Nnwom 118
1 Monna Awurade ase ɛfiri sɛ ɔyɛ, na nʼadɔeɛ wɔ hɔ daa.
| הודו ליהוה כי-טוב כי לעולם חסדו |
2 Momma Israel nka sɛ, “Nʼadɔeɛ wɔ hɔ daa.”
| יאמר-נא ישראל כי לעולם חסדו |
3 Momma Aaron fie nka sɛ, “Nʼadɔeɛ wɔ hɔ daa.”
| יאמרו-נא בית-אהרן כי לעולם חסדו |
4 Momma wɔn a wɔsuro Awurade nka sɛ, “Nʼadɔeɛ wɔ hɔ daa.”
| יאמרו-נא יראי יהוה כי לעולם חסדו |
5 Mʼahohiahia mu, mesu frɛɛ Awurade; ɔgyee me so, na ɔma me dee me ho.
| מן-המצר קראתי יה ענני במרחב יה |
6 Awurade ne me ɔboafoɔ; enti merensuro. Ɛdeɛn na onipa bɛtumi ayɛ me?
| יהוה לי לא אירא מה-יעשה לי אדם |
7 Awurade ne me wɔ hɔ; ɔyɛ me ɔboafoɔ. Mede nkonimdie bɛhwɛ mʼatamfoɔ.
| יהוה לי בעזרי ואני אראה בשנאי |
8 Ɛyɛ sɛ yɛbɛhinta wɔ Awurade mu sene sɛ yɛde yɛn ho bɛto onipa soɔ.
| טוב לחסות ביהוה-- מבטח באדם |
9 Ɛyɛ sɛ yɛbɛhinta Awurade mu sene sɛ yɛde yɛn ho bɛto mmapɔmma so.
| טוב לחסות ביהוה-- מבטח בנדיבים |
10 Amanaman no nyinaa twaa me ho hyiaaɛ, nanso Awurade din mu metwitwaa wɔn guiɛ.
| כל-גוים סבבוני בשם יהוה כי אמילם |
11 Wɔtwaa me ho hyiaeɛ wɔ baabiara, nanso Awurade din mu, metwitwaa wɔn guiɛ.
| סבוני גם-סבבוני בשם יהוה כי אמילם |
12 Wɔkyere guu me so sɛ nwowa, nanso wɔhyee ntɛm so sɛ nkasɛɛ a ogya atɔ mu; Awurade din mu metwitwaa wɔn guiɛ.
| סבוני כדבורים-- דעכו כאש קוצים בשם יהוה כי אמילם |
13 Wɔsum me kɔɔ mʼakyi a anka mereyɛ ahwe ase, nanso Awurade boaa me.
| דחה דחיתני לנפל ויהוה עזרני |
14 Awurade yɛ mʼahoɔden ne me dwom; wayɛ me nkwagyeɛ.
| עזי וזמרת יה ויהי-לי לישועה |
15 Osebɔ ne nkonimdie gyegye wɔ ateneneefoɔ ntomadan mu sɛ, “Awurade nsa nifa ayɛ nneɛma akɛseɛ!
| קול רנה וישועה--באהלי צדיקים ימין יהוה עשה חיל |
16 Wɔapagya Awurade nsa nifa so; Awurade nsa nifa ayɛ nneɛma akɛseɛ!”
| ימין יהוה רוממה ימין יהוה עשה חיל |
17 Merenwu, mmom mɛtena ase na mapae mu aka deɛ Awurade ayɛ.
| לא-אמות כי-אחיה ואספר מעשי יה |
18 Awurade atwe mʼaso denden, nanso ɔnnyaa me mmaa owuo.
| יסר יסרני יה ולמות לא נתנני |
19 Bue tenenee apono ma me; na mɛhyɛne mu na mede aseda ama Awurade.
| פתחו-לי שערי-צדק אבא-בם אודה יה |
20 Awurade ɛpono nie; ɛhɔ na ateneneefoɔ bɛfa ahyɛne mu.
| זה-השער ליהוה צדיקים יבאו בו |
21 Mɛda wo ase ɛfiri sɛ wogyee me so; na woayɛ me nkwagyeɛ.
| אודך כי עניתני ותהי-לי לישועה |
22 Ɔboɔ a adansifoɔ no poeɛ no, abɛyɛ tweatiboɔ.
| אבן מאסו הבונים-- היתה לראש פנה |
23 Awurade na ayɛ yei, na ɛyɛ nwanwa wɔ yɛn ani so.
| מאת יהוה היתה זאת היא נפלאת בעינינו |
24 Ɛnnɛ yɛ ɛda a Awurade ayɛ. Momma yɛn ani nnye na yɛnni ahurisie.
| זה-היום עשה יהוה נגילה ונשמחה בו |
25 Ao Awurade, gye yɛn nkwa; Ao Awurade, ma yɛn nkɔsoɔ.
| אנא יהוה הושיעה נא אנא יהוה הצליחה נא |
26 Nhyira ne deɛ ɔnam Awurade din mu reba. Yɛhyira wo firi Awurade fie.
| ברוך הבא בשם יהוה ברכנוכם מבית יהוה |
27 Awurade yɛ Onyankopɔn, na wama ne hann ahyerɛn yɛn so. Momfa nnua mman nkura na yɛnto afahyɛ santen nkɔ afɔrebukyia no mmɛn ho.
| אל יהוה--ויאר-לנו אסרו-חג בעבתים--עד קרנות המזבח |
28 Woyɛ me Onyankopɔn, na meda wo ase; wone me Onyankopɔn, na mɛma wo so.
| אלי אתה ואודך אלהי ארוממך |
29 Monna Awurade ase, ɛfiri sɛ ɔyɛ; na nʼadɔeɛ wɔ hɔ daa.
| הודו ליהוה כי-טוב כי לעולם חסדו |
