Nnwom 128

1 Ɔsorokorɔ dwom. Nhyira ne wɔn a wɔsuro Awurade, na wɔnante nʼakwan so.

Ɔsoroforo dwom. Nhyira ne wɔn a wosuro Awurade, na wɔnantew nʼakwan so.

2 Wobɛdi wʼadwuma so aba; nhyira ne yiedie bɛyɛ wo dea.

Wubedi wʼadwuma so aba; nhyira ne yiyedi bɛyɛ wo de.

3 Wo yere bɛyɛ sɛ bobe a ɛso aba wɔ wo fie; na wo mmammarima ayɛ sɛ ngo dua a afifiri atwa wo ɛpono ho ahyia.

Wo yere bɛyɛ sɛ bobe a ɛsow aba wɔ wo fi; na wo mmabarima ayɛ sɛ ngodua a afifi atwa wo pon ho ahyia.

4 Yei ne onipa a wɔahyira noɔ, deɛ ɔsuro Awurade no.

Yiw, sɛɛ ne nea wobehyira onipa a osuro Awurade no.

5 Awurade nhyira wo mfiri Sion wo nkwa nna nyinaa; na ɔmma wo nhunu Yerusalem nkɔsoɔ,

Awurade nhyira wo mfi Sion na ɔmma wunhu Yerusalem yiyeyɛ; wo nkwanna nyinaa.

6 na ɔmma wo ntena ase nhunu wo mma mma. Asomdwoeɛ nka Israel.

Ɔmma wo ntena ase nhu wo mma mma. Asomdwoe nka Israel.