishini pak dep biler; Lékin qelbdiki niyetlerni Perwerdigar tarazigha sélip tartip körer.
| כל דרכי איש זך בעיניו ותכן רוחות יהוה׃ |
3 Niyet qilghan ishliringni Perwerdigargha tapshurghin, Shundaq qilghanda pilanliring piship chiqar.
| גל אל יהוה מעשיך ויכנו מחשבתיך׃ |
4 Perwerdigar barliq mewjudiyetning herbirini melum meqset bilen apiride qilghan; Hetta yamanlarnimu balayi’apet küni üchün yaratqandur.
| כל פעל יהוה למענהו וגם רשע ליום רעה׃ |
5 Tekebburluqqa tolghan köngüllerning herbiri Perwerdigargha yirginchliktur; Qol tutushup birleshsimu, jazasiz qalmas.
| תועבת יהוה כל גבה לב יד ליד לא ינקה׃ |
6 Muhebbet-shepqet we heqiqet bilen gunahlar kafaret qilinip yépilar; Perwerdigardin eyminish ademlerni yamanliqtin xaliy qilar.
| בחסד ואמת יכפר עון וביראת יהוה סור מרע׃ |
7 Ademning ishliri Perwerdigarni xursen qilsa, U hetta düshmenlirinimu uning bilen inaqlashturar.
| ברצות יהוה דרכי איש גם אויביו ישלם אתו׃ |
8 Halal alghan az, Haram alghan köptin ewzeldur.
| טוב מעט בצדקה מרב תבואות בלא משפט׃ |
9 Insan könglide öz yolini toxtitar; Emma qedemlirini toghrilaydighan Perwerdigardur.
| לב אדם יחשב דרכו ויהוה יכין צעדו׃ |
10 Hetta padishahning lewlirige qaritip epsun oqulsimu, Uning aghzi toghra hökümdin chetnimes.
| קסם על שפתי מלך במשפט לא ימעל פיו׃ |
11 Adil taraza-mizanlar Perwerdigargha xastur; Taraza tashlirining hemmisini U yasighandur.
| פלס ומאזני משפט ליהוה מעשהו כל אבני כיס׃ |
12 Padishah rezillik qilsa yirginchliktur, Chünki text heqqaniyet bilenla mehkem turar.
| תועבת מלכים עשות רשע כי בצדקה יכון כסא׃ |
13 Heqqaniy sözligen lewler padishahlarning xursenlikidur; Ular durus sözligüchilerni yaxshi körer.
| רצון מלכים שפתי צדק ודבר ישרים יאהב׃ |
14 Padishahning qehri goya ölümning elchisidur; Biraq dana kishi [uning ghezipini] tinchlandurar.
| חמת מלך מלאכי מות ואיש חכם יכפרנה׃ |
15 Padishahning chirayining nuri kishige jan kirgüzer; Uning shepqiti waqtida yaghqan «kéyinki yamghur»dur.
| באור פני מלך חיים ורצונו כעב מלקוש׃ |
16 Danaliq élish altun élishtin neqeder ewzeldur; Yorutulushni tallash kümüshni tallashtin shunche üstündur!
| קנה חכמה מה טוב מחרוץ וקנות בינה נבחר מכסף׃ |
17 Durus ademning égiz kötürülgen yoli yamanliqtin ayrilishtur; Öz yoligha éhtiyat qilghan kishi jénini saqlap qalar.
| מסלת ישרים סור מרע שמר נפשו נצר דרכו׃ |
18 Meghrurluq halak bolushtin awwal kéler, Tekebburluq yiqilishtin awwal kéler.
| לפני שבר גאון ולפני כשלון גבה רוח׃ |
19 Kemter bolup miskinler bilen bardi-keldide bolush, Tekebburlar bilen haram mal bölüshkendin ewzeldur.
| טוב שפל רוח את עניים מחלק שלל את גאים׃ |
20 Kimki ishni pem-paraset bilen qilsa payda tapar; Perwerdigargha tayan’ghan bolsa, bext-saadet körer.
| משכיל על דבר ימצא טוב ובוטח ביהוה אשריו׃ |
21 Köngli dana kishi segek atilar; Yéqimliq sözler ademlerning bilimini ashurar.
| לחכם לב יקרא נבון ומתק שפתים יסיף לקח׃ |
22 Pem-paraset özige ige bolghanlargha hayatliqning buliqidur; Eqilsizlerge telim bermekning özi eqilsizliktur.
| מקור חיים שכל בעליו ומוסר אולים אולת׃ |
23 Aqilane kishining qelbi aghzidin eqil chiqirar; Uning lewzige bilimni ziyade qilar.
| לב חכם ישכיל פיהו ועל שפתיו יסיף לקח׃ |
24 Yéqimliq sözler goya heseldur; Köngüllerni xush qilip ten’ge dawadur.
| צוף דבש אמרי נעם מתוק לנפש ומרפא לעצם׃ |
25 Adem balisigha toghridek körünidighan bir yol bar, Lékin aqiwiti halaketke baridighan yollardur.
| יש דרך ישר לפני איש ואחריתה דרכי מות׃ |
26 Ishligüchining ishtiyi uni ishqa salar; Uning qarni uninggha heydekchilik qilar.
| נפש עמל עמלה לו כי אכף עליו פיהו׃ |
27 Muttehem kishi yaman gepni kolap yürer; Uning lewliri lawuldap turghan otqa oxshar.
| איש בליעל כרה רעה ועל שפתיו כאש צרבת׃ |
28 Egri adem jédel-majira tughdurghuchidur; Gheywetchi yéqin dostlarni ayriwéter.
| איש תהפכות ישלח מדון ונרגן מפריד אלוף׃ |
29 Zorawan kishi yéqin adimini azdurar; Uni yaman yolgha bashlap kirer.
| איש חמס יפתה רעהו והוליכו בדרך לא טוב׃ |
30 Közini yumuwalghan kishi yaman niyetni oylar; Léwini chishligen kishi yamanliqqa teyyardur.
| עצה עיניו לחשב תהפכות קרץ שפתיו כלה רעה׃ |
31 Heqqaniyet yolida aqarghan chach, Ademning shöhret tajidur.
| עטרת תפארת שיבה בדרך צדקה תמצא׃ |
32 Asan achchiqlimaydighan kishi palwandin ewzeldur; Özini tutuwalghan sheher alghandinmu üstündur.
| טוב ארך אפים מגבור ומשל ברוחו מלכד עיר׃ |
33 Chek étekke tashlan’ghini bilen, Lékin netijisi pütünley Perwerdigardindur.
| בחיק יוטל את הגורל ומיהוה כל משפטו׃ |
