Пәнд-несиһәтләр 11
1 Ялған тараза Пәрвәрдигарға жиркиничликтур; Адил җиң теши Уни хурсән қилар.
| מאזני מרמה תועבת יהוה ואבן שלמה רצונו |
2 Тәкәббурлуқ билән биргә шәрмәндичилик әгишип келәр; Лекин даналиқ кичик пеилларға һәмраһ болар.
| בא-זדון ויבא קלון ואת-צנועים חכמה |
3 Тоғриларниң сәмимийлиги өзини йетәкләр; Лекин каззапларниң әгирлиги өзини вәйран қилар.
| תמת ישרים תנחם וסלף בגדים ושדם (ישדם) |
4 Худаниң ғәзәп күнидә мал-дунияниң пайдиси болмас; Лекин һәққанийәт адәмни өлүмдин қутқузар.
| לא-יועיל הון ביום עברה וצדקה תציל ממות |
5 Камил адәмниң һәққанийлиғи өзини түз йолға башлар; Яман адәм өз яманлиғидин жиқилар.
| צדקת תמים תישר דרכו וברשעתו יפל רשע |
6 Дурус адәмләрниң һәққанийлиғи өзлирини қутқузар; Лекин каззаплар өз һейлә-нәйриңидин тутулар.
| צדקת ישרים תצילם ובהות בגדים ילכדו |
7 Рәзил адәм өлсә, униң үмүти йоққа чиқар; Гунакарниң үмүти ахири қуруқ қалар.
| במות אדם רשע תאבד תקוה ותוחלת אונים אבדה |
8 Һәққаний адәм қийинчилиқтин халий қилинар; Рәзил адәм униң орниға тутулар.
| צדיק מצרה נחלץ ויבא רשע תחתיו |
9 Мунапиқлар өз ағзи билән йеқинини бузар; Лекин һәққанийлар билими билән қутқузулар.
| בפה--חנף ישחת רעהו ובדעת צדיקים יחלצו |
10 Һәққаний адәм ронақ тапса, шәһәр хуш болар; Рәзил адәм һалак болса, хәлиқ тәнтәнә қилар.
| בטוב צדיקים תעלץ קריה ובאבד רשעים רנה |
11 Тоғриларниң бәрикәт тиләшлири билән шәһәр гүллинәр; Лекин рәзилләрниң тили билән вәйран болар.
| בברכת ישרים תרום קרת ובפי רשעים תהרס |
12 Өз йеқинини сөкидиған киши — әқилсиздур; Амма йорутулған адәм ағзини жиғар.
| בז-לרעהו חסר-לב ואיש תבונות יחריש |
13 Гәп тошуғучи мәхпийәтләрни ашкарилар; Садиқ адәм аманәткә хиянәт қилмас.
| הולך רכיל מגלה-סוד ונאמן-רוח מכסה דבר |
14 Йолйоруқ кам болса, әл-жут жиқилар; Улуқ бир мәслиһәтчи болса, әл ниҗат тапар.
| באין תחבלות יפל-עם ותשועה ברב יועץ |
15 Ятқа борун болған киши зиян тартмай қалмас; Қол беришип кепил болушни яман көргән кишиниң қулиқи тинич болар.
| רע-ירוע כי-ערב זר ושנא תקעים בוטח |
16 Шапаәтлик аял иззәт-һөрмәтни қолдин бәрмәс; Зораванлар байлиқни қолдин бәрмәс.
| אשת-חן תתמך כבוד ועריצים יתמכו-עשר |
17 Рәһимдил өз-өзигә бәхит яритар; Рәһимсиз өз тенини ағритар.
| גמל נפשו איש חסד ועכר שארו אכזרי |
18 Яман адәмләрниң алған иш һәққи уларни алдар, бәрикәтсиз болар; Амма һәққанийәт териғучи адәм әмәлий инъам алар.
| רשע--עשה פעלת-שקר וזרע צדקה שכר אמת |
19 Һәққанийәт адәмгә һаятлиқ тапқузар; Яманлиқни көзләп жүридиған киши өлүмгә йүз тутар.
| כן-צדקה לחיים ומרדף רעה למותו |
20 Нийити бузуқ киши Пәрвәрдигарға жиркиничликтур; Амма йоли диянәтлик кишиләр униң хурсәнлигидур.
| תועבת יהוה עקשי-לב ורצונו תמימי דרך |
21 Қол тутушуп бирләшсиму, яманлар җазаға тартилмай қалмас; Лекин һәққанийларниң нәсли ниҗат тапар.
| יד ליד לא-ינקה רע וזרע צדיקים נמלט |
22 Чирайлиқ амма тетиқсиз хотун, Чошқиниң тумшуғиға алтун һалқа салғандәктур.
| נזם זהב באף חזיר-- אשה יפה וסרת טעם |
23 Һәққанийларниң арзуси пәқәт яхши мевә елип келәр; Яманларниң күткини ғәзәп-нәпрәттур.
| תאות צדיקים אך-טוב תקות רשעים עברה |
24 Бирәв мәртләрчә тарқатсиму, гүллинәр; Йәнә бирәв беришкә тегишлигини айисиму, пәқәт намратлишар.
| יש מפזר ונוסף עוד וחשך מישר אך-למחסור |
25 Мәрт адәм әтлинәр; Башқиларни суғарғучи өзиму суғирилар.
| נפש-ברכה תדשן ומרוה גם-הוא יורא |
26 Ашлиқни сатмай бесивалған киши әлниң ләнитигә учрайду; Лекин ашлиқни сетип бәргүчигә бәрикәт тилинәр.
| מנע בר יקבהו לאום וברכה לראש משביר |
27 Яхшилиқни издәп интилгән адәм шапаәт тапар; Яманлиқни издигән адәм өзи яманлиқ көрәр.
| שחר טוב יבקש רצון ודרש רעה תבואנו |
28 Өз мал-дуниясиға таянғучи жиқилар; Һәққаний киши йопурмақтәк көкирәр.
| בוטח בעשרו הוא יפול וכעלה צדיקים יפרחו |
29 Өз өйигә азарчилиқ салған киши шамалға мирас болар; Әқилсиз адәм ақиланиниң қули болуп қалар.
| עכר ביתו ינחל-רוח ועבד אויל לחכם-לב |
30 Һәққанийниң беридиған мевиси «һаятлиқ дәриғи»дур; Дана киши көңүлләрни [һаятлиққа] майил қилар.
| פרי-צדיק עץ חיים ולקח נפשות חכם |
31 Қараңлар, һәққаний адәм бу дунияда [сәһвәнлиги үчүн] бәдәл төлигән йәрдә, Рәзилләр билән гунакарларниң ақивити қандақ болар?
| הן צדיק בארץ ישלם אף כי-רשע וחוטא |
