Йәшая 29
1 Ариәлгә, Давут өз макани қилған Ариәлгә вай! Йәнә бир жил жилларға қошулсун, Һейт-байрамлар йәнә айлинип кәлсун;
唉！亞利伊勒，亞利伊勒， 大衛安營的城， 任憑你年上加年， 節期照常周流。
2 Бирақ Мән дәрд-әләмни Ариәлгә кәлтүримән; Дад-пәрядлар көтирилип аңлиниду; У Маңа һәқиқәтән бир «Ариәл» болиду.
我終必使亞利伊勒困難； 她必悲傷哀號， 我卻仍以她為亞利伊勒。
3 Чүнки Мән сени қапсап чедирлар тиктүрүп, Сени қамал қилип муһасирә истиһкамлирини салимән, Потәйлири билән сени қоршивалимән.
我必四圍安營攻擊你， 屯兵圍困你， 築壘攻擊你。
4 Шуниң билән пәс қилинисән, Сән йәр тегидин сөзләйдиған, Гәплириң пәстин, йәни топа-чаңдин келидиған, Авазиң әрваһларни чақирғучиниңкидәк йәр тегидин чиқиду, Сөзлириң топа-чаңдин шивирлап чиққандәк болиду;
你必敗落，從地中說話； 你的言語必微細出於塵埃。 你的聲音必像那交鬼者的聲音出於地； 你的言語低低微微出於塵埃。
5 Шу чағда дүшмәнлириңниң топи худди юмшақ топа-чаңлардәк, Явузларниң топи шамал учуруп ташлайдиған топандәк тозуп кетиду. Бу иш бирдинла, туюқсиз болиду!
你仇敵的群眾，卻要像細塵； 強暴人的群眾，也要像飛糠。 這事必頃刻之間忽然臨到。
6 Әнди самави қошунларниң Сәрдари болған Пәрвәрдигар сениң йениңға келиду; Гүлдүрмама, йәр тәврәш, күчлүк шавқун, қуюнтаз, боран вә жутувалғучи от ялқунлар билән сәндин һесап алиду.
萬軍之耶和華必用雷轟、地震、大聲、旋風、暴風， 並吞滅的火焰，向她討罪。
7 Шундақ қилип Ариәлгә қарши җәң қилидиған, Йәни униңға вә қәлъә-қорғанлиқ мудапиәләргә җәң қиливатқан барлиқ әлләрниң нурғунлиған қошунлири кечиси көргән чүштики көрүнүштәк йоқап кетиду.
那時，攻擊亞利伊勒列國的群眾， 就是一切攻擊亞利伊勒和她的保障， 並使她困難的， 必如夢景，如夜間的異象；
8 Ач қалған бириси чүш көргәндә, Чүшидә бир немә йәйду; Бирақ ойғанса, мана қосиғи қуруқ туриду; Чаңқиған бириси чүш көргәндә, Чүшидә су ичиду; Бирақ ойғанса, мана у һалидин кетиду, У йәнила уссузлуққа тәшна болиду; Мана Зион теғиға қарши җәң қиливатқан әлләрниң нурғунлиған қошунлири дәл шундақ болиду.
又必像飢餓的人夢中吃飯， 醒了仍覺腹空； 或像口渴的人夢中喝水， 醒了仍覺發昏，心裏想喝。 攻擊錫安山列國的群眾也必如此。
9 Әнди арисалди боливерип, Қаймуқуп кетиңлар! Өзүңларни қариғу қилип, қариғу болуңлар! Улар мәс болди, бирақ шараптин әмәс! Улар иләңлишип қалди, бирақ һарақтин әмәс!
你們等候驚奇吧！ 你們宴樂昏迷吧！ 他們醉了，卻非因酒； 他們東倒西歪，卻非因濃酒。
10 Чүнки Пәрвәрдигар силәргә ғәпләт уйқиси басқучи бир роһни төкүп, Көзүңларни етивәтти; У пәйғәмбәрләр вә баш-көзүңлар болған алдин көргүчиләрниму чүмкивәтти.
因為耶和華將沉睡的靈澆灌你們， 封閉你們的眼， 蒙蓋你們的頭。 你們的眼就是先知； 你們的頭就是先見。
11 Мошу көргән пүткүл вәһий болса, силәр үчүн печәтливетилгән бир йөгимә китапдәк болуп қалди; Хәқ китапни саватлиқ бирисигә берип: — «Оқуп беришиңизни өтүнимән» — десә, у: — «Оқуялмаймән, чүнки печити бар екән» — дәйду.
所有的默示，你們看如封住的書卷，人將這書卷交給識字的，說：「請念吧！」他說：「我不能念，因為是封住了。」
12 Китап саватсиз бирисигә берилип: — «Оқуп беришиңизни өтүнимән» — дейилсә, у: — «Мән саватсиз» — дәйду.
又將這書卷交給不識字的人，說：「請念吧！」他說：「我不識字。」
13 Вә Рәб мундақ дәйду: — «Мошу хәлиқ ағзи билән Маңа йеқинлашқанда, Тили билән Мени һөрмәтлигәндә, Бирақ қәлби болса Мәндин жирақ турғачқа, Мәндин болған қорқуши болса, пәқәт инсан балисиниң пәтивалиридинла болиду, халас;
主說：因為這百姓親近我， 用嘴唇尊敬我， 心卻遠離我； 他們敬畏我， 不過是領受人的吩咐。
14 Шуңа мана, Мән мошу хәлиқ арисида йәнә бир карамәт көрситимән; Карамәт бир ишни карамәт билән қилимән; Шуниң билән уларниң данишмәнлириниң даналиғи йоқилиду; Уларниң ақиллириниң әқиллири йошурунувалған болиду».
所以，我在這百姓中要行奇妙的事， 就是奇妙又奇妙的事。 他們智慧人的智慧必然消滅， 聰明人的聰明必然隱藏。
15 Өзиниң пүккән нийәтлирини Пәрвәрдигардин йошуруш үчүн астин йәргә киривалған, Өз ишлирини қараңғулуқта қилидиған, Вә «Бизни ким көриду» вә «Ким бизни билгән» дегәнләргә вай!
禍哉！那些向耶和華深藏謀略的， 又在暗中行事，說： 誰看見我們呢？ 誰知道我們呢？
16 Аһ, силәрниң тәтүрлүгүңлар! Сапалчини сеғиз лайға охшатқили боламду? Шундақла иш өзини Ишлигүчигә: «У мени ишлимигән», Яки шәкилләндүрүлгән өзини Шәкилләндүргүчигә: «Униң әқли йоқ» десә боламду?!
你們把事顛倒了， 豈可看窯匠如泥嗎？ 被製作的物豈可論製作物的說： 他沒有製作我？ 或是被創造的物論造物的說： 他沒有聰明？
17 Чүнки қисқа вақит ичидила, Ливан мевилик бағға айландурулмамду? Мевилик бағ болса орман һесапланмамду?
黎巴嫩變為肥田， 肥田看如樹林， 不是只有一點點時候嗎？
18 Шу күнидә гаслар шу йөгимә китапниң сөзлирини аңлайдиған, Қариғулар зулмәт һәм қараңғулуқтин чиқип көзлири көридиған болиду;
那時，聾子必聽見這書上的話； 瞎子的眼必從迷矇黑暗中得以看見。
19 Мөминләр болса Пәрвәрдигардин техиму хурсән болиду; Инсанлар арисидики мискинләр Исраилдики Муқәддәс Болғучидин шатлиниду.
謙卑人必因耶和華增添歡喜； 人間貧窮的必因以色列的聖者快樂。
20 Рәһимсиз болғучи йоқайду, Мазақ қилғучи ғайип болиду; Қәбиһлик пурситини күтидиғанларниң һәммиси һалак қилиниду;
因為，強暴人已歸無有， 褻慢人已經滅絕， 一切找機會作孽的都被剪除。
21 Мана [мошундақ адәмләр] адәмни бир сөз үчүнла җинайәтчи қилиду, Дәрвазида туруп рәзилликкә тәнбиһ бәргүчи үчүн қапқан тәйярлап қойиду, Һәққаний адәмниң дәвасини сәвәпсиз бекар қиливетиду.
他們在爭訟的事上定無罪的為有罪， 為城門口責備人的設下網羅， 用虛無的事屈枉義人。
22 Шуңа Ибраһим үчүн бәдәл төләп қутқузған Пәрвәрдигар Яқупниң җәмәти тоғрилиқ мундақ дәйду: — «Һазир болса Яқуп хиҗиллиққа қалмайду, Һазир болса у тит-тит болуп чирайи татирип кәтмәйду;
所以，救贖亞伯拉罕的耶和華 論雅各家如此說： 雅各必不再羞愧， 面容也不致變色。
23 Чүнки [Яқуп] қолумниң ишлигән әмили болған, өз арисида турған әвлатлирини көргән вақтида, Улар намимни муқәддәс дәп улуқлайдиған, Яқупниң Муқәддәс Болғучисини пак-муқәддәс дәп билидиған, Исраилниң Худасидин қорқидиған болиду.
但他看見他的眾子， 就是我手的工作在他那裏， 他們必尊我的名為聖， 必尊雅各的聖者為聖， 必敬畏以色列的上帝。
24 Роһи езип кәткәнләр йорутулидиған, Қақшап жүргәнләр несиһәт-билим қобул қилидиған болиду.
心中迷糊的必得明白； 發怨言的必受訓誨。
