Nnwom 105
1 Ɛda Awurade ase na da ne kɛseyɛ adi. Ma ewiase nyinaa nhunu deɛ wayɛ.
| הודו ליהוה קראו בשמו הודיעו בעמים עלילותיו׃ |
2 Monto dwom mma no, monto ayɛyie dwom mma no; monka nʼanwanwadeɛ no nyinaa.
| שירו לו זמרו לו שיחו בכל נפלאותיו׃ |
3 Monhoahoa mo ho wɔ ne din kronkron mu; momma wɔn a wɔhwehwɛ Awurade no nnya akoma mu anigyeɛ.
| התהללו בשם קדשו ישמח לב מבקשי יהוה׃ |
4 Momma mo ani nna Awurade ne nʼahoɔden so; na monhwehwɛ nʼanim ɛberɛ biara.
| דרשו יהוה ועזו בקשו פניו תמיד׃ |
5 Monkae anwanwadeɛ a wayɛ ne nsɛnkyerɛnneɛ, ne atemmuo a ɔbuiɛ,
| זכרו נפלאותיו אשר עשה מפתיו ומשפטי פיו׃ |
6 Ao Abraham mma, Onyankopɔn ɔsomfoɔ, Ao Yakob mma a wapa wɔn.
| זרע אברהם עבדו בני יעקב בחיריו׃ |
7 Ɔyɛ Awurade, yɛn Onyankopɔn. Nʼahennie da adi wɔ asase so nyinaa.
| הוא יהוה אלהינו בכל הארץ משפטיו׃ |
8 Ɔkae nʼapam daa nyinaa, asɛm a ɔhyɛ maa awoɔ ntoantoasoɔ apem no,
| זכר לעולם בריתו דבר צוה לאלף דור׃ |
9 apam a ɔne Abraham yɛeɛ no ntam a ɔka kyerɛɛ Isak no.
| אשר כרת את אברהם ושבועתו לישחק׃ |
10 Ɔhyɛɛ mu den maa Yakob sɛ mmara, de maa Israel sɛ apam a ɛbɛtena hɔ afebɔɔ.
| ויעמידה ליעקב לחק לישראל ברית עולם׃ |
11 Ɔkaa sɛ, “Mede Kanaan asase no bɛma wo sɛ kyɛfa a ɛbɛyɛ wʼagyapadeɛ.”
| לאמר לך אתן את ארץ כנען חבל נחלתכם׃ |
12 Ɔkaa yei ɛberɛ a na wɔnnɔɔso, ahɔhokuo ketewa bi a wɔwɔ Kanaan.
| בהיותם מתי מספר כמעט וגרים בה׃ |
13 Wɔfirii aman so kɔɔ aman so; firii ahemman mu kɔɔ ahemman mu.
| ויתהלכו מגוי אל גוי מממלכה אל עם אחר׃ |
14 Wamma obi anhyɛ wɔn so; wɔn enti, ɔkaa ahene anim sɛ:
| לא הניח אדם לעשקם ויוכח עליהם מלכים׃ |
15 “Mommfa mo nsa nka wɔn a masra wɔn ngo; na monnyɛ mʼadiyifoɔ bɔne bi.”
| אל תגעו במשיחי ולנביאי אל תרעו׃ |
16 Ɔmaa ɛkɔm baa asase no so na ɔsɛee akwan a wɔfa so nya wɔn aduane nyinaa;
| ויקרא רעב על הארץ כל מטה לחם שבר׃ |
17 na ɔsomaa ɔbarima bi dii wɔn anim, Yosef a wɔtɔn no sɛ akoa no.
| שלח לפניהם איש לעבד נמכר יוסף׃ |
18 Wɔde mpokyerɛ guu ne nan, na wɔde dadeɛ nkɔnsɔnkɔnsɔn hyɛɛ ne kɔn,
| ענו בכבל רגליו ברזל באה נפשו׃ |
19 kɔsii sɛ deɛ ɔhyɛɛ ho nkɔm no baa mu, kɔsii sɛ Awurade asɛm no daa no adi sɛ ɔyɛ nokwafoɔ.
| עד עת בא דברו אמרת יהוה צרפתהו׃ |
20 Afei, ɔhene no soma ma wɔkɔgyaa no; aman no sodifoɔ gyaa no.
| שלח מלך ויתירהו משל עמים ויפתחהו׃ |
21 Ɔyɛɛ no ne fiefoɔ so wura, deɛ ɔwɔ nyinaa sodifoɔ,
| שמו אדון לביתו ומשל בכל קנינו׃ |
22 sɛ ɔnkyerɛ ne mmapɔmma deɛ ɔpɛ na ɔnkyerɛ ne mpanimfoɔ nyansa.
| לאסר שריו בנפשו וזקניו יחכם׃ |
23 Afei, Israel kɔɔ Misraim; Yakob kɔtenaa Ham asase so sɛ ɔnanani.
| ויבא ישראל מצרים ויעקב גר בארץ חם׃ |
24 Awurade maa ne nkurɔfoɔ ase dɔreeɛ; ɔyɛɛ wɔn bebree dodo maa wɔn atamfoɔ,
| ויפר את עמו מאד ויעצמהו מצריו׃ |
25 wɔn a ɔdanee wɔn akoma sɛ wɔntane ne nkurɔfoɔ na wɔmpam nʼasomfoɔ tiri so.
| הפך לבם לשנא עמו להתנכל בעבדיו׃ |
26 Ɔsomaa ne ɔsomfoɔ Mose, ne Aaron a na wayi noɔ no.
| שלח משה עבדו אהרן אשר בחר בו׃ |
27 Wɔyɛɛ ne nsɛnkyerɛnneɛ nwanwasoɔ wɔ wɔn mu, nʼanwanwadeɛ wɔ Ham asase so.
| שמו בם דברי אתותיו ומפתים בארץ חם׃ |
28 Ɔsomaa esum, na ɔmaa asase duruu sum ɛfiri sɛ na wɔate nʼasɛm no so atua.
| שלח חשך ויחשך ולא מרו את דבריו׃ |
29 Ɔmaa wɔn nsuo nyinaa danee mogya, nam so kumm emu mpataa.
| הפך את מימיהם לדם וימת את דגתם׃ |
30 Mpɔtorɔ bɛhyɛɛ asase no so ma, na wɔhyɛnee ɔman no sodifoɔ mpia mu.
| שרץ ארצם צפרדעים בחדרי מלכיהם׃ |
31 Ɔkasaeɛ, na nwansena bebree ne ntontom baa ɔman no mu baabiara.
| אמר ויבא ערב כנים בכל גבולם׃ |
32 Ɔmaa wɔn osutɔ danee ampariboɔ a anyinam nenam mu wɔ ɔman no nyinaa mu;
| נתן גשמיהם ברד אש להבות בארצם׃ |
33 Ɔsɛee wɔn bobe ne borɔdɔma nnua na ɔbubuu ɔman no so nnua pasaa.
| ויך גפנם ותאנתם וישבר עץ גבולם׃ |
34 Ɔkasaeɛ, na ntutummɛ baeɛ mmɛbɛ a wɔntumi nkan wɔn;
| אמר ויבא ארבה וילק ואין מספר׃ |
35 wɔwee nhahammono biara a ɛwɔ wɔn asase no so, na wɔdii wɔn mfuo so nnuane.
| ויאכל כל עשב בארצם ויאכל פרי אדמתם׃ |
36 Afei ɔkunkumm wɔn asase so mmakan nyinaa, wɔn mmarimayɛ mu aba a ɛdi ɛkan nyinaa.
| ויך כל בכור בארצם ראשית לכל אונם׃ |
37 Ɔyii Israelfoɔ, a wɔso dwetɛ ne sikakɔkɔɔ, firii wɔn mmusuakuo mu a obiara ho antɔ kyima.
| ויוציאם בכסף וזהב ואין בשבטיו כושל׃ |
38 Misraim ani gyeeɛ ɛberɛ a wɔkɔeɛ, ɛfiri sɛ na Israelfoɔ ho hu atɔ wɔn so.
| שמח מצרים בצאתם כי נפל פחדם עליהם׃ |
39 Ɔtrɛɛ omununkum mu kataa wɔn so, na ɔde ogya maa wɔn, sɛ ɛnyɛ hann anadwo.
| פרש ענן למסך ואש להאיר לילה׃ |
40 Wɔbisaeɛ, na ɔbrɛɛ wɔn mmoko. Ɔmaa ɔsoro aduane mee wɔn.
| שאל ויבא שלו ולחם שמים ישביעם׃ |
41 Ɔbuee ɔbotan mu maa nsuo firii mu baeɛ; na ɛtenee wɔ ɛserɛ no so sɛ asubɔnten.
| פתח צור ויזובו מים הלכו בציות נהר׃ |
42 Ɔkaee ne bɔhyɛ kronkron bi a ɔhyɛɛ ne ɔsomfoɔ Abraham no.
| כי זכר את דבר קדשו את אברהם עבדו׃ |
43 Ɔyii ne nkurɔfoɔ maa wɔn ani gyeeɛ. Wɔn a wapa wɔn no dii ahurisie;
| ויוצא עמו בששון ברנה את בחיריו׃ |
44 ɔde amanaman no nsase maa wɔn, na deɛ ebinom abrɛ anya no bɛyɛɛ wɔn agyapadeɛ
| ויתן להם ארצות גוים ועמל לאמים יירשו׃ |
45 na wɔahwɛ nʼahyɛdeɛ adi ne mmara so. Monyi Awurade ayɛ.
| בעבור ישמרו חקיו ותורתיו ינצרו הללו יה׃ |
