Nnwom 34
1 Dawid dwom a ɔtoeɛ ɛberɛ a ɔboa pa danee ɔbɔdamfoɔ wɔ Abimelek anim no na ɔpanin no gyaee no ma ɔkɔeɛ no akyi. Mede aseda bɛma Awurade berɛ nyinaa; nʼayɛyie wɔ mʼanom daa.
| לדוד בשנותו את טעמו לפני אבימלך ויגרשהו וילך אברכה את יהוה בכל עת תמיד תהלתו בפי׃ |
2 Me kra bɛhoahoa ne ho wɔ Awurade mu; ma amanehunufoɔ nte na wɔn nni ahurisie.
| ביהוה תתהלל נפשי ישמעו ענוים וישמחו׃ |
3 Mo ne me nkamfo Awurade; momma yɛmmɔ mu nkamfo ne din!
| גדלו ליהוה אתי ונרוממה שמו יחדו׃ |
4 Mefrɛɛ Awurade na ɔgyee me so; na ɔyii me firii mʼakomatuo nyinaa mu.
| דרשתי את יהוה וענני ומכל מגורותי הצילני׃ |
5 Wɔn a wɔhwɛ nʼanim no hyerɛn na wɔn anim rengu ase da.
| הביטו אליו ונהרו ופניהם אל יחפרו׃ |
6 Ohiani yi frɛeɛ, na Awurade tiee no; na ɔgyee no firii nʼahohia nyinaa mu.
| זה עני קרא ויהוה שמע ומכל צרותיו הושיעו׃ |
7 Awurade ɔbɔfoɔ wɛn wɔn a wɔsuro no, na ɔgye wɔn.
| חנה מלאך יהוה סביב ליראיו ויחלצם׃ |
8 Monka nhwɛ na monhunu sɛ Awurade yɛ. Nhyira ne onipa a ɔhinta wɔ ne mu.
| טעמו וראו כי טוב יהוה אשרי הגבר יחסה בו׃ |
9 Monsuro Awurade, mo a moyɛ nʼahotefoɔ, na wɔn a wɔsuro noɔ no nhia hwee.
| יראו את יהוה קדשיו כי אין מחסור ליראיו׃ |
10 Agyata yɛ mmrɛ na ɛkɔm de wɔn, nanso wɔn a wɔhwehwɛ Awurade no, adepa biara remmɔ wɔn.
| כפירים רשו ורעבו ודרשי יהוה לא יחסרו כל טוב׃ |
11 Mommra, me mma, monyɛ aso mma me; mɛkyerɛkyerɛ mo Awurade ho suro.
| לכו בנים שמעו לי יראת יהוה אלמדכם׃ |
12 Mo mu hwan na ɔpɛ nkwa na ɔpɛ sɛ ɔhunu nna papa bebree?
| מי האיש החפץ חיים אהב ימים לראות טוב׃ |
13 Ɛnneɛ ɛnsɛ sɛ ɔka kasa bɔne, na ɛsɛ sɛ ɔgyae atorɔtwa.
| נצר לשונך מרע ושפתיך מדבר מרמה׃ |
14 Twe wo ho firi bɔne ho, na yɛ papa; hwehwɛ asomdwoeɛ na ti no.
| סור מרע ועשה טוב בקש שלום ורדפהו׃ |
15 Awurade ani wɔ ateneneefoɔ so na ɔtie wɔn mpaeɛbɔ;
| עיני יהוה אל צדיקים ואזניו אל שועתם׃ |
16 Awurade ani sa wɔn a wɔyɛ bɔne, sɛ ɔbɛyi wɔn nkaeɛ afiri asase yi so.
| פני יהוה בעשי רע להכרית מארץ זכרם׃ |
17 Ateneneefoɔ team su, na Awurade tie wɔn; ɔyi wɔn firi wɔn haw nyinaa mu.
| צעקו ויהוה שמע ומכל צרותם הצילם׃ |
18 Awurade bɛn wɔn a wɔapa aba na ɔgye wɔn a wɔadwerɛ wɔn wɔ honhom mu no nkwa.
| קרוב יהוה לנשברי לב ואת דכאי רוח יושיע׃ |
19 Onipa tenenee bɛhunu amaneɛ bebree nanso Awurade gye no firi ne nyinaa mu;
| רבות רעות צדיק ומכלם יצילנו יהוה׃ |
20 ɔbɔ ne nnompe nyinaa ho ban, sɛdeɛ emu baako mpo mmu.
| שמר כל עצמותיו אחת מהנה לא נשברה׃ |
21 Bɔne bɛkum ɔdebɔneyɛfoɔ; ɔteneneeni atamfoɔ bɛnya afɔbuo.
| תמותת רשע רעה ושנאי צדיק יאשמו׃ |
22 Awurade gye nʼasomfoɔ nkwa; wɔn a wɔdwane toa noɔ no mu biara renkɔ afɔbuo mu.
| פודה יהוה נפש עבדיו ולא יאשמו כל החסים בו׃ |
