Пәнд-несиһәтләр 16
1 Көңүлдики нийәтләр инсанға тәвәдур; Бирақ тилниң җавави Пәрвәрдигарниң илкидидур.
| לאדם מערכי לב ומיהוה מענה לשון׃ |
2 Инсан өзиниң һәммә қилған ишини пак дәп биләр; Лекин қәлбдики нийәтләрни Пәрвәрдигар таразиға селип тартип көрәр.
| כל דרכי איש זך בעיניו ותכן רוחות יהוה׃ |
3 Нийәт қилған ишлириңни Пәрвәрдигарға тапшурғин, Шундақ қилғанда планлириң пишип чиқар.
| גל אל יהוה מעשיך ויכנו מחשבתיך׃ |
4 Пәрвәрдигар барлиқ мәвҗудийәтниң һәр бирини мәлум мәхсәт билән апиридә қилған; Һәтта яманларниму балаю-апәт күни үчүн яратқандур.
| כל פעל יהוה למענהו וגם רשע ליום רעה׃ |
5 Тәкәббурлуққа толған көңүлләрниң һәр бири Пәрвәрдигарға жиркиничликтур; Қол тутушуп бирләшсиму, җазасиз қалмас.
| תועבת יהוה כל גבה לב יד ליד לא ינקה׃ |
6 Муһәббәт-шәпқәт вә һәқиқәт билән гуналар кафарәт қилинип йепилар; Пәрвәрдигардин әйминиш адәмләрни яманлиқтин халий қилар.
| בחסד ואמת יכפר עון וביראת יהוה סור מרע׃ |
7 Адәмниң ишлири Пәрвәрдигарни хурсән қилса, У һәтта дүшмәнлириниму униң билән енақлаштурар.
| ברצות יהוה דרכי איש גם אויביו ישלם אתו׃ |
8 Һалал алған аз, Һарам алған көптин әвзәлдур.
| טוב מעט בצדקה מרב תבואות בלא משפט׃ |
9 Инсан көңлидә өз йолини тохтитар; Амма қәдәмлирини тоғрилайдиған Пәрвәрдигардур.
| לב אדם יחשב דרכו ויהוה יכין צעדו׃ |
10 Һәтта падишаниң ләвлиригә қаритип әпсун оқулсиму, Униң ағзи тоғра һөкүмдин чәтнимәс.
| קסם על שפתי מלך במשפט לא ימעל פיו׃ |
11 Адил тараза-мизанлар Пәрвәрдигарға хастур; Тараза ташлириниң һәммисини У ясиғандур.
| פלס ומאזני משפט ליהוה מעשהו כל אבני כיס׃ |
12 Падиша рәзиллик қилса жиркиничликтур, Чүнки тәхт һәққанийәт биләнла мәһкәм турар.
| תועבת מלכים עשות רשע כי בצדקה יכון כסא׃ |
13 Һәққаний сөзлигән ләвләр падишаларниң хурсәнлигидур; Улар дурус сөзлигүчиләрни яхши көрәр.
| רצון מלכים שפתי צדק ודבר ישרים יאהב׃ |
14 Падишаһниң қәһри гоя өлүмниң әлчисидур; Бирақ дана киши [униң ғәзивини] тиничландурар.
| חמת מלך מלאכי מות ואיש חכם יכפרנה׃ |
15 Падишаһниң чирайиниң нури кишигә җан киргүзәр; Униң шәпқити вақтида яққан «кейинки ямғур»дур.
| באור פני מלך חיים ורצונו כעב מלקוש׃ |
16 Даналиқ елиш алтун елиштин нәқәдәр әвзәлдур; Йорутулушни таллаш күмүчни таллаштин шунчә үстүндур!
| קנה חכמה מה טוב מחרוץ וקנות בינה נבחר מכסף׃ |
17 Дурус адәмниң егиз көтирилгән йоли яманлиқтин айрилиштур; Өз йолиға еһтият қилған киши җенини сақлап қалар.
| מסלת ישרים סור מרע שמר נפשו נצר דרכו׃ |
18 Мәғрурлуқ һалак болуштин авал келәр, Тәкәббурлуқ жиқилиштин авал келәр.
| לפני שבר גאון ולפני כשלון גבה רוח׃ |
19 Кәмтәр болуп мискинләр билән барди-кәлдидә болуш, Тәкәббурлар билән һарам мал бөлүшкәндин әвзәлдур.
| טוב שפל רוח את עניים מחלק שלל את גאים׃ |
20 Кимки ишни пәм-парасәт билән қилса пайда тапар; Пәрвәрдигарға таянған болса, бәхит-саадәт көрәр.
| משכיל על דבר ימצא טוב ובוטח ביהוה אשריו׃ |
21 Көңли дана киши сәгәк атилар; Йеқимлиқ сөзләр адәмләрниң билимини ашурар.
| לחכם לב יקרא נבון ומתק שפתים יסיף לקח׃ |
22 Пәм-парасәт өзигә егә болғанларға һаятлиқниң булиқидур; Әқилсизләргә тәлим бәрмәкниң өзи әқилсизликтур.
| מקור חיים שכל בעליו ומוסר אולים אולת׃ |
23 Ақиланә кишиниң қәлби ағзидин әқил чиқирар; Униң ләвзигә билимни зиядә қилар.
| לב חכם ישכיל פיהו ועל שפתיו יסיף לקח׃ |
24 Йеқимлиқ сөзләр гоя һәсәлдур; Көңүлләрни хуш қилип тәнгә давадур.
| צוף דבש אמרי נעם מתוק לנפש ומרפא לעצם׃ |
25 Адәм балисиға тоғридәк көрүнидиған бир йол бар, Лекин ақивити һалакәткә баридиған йоллардур.
| יש דרך ישר לפני איש ואחריתה דרכי מות׃ |
26 Ишлигүчиниң иштийи уни ишқа салар; Униң қарни униңға һайдакчилик қилар.
| נפש עמל עמלה לו כי אכף עליו פיהו׃ |
27 Муттәһәм киши яман гәпни колап жүрәр; Униң ләвлири лавулдап турған отқа охшар.
| איש בליעל כרה רעה ועל שפתיו כאש צרבת׃ |
28 Әгир адәм җедәл-маҗира туғдурғучидур; Ғәйвәтчи йеқин достларни айриветәр.
| איש תהפכות ישלח מדון ונרגן מפריד אלוף׃ |
29 Зораван киши йеқин адимини аздурар; Уни яман йолға башлап кирәр.
| איש חמס יפתה רעהו והוליכו בדרך לא טוב׃ |
30 Көзини жумувалған киши яман нийәтни ойлар; Левини чишлигән киши яманлиққа тәйярдур.
| עצה עיניו לחשב תהפכות קרץ שפתיו כלה רעה׃ |
31 Һәққанийәт йолида ақарған чач, Адәмниң шөһрәт таҗидур.
| עטרת תפארת שיבה בדרך צדקה תמצא׃ |
32 Асан аччиқлимайдиған киши палвандин әвзәлдур; Өзини тутувалған шәһәр алғандинму үстүндур.
| טוב ארך אפים מגבור ומשל ברוחו מלכד עיר׃ |
33 Чәк етәккә ташланғини билән, Лекин нәтиҗиси пүтүнләй Пәрвәрдигардиндур.
| בחיק יוטל את הגורל ומיהוה כל משפטו׃ |
