Пәнд-несиһәтләр 25
1 Төвәндә баян қилинидиғанлириму Сулайманниң пәнд-несиһәтлири; буларни Йәһуданиң падишаси Һәзәкияниң ордисидикиләр көчүрүп хатирилигән: —
| גם אלה משלי שלמה אשר העתיקו אנשי חזקיה מלך יהודה׃ |
2 Пәрвәрдигарниң улуқлуғи — Өзиниң қилған ишини ашкарилимиғинида; Падишаһларниң улуқлуғи — бир ишниң сирини йешәлигинидә.
| כבד אלהים הסתר דבר וכבד מלכים חקר דבר׃ |
3 Әршниң егизлигини, Зиминниң чоңқурлуғини, Вә падишаларниң көңлидикини мөлчәрләп билгили болмас.
| שמים לרום וארץ לעמק ולב מלכים אין חקר׃ |
4 Авал күмүчниң поқи айрилип тавланса, Андин зәргәр нәпис бир қача ясап чиқар.
| הגו סיגים מכסף ויצא לצרף כלי׃ |
5 Авал падишаниң алдидики рәзил хизмәткарлири қоғливетилсә, Андин униң тәхти адаләт үстигә қурулар.
| הגו רשע לפני מלך ויכון בצדק כסאו׃ |
6 Падишаһниң алдида өзүңни һәмминиң алди қилип көрсәтмә, [Униң алдидики] әрбабларниң орнида турувалма;
| אל תתהדר לפני מלך ובמקום גדלים אל תעמד׃ |
7 Орнуңни өзүңдин жуқури җанабқа берип, униң алдида пәгаһқа чүшүрүлгиниңдин көрә, Өзгиләрниң сени төргә тәклип қилғини яхшидур.
| כי טוב אמר לך עלה הנה מהשפילך לפני נדיב אשר ראו עיניך׃ |
8 Алдирап дәваға бармиғин, Мабада берип, йеқиниң [үстүн чиқип] сени ләт қилса, қандақ қилисән?
| אל תצא לרב מהר פן מה תעשה באחריתה בהכלים אתך רעך׃ |
9 Йеқиниң билән муназириләшсәң, Башқиларниң сирини ачма.
| ריבך ריב את רעך וסוד אחר אל תגל׃ |
10 Болмиса, буни билгүчиләр сени әйипләйду, Сесиқ намдин қутулалмайсән.
| פן יחסדך שמע ודבתך לא תשוב׃ |
11 Вақти-җайида қилинған сөз, Күмүч рамкиларға тизилған алтун алмилардур.
| תפוחי זהב במשכיות כסף דבר דבר על אפניו׃ |
12 [Қулаққа] алтун һалқа, нәпис алтундин ясалған зиннәт буюми ярашқандәк, Ақиланиниң агаһландуруши көңүл қойғанниң қулиқиға яришар.
| נזם זהב וחלי כתם מוכיח חכם על אזן שמעת׃ |
13 Худди орма вақтидики томузда [ичкән] қар сүйидәк, Ишәшлик әлчи өзини әвәткүчиләргә шундақ болар; У ғоҗайинлириниң көкси-қарнини яшартар.
| כצנת שלג ביום קציר ציר נאמן לשלחיו ונפש אדניו ישיב׃ |
14 Ямғури йоқ булут-шамал, Ялған соғатни вәдә қилип махтанғучиға охшаштур.
| נשיאים ורוח וגשם אין איש מתהלל במתת שקר׃ |
15 Узунғичә сәвир-тақәт қилинса, һөкүмдарму қайил қилинар, Жумшақ тил сүйәкләрдинму өтәр.
| בארך אפים יפתה קצין ולשון רכה תשבר גרם׃ |
16 Сән һәсәл тепивалдиңму? Уни пәқәт тойғучила йә, Көп йесәң яндуруветисән.
| דבש מצאת אכל דיך פן תשבענו והקאתו׃ |
17 Хошнаңниң босуғисиға аз дәссә, Улар сәндин тоюп, өч болуп қалмисун.
| הקר רגלך מבית רעך פן ישבעך ושנאך׃ |
18 Ялған гувалиқ билән йеқиниға қара чаплиғучи, Худди гүрзә, қилич вә өткүр оққа охшаштур.
| מפיץ וחרב וחץ שנון איש ענה ברעהו עד שקר׃ |
19 Сунуқ чиш билән чайнаш, Токур пут [билән меңиш], Күлпәт күнидә вапасиз кишигә үмүт бағлиғандәктур.
| שן רעה ורגל מועדת מבטח בוגד ביום צרה׃ |
20 Қиш күнидә кишиләрниң кийимини салдуруветиш, Яки суда үстигә аччиқ су қуюш, Қайғулуқ кишиниң алдида нахша ейтқандәктур.
| מעדה בגד ביום קרה חמץ על נתר ושר בשרים על לב רע׃ |
21 Дүшминиңниң қосиғи ач болса, Нан бәр; Уссиған болса су бәр;
| אם רעב שנאך האכלהו לחם ואם צמא השקהו מים׃ |
22 Шундақ қилсаң, бешиға көмүр чоғини топлап салған болисән, Вә Пәрвәрдигар бу ишни саңа яндуриду.
| כי גחלים אתה חתה על ראשו ויהוה ישלם לך׃ |
23 Шимал тәрәптин чиққан шамал қаттиқ ямғур елип кәлгәндәк, Чеқимчи шум чирайни кәлтүрәр.
| רוח צפון תחולל גשם ופנים נזעמים לשון סתר׃ |
24 Соқушқақ хотун билән [азадә] өйдә биллә турғандин көрә, Өгүзниң бир булуңида [ялғуз] йетип-қопқан яхши.
| טוב שבת על פנת גג מאשת מדונים ובית חבר׃ |
25 Уссап кәткән кишигә муздәк су берилгәндәк, Жирақ жуттин кәлгән хуш хәвәрму әнә шундақ болар.
| מים קרים על נפש עיפה ושמועה טובה מארץ מרחק׃ |
26 Петиқдилип сүйи лейип кәткән булақ, Сүйи булғиветилгән қудуқ, Рәзилләргә йол қойған һәққаний адәмгә охшаштур.
| מעין נרפש ומקור משחת צדיק מט לפני רשע׃ |
27 Һәсәлни һәддидин зиядә йейиш яхши болмас; Бирақ улуқлуқни издәшниң өзи улуқ иштур.
| אכל דבש הרבות לא טוב וחקר כבדם כבוד׃ |
28 Өзини туталмайдиған киши, Вәйран болған, сепилсиз қалған шәһәргә охшайду.
| עיר פרוצה אין חומה איש אשר אין מעצר לרוחו׃ |
