Пәнд-несиһәтләр 18
1 Көпчиликтин айрилип ялғуз жүргән киши һаман өз нәпсигә чоғ тартар; Һәр қандақ чин һекмәткә һаман җан-җәһли билән қарши чиқар.
与众寡合的，独自寻求心愿， 并恼恨一切真智慧。
2 Ахмақ йорутулушқа қизиқмас; Қизиқидиғини пәқәт өз ойлиғанлирини көрситишла, халас.
愚昧人不喜爱明哲， 只喜爱显露心意。
3 Яман киши кәлсә, нәпрәтму пәйда болар; Номуссиз иш иза-аһанәттин айрилмас.
恶人来，藐视随来； 羞耻到，辱骂同到。
4 Адәмниң сөзлири чоңқур суларға охшар; Даналиқ булиқи ериқ сүйидәк өркәшләп ақар.
人口中的言语如同深水； 智慧的泉源好像涌流的河水。
5 Яманға ян бесишқа, Сорақта һәққанийға увал қилишқа қәтъий болмас.
瞻徇恶人的情面， 偏断义人的案件，都为不善。
6 Ахмақниң ләвлири уни җедәлгә башлар; Униң ағзи «Мени думбала» дәп тәклип қилар.
愚昧人张嘴启争端， 开口招鞭打。
7 Ахмақниң ағзи өз бешиға һалакәттур; Униң ләвлири өз җениға қапқандур.
愚昧人的口自取败坏； 他的嘴是他生命的网罗。
8 Ғәйвәтхорниң сөзлири һәр хил назу-немәтләрдәк, Кишиниң қәлбигә чоңқур сиңдүрүләр.
传舌人的言语如同美食， 深入人的心腹。
9 Ишида һорун болған кишиму, Бузғунчи билән үлпәтдаш болиду.
做工懈怠的， 与浪费人为弟兄。
10 Пәрвәрдигарниң нами мәзмут мунардур; Һәққанийлар униң ичигә жүгүрүп кирип жуқурида аман болар.
耶和华的名是坚固台； 义人奔入便得安稳。
11 Бай адәм мал-дуниясини «мустәһкәм шәһирим» дәп биләр; Нәзиридә өзини сақлайдиған егиз сепилдәк турар.
富足人的财物是他的坚城， 在他心想，犹如高墙。
12 Битчит болуштин авал, көңүлгә тәкәббурлуқ келәр; Авал кәмтәрлик болса, андин шөһрәт келәр.
败坏之先，人心骄傲； 尊荣以前，必有谦卑。
13 Сөзни аңлимай туруп, алдирап җавап бәргән, Ахмақлиғини көрситип өзини хиҗаләттә қалдурур.
未曾听完先回答的， 便是他的愚昧和羞辱。
14 Тәндики ағриқ азавиға адәмниң өз роһи бәрдашлиқ бәргүзәр; Бирақ роһи сунған болса уни ким көтирәр?
人有疾病，心能忍耐； 心灵忧伤，谁能承当呢？
15 Йорутулғанниң қәлби билимгә еришмәктә, Ақиланиниң қулақлири билимни издимәктә.
聪明人的心得知识； 智慧人的耳求知识。
16 Соғат өз егисигә ишикни дағдам ечип берәр; Уни чоң әрбаблар алдиға йәткүзәр.
人的礼物为他开路， 引他到高位的人面前。
17 Дәва қилғанда, авал сөзлигүчиниң сөзлири орунлуқ көрүнәр; Лекин қарши тәрәп соал қоюп ишни сүрүштүрәр.
先诉情由的，似乎有理； 但邻舍来到，就察出实情。
18 Чәк ташлаш җедәлләрни түгитәр; Ғоҗиларниң арисидики ишниму һәл қилар.
掣签能止息争竞， 也能解散强胜的人。
19 Рәнҗигән қериндашниң көңлини елиш мустәһкәм шәһәрни елиштинму тәс; Җедәл-маҗира қорғанниң тақақ-балдақлириға охшаштур.
弟兄结怨，劝他和好，比取坚固城还难； 这样的争竞如同坚寨的门闩。
20 Адәм [дурус] сөзлигәнлигидин қосиғи тоқ болар; Өз көңлидин чиққан сөзлиридин мол һосул алар.
人口中所结的果子，必充满肚腹； 他嘴所出的，必使他饱足。
21 Һаят-мамат тилниң илкидидур; Кимки униң тәсирини әтиварлиса униң мевисидин йәр.
生死在舌头的权下， 喜爱它的，必吃它所结的果子。
22 Хотунни таллап алған киши яхшилиқ тапиду, У Пәрвәрдигарниң мәрһимитигә еришкән болиду.
得着贤妻的，是得着好处， 也是蒙了耶和华的恩惠。
23 Мискинләр пәс авазда йелинип сөзләр; Бай болса қопаллиқ билән җавап берәр.
贫穷人说哀求的话； 富足人用威吓的话回答。
24 Достни көп тутқан киши харап болар; Лекин қериндаштинму йеқин бағланған бир дост бардур.
滥交朋友的，自取败坏； 但有一朋友比弟兄更亲密。
