Nnwom 111

1 Monkamfo Awurade! Mɛfiri mʼakoma nyinaa mu ama Awurade so wɔ ateneneefoɔ adwabɔ ne asafo no mu.

主をほめたたえよ。わたしは正しい者のつどい、および公会で、心をつくして主に感謝する。

2 Awurade nnwuma yɛ kɛseɛ; wɔn a wɔn ani gye ho nyinaa susu ho.

主のみわざは偉大である。すべてそのみわざを喜ぶ者によって尋ね窮められる。

3 Ne nnwuma yɛ tumi ne animuonyam, na ne tenenee wɔ hɔ daa.

そのみわざは栄光と威厳とに満ち、その義はとこしえに、うせることがない。

4 Ɔma yɛkae nʼanwanwadeɛ; Awurade yɛ ɔdomfoɔ ne mmɔborɔhunufoɔ.

主はそのくすしきみわざを記念させられた。主は恵みふかく、あわれみに満ちていられる。

5 Ɔma wɔn a wosuro no no aduane; ɔkae nʼapam no daa.

主はおのれを恐れる者に食物を与え、その契約をとこしえに心にとめられる。

6 Wakyerɛ ne nkurɔfoɔ tumi a ɛwɔ ne nnwuma mu, sɛ ɔde aman afoforɔ nsase ama wɔn.

主はもろもろの国民の所領をその民に与えて、みわざの力をこれにあらわされた。

7 Ne nsa ano nnwuma yɛ nokorɛ na ɛtene; nʼahyɛdeɛ nyinaa mu wɔ ahotosoɔ.

そのみ手のわざは真実かつ公正であり、すべてのさとしは確かである。

8 Ɛtim hɔ daa daa, nokorɛ ne tenenee mu na ɔyɛeɛ.

これらは世々かぎりなく堅く立ち、真実と正直とをもってなされた。

9 Ɔde ɔgyeɛ maa ne nkurɔfoɔ; ɔde nʼapam sii hɔ afebɔɔ, ne din yɛ kronkron na ɛyɛ hu.

主はその民にあがないを施し、その契約をとこしえに立てられた。そのみ名は聖にして、おそれおおい。

10 Awurade suro yɛ nyansa mfitiaseɛ; wɔn a wɔdi nʼahyɛdeɛ so nyinaa wɔ nhunumu pa. Ɔno na daa ayɛyie wɔ no.

主を恐れることは知恵のはじめである。これを行う者はみな良き悟りを得る。主の誉は、とこしえに、うせることはない。