Nnwom 147
1 Monkamfo Awurade. Ɛyɛ sɛ wɔto ayɛyie dwom ma yɛn Onyankopɔn, ɛyɛ fɛ na ɛfata sɛ wɔkamfo no!
| הללו-יה כי-טוב זמרה אלהינו-- כי-נעים נאוה תהלה |
2 Awurade kyekyere Yerusalem; Ɔboaboa Israel nnommumfoɔ ano.
| בונה ירושלם יהוה נדחי ישראל יכנס |
3 Ɔsa wɔn a wɔn akoma abotoɔ yadeɛ na ɔkyekyere wɔn akuro.
| הרפא לשבורי לב ומחבש לעצבותם |
4 Ɔnim nsoromma no dodoɔ na ɔde obiara din frɛ no.
| מונה מספר לכוכבים לכלם שמות יקרא |
5 Yɛn Awurade so, na ne tumi yɛ kɛseɛ; yɛrente nʼase nwie.
| גדול אדונינו ורב-כח לתבונתו אין מספר |
6 Awurade wowa ahobrɛasefoɔ na ɔtoto amumuyɛfoɔ hwe fam.
| מעודד ענוים יהוה משפיל רשעים עדי-ארץ |
7 Monto aseda nnwom mma Awurade. Momfa sankuo nto dwom mma yɛn Onyankopɔn.
| ענו ליהוה בתודה זמרו לאלהינו בכנור |
8 Ɔde omununkum kata ɔsoro ani; ɔde osutɔ ma asase ma ɛserɛ nyini wɔ nkokoɔ so.
| המכסה שמים בעבים-- המכין לארץ מטר המצמיח הרים חציר |
9 Ɔma anantwie aduane na sɛ anene mma su a, ɔma wɔn aduane.
| נותן לבהמה לחמה לבני ערב אשר יקראו |
10 Ɛnyɛ ɔpɔnkɔ ahoɔden na nʼani sɔ na ɛnyɛ onipa ahoɔden nso.
| לא בגבורת הסוס יחפץ לא-בשוקי האיש ירצה |
11 Na mmom, Awurade ani sɔ nnipa a wɔsuro no, wɔn a wɔde wɔn ho to nʼadɔeɛ a ɛnsa da no so no.
| רוצה יהוה את-יראיו-- את-המיחלים לחסדו |
12 Momma Awurade so, Ao Yerusalem; kamfo wo Onyankopɔn, Ao Sion,
| שבחי ירושלם את-יהוה הללי אלהיך ציון |
13 ɔma wʼapono akyi adaban yɛ den na ɔhyira wo nkurɔfoɔ a wɔte wo mu.
| כי-חזק בריחי שעריך ברך בניך בקרבך |
14 Ɔma wʼahyeɛ so dwo na ɔde ayuo amapa ma wo.
| השם-גבולך שלום חלב חטים ישביעך |
15 Ɔsoma nʼahyɛdeɛ kɔ asase so; nʼasɛm tu mmirika ntɛm so.
| השלח אמרתו ארץ עד-מהרה ירוץ דברו |
16 Ɔtrɛ sukyerɛmma mu sɛ odwan ho nwi, na ɔpete obosuo nsukyeneeɛ sɛ nsõ.
| הנתן שלג כצמר כפור כאפר יפזר |
17 Ɔtoto asukɔtweaa gu fam sɛ mmosea. Hwan na ɔbɛtumi agyina nʼawɔ denden no ano?
| משליך קרחו כפתים לפני קרתו מי יעמד |
18 Ɔsoma nʼasɛm no ma ɛnane no; ɔhwanyane ne mframa, na nsuo tene.
| ישלח דברו וימסם ישב רוחו יזלו-מים |
19 Wada nʼasɛm adi akyerɛ Yakob, ne mmara ne ɔhyɛ nsɛm akyerɛ Israel.
| מגיד דברו ליעקב חקיו ומשפטיו לישראל |
20 Ɔnyɛɛ yei mmaa aman foforɔ biara; wɔnnim ne mmara. Monkamfo Awurade!
| לא עשה כן לכל-גוי-- ומשפטים בל-ידעום הללו-יה |
