Nnwom 103
1 Dawid deɛ. Ao me kra, kamfo Awurade; na me mu adeɛ nyinaa nkamfo ne din kronkron no.
| לדוד ברכי נפשי את יהוה וכל קרבי את שם קדשו׃ |
2 Ao me kra, kamfo Awurade, na mma wo werɛ mfiri ne nneyɛeɛ pa nyinaa,
| ברכי נפשי את יהוה ואל תשכחי כל גמוליו׃ |
3 ɔno na ɔde wo mfomsoɔ nyinaa kyɛ woɔ na ɔsa wo nyarewa nyinaa,
| הסלח לכל עונכי הרפא לכל תחלאיכי׃ |
4 ɔgye wo nkwa firi damena mu na ɔde adɔeɛ ne mmɔborɔhunu bɔ wo abotire,
| הגואל משחת חייכי המעטרכי חסד ורחמים׃ |
5 ɔde nnepa ma wo sɛ wʼapɛdeɛ na wo mmeranteberɛ yɛ foforɔ sɛ ɔkɔdeɛ.
| המשביע בטוב עדיך תתחדש כנשר נעוריכי׃ |
6 Awurade yɛ adetenenee na ɔbu wɔn a wɔhyɛ wɔn so nyinaa atɛntenenee.
| עשה צדקות יהוה ומשפטים לכל עשוקים׃ |
7 Ɔkyerɛɛ Mose nʼakwan, na ɔmaa Israelfoɔ hunuu ne nneyɛɛ.
| יודיע דרכיו למשה לבני ישראל עלילותיו׃ |
8 Mmɔborɔhunufoɔ ne ɔdomfoɔ ne Awurade, ne bo kyɛre fu na nʼadɔeɛ dɔɔso.
| רחום וחנון יהוה ארך אפים ורב חסד׃ |
9 Ɔrenkɔ so mmɔ soboɔ, na ɔrennya yɛn ho menasepɔ nkɔsi daa;
| לא לנצח יריב ולא לעולם יטור׃ |
10 Ɔrenhwɛ yɛn bɔne ne yɛn nni sɛdeɛ ɛfata na ɔrentua yɛn nnebɔne so ka sɛdeɛ ɛteɛ.
| לא כחטאינו עשה לנו ולא כעונתינו גמל עלינו׃ |
11 Na sɛdeɛ ɔsoro ne asase ntam ware no, saa ara na nʼadɔeɛ so wɔ wɔn a wɔsuro no so.
| כי כגבה שמים על הארץ גבר חסדו על יראיו׃ |
12 Sɛdeɛ apueeɛ ne atɔeɛ ntam ware no, saa ara na wama yɛn ne yɛn mmarato ntam kwan aware.
| כרחק מזרח ממערב הרחיק ממנו את פשעינו׃ |
13 Sɛdeɛ agya yam hyehye no ne mma ho no, saa ara na Awurade yam hyehye no ma wɔn a wɔsuro no,
| כרחם אב על בנים רחם יהוה על יראיו׃ |
14 na ɔnim sɛdeɛ wɔyɛɛ yɛn, ɔkae sɛ yɛyɛ mfuturo.
| כי הוא ידע יצרנו זכור כי עפר אנחנו׃ |
15 Ɔdasani deɛ, ne nna te sɛ ɛserɛ, ɔyɛ frɔmm sɛ wiram nhwiren;
| אנוש כחציר ימיו כציץ השדה כן יציץ׃ |
16 sɛ mframa bɔ fa ne so a, na ɔnni hɔ, na ne sibea nnim no bio.
| כי רוח עברה בו ואיננו ולא יכירנו עוד מקומו׃ |
17 Nanso ɛfiri mmerɛsanten kɔsi nnasanten Awurade adɔeɛ wɔ wɔn a wɔsuro no so, na ne tenenee wɔ wɔn mma mma so,
| וחסד יהוה מעולם ועד עולם על יראיו וצדקתו לבני בנים׃ |
18 wɔn a wɔdi nʼapam no so na wɔkae di ne mmara so.
| לשמרי בריתו ולזכרי פקדיו לעשותם׃ |
19 Awurade asi nʼahennwa wɔ soro, na nʼahennie di adeɛ nyinaa so.
| יהוה בשמים הכין כסאו ומלכותו בכל משלה׃ |
20 Monkamfo Awurade, mo a moyɛ nʼabɔfoɔ, mo atumfoɔ a moyɛ nʼahyɛdeɛ, mo a motie nʼasɛm.
| ברכו יהוה מלאכיו גברי כח עשי דברו לשמע בקול דברו׃ |
21 Monkamfo Awurade, ɔsoro asafo nyinaa, nʼasomfoɔ a moyɛ nʼapɛdeɛ.
| ברכו יהוה כל צבאיו משרתיו עשי רצונו׃ |
22 Monkamfo Awurade, ne nnwuma nyinaa deɛ ɛwɔ nʼaheman mu nyinaa. Ao me ɔkra, kamfo Awurade!
| ברכו יהוה כל מעשיו בכל מקמות ממשלתו ברכי נפשי את יהוה׃ |
