زەبۇر 114

1 ئىسرائىل مىسىردىن، ياقۇپ جەمەتى يات تىللىق ئەللەردىن چىققاندا،

Исраил Мисирдин, Яқуп җәмәти ят тиллиқ әлләрдин чиққанда,

2 شۇ چاغدا يەھۇدا [خۇدانىڭ] مۇقەددەس جايى، ئىسرائىل ئۇنىڭ سەلتىنىتى بولدى،

Шу чағда Йәһуда [Худаниң] муқәддәс җайи, Исраил униң сәлтинити болди,

3 دېڭىز بۇنى كۆرۈپ بەدەر قاچتى، ئىئوردان دەرياسى كەينىگە ياندى؛

Деңиз буни көрүп бәдәр қачти, Иордан дәрияси кәйнигә янди;

4 تاغلار قوچقارلاردەك، دۆڭلەر قوزىلاردەك ئويناقلىدى.

Тағлар қочқарлардәк, Дөңләр қозилардәк ойнақлиди.

5 ئەي دېڭىز، سەن نېمە بولدۇڭ، قاچقىلى؟ ئىئوردان دەرياسى، يولۇڭدىن يانغىلى؟

Әй деңиз, сән немә болдуң, қачқили? Иордан дәрияси, йолуңдин янғили?

6 تاغلار قوچقارلاردەك، دۆڭلەر قوزىلاردەك ئويناقلىغىلى؟

Тағлар қочқарлардәк, Дөңләр қозилардәк ойнақлиғили?

7 ئى يەر يۈزى، رەبنىڭ جامالىدىن، ياقۇپنىڭ خۇداسىنىڭ جامالىدىن تەۋرەن؛

И йәр йүзи, Рәбниң җамалидин, Яқупниң Худасиниң җамалидин тәврән;

8 ئۇ قورام تاشنى كۆلچەككە، چاقماق تېشىنى مول بۇلاق سۇلىرىغا ئايلاندۇرىدۇ.

У қорам ташни көлчәккә, Чақмақ тешини мол булақ сулириға айландуриду.