Nnwom 111

1 Monkamfo Awurade! Mɛfiri mʼakoma nyinaa mu ama Awurade so wɔ ateneneefoɔ adwabɔ ne asafo no mu.

הללו-יה אודה יהוה בכל-לבב בסוד ישרים ועדה

2 Awurade nnwuma yɛ kɛseɛ; wɔn a wɔn ani gye ho nyinaa susu ho.

גדלים מעשי יהוה דרושים לכל-חפציהם

3 Ne nnwuma yɛ tumi ne animuonyam, na ne tenenee wɔ hɔ daa.

הוד-והדר פעלו וצדקתו עמדת לעד

4 Ɔma yɛkae nʼanwanwadeɛ; Awurade yɛ ɔdomfoɔ ne mmɔborɔhunufoɔ.

זכר עשה לנפלאותיו חנון ורחום יהוה

5 Ɔma wɔn a wosuro no no aduane; ɔkae nʼapam no daa.

טרף נתן ליראיו יזכר לעולם בריתו

6 Wakyerɛ ne nkurɔfoɔ tumi a ɛwɔ ne nnwuma mu, sɛ ɔde aman afoforɔ nsase ama wɔn.

כח מעשיו הגיד לעמו-- לתת להם נחלת גוים

7 Ne nsa ano nnwuma yɛ nokorɛ na ɛtene; nʼahyɛdeɛ nyinaa mu wɔ ahotosoɔ.

מעשי ידיו אמת ומשפט נאמנים כל-פקודיו

8 Ɛtim hɔ daa daa, nokorɛ ne tenenee mu na ɔyɛeɛ.

סמוכים לעד לעולם עשוים באמת וישר

9 Ɔde ɔgyeɛ maa ne nkurɔfoɔ; ɔde nʼapam sii hɔ afebɔɔ, ne din yɛ kronkron na ɛyɛ hu.

פדות שלח לעמו-- צוה-לעולם בריתו קדוש ונורא שמו

10 Awurade suro yɛ nyansa mfitiaseɛ; wɔn a wɔdi nʼahyɛdeɛ so nyinaa wɔ nhunumu pa. Ɔno na daa ayɛyie wɔ no.

ראשית חכמה יראת יהוה-- שכל טוב לכל-עשיהם תהלתו עמדת לעד