Mmɛbusɛm 8
1 Tie: Nyansa refrɛ. Nteaseɛ ma ne nne so.
| הלא-חכמה תקרא ותבונה תתן קולה |
2 Ɛkwan no so, sorɔnsorɔmmea hɔ, nkwantanan no so, ɛhɔ na ɛgyina,
| בראש-מרמים עלי-דרך בית נתיבות נצבה |
3 apono a ɛkɔ kuropɔn no mu ho, ɛteam wɔ aboboano hɔ sɛ,
| ליד-שערים לפי-קרת מבוא פתחים תרנה |
4 “Ao, mo mmarimma na meteam mefrɛ; meteam frɛ adasamma nyinaa.
| אליכם אישים אקרא וקולי אל-בני אדם |
5 Mo a moyɛ ntetekwaa, mo mma mo ani nte; mo a moyɛ nkwaseafoɔ, monnya nteaseɛ.
| הבינו פתאים ערמה וכסילים הבינו לב |
6 Montie, na mewɔ nsɛm pa bi ka kyerɛ mo; mebue mʼano ka deɛ ɛyɛ.
| שמעו כי-נגידים אדבר ומפתח שפתי מישרים |
7 Mʼano ka deɛ ɛyɛ nokorɛ, ɛfiri sɛ mʼanofafa kyiri amumuyɛsɛm.
| כי-אמת יהגה חכי ותועבת שפתי רשע |
8 Mʼano mu nsɛm nyinaa yɛ pɛ; ebiara nni mu a ɛyɛ nkontompo anaa nnaadaasɛm.
| בצדק כל-אמרי-פי אין בהם נפתל ועקש |
9 Ne nyinaa mu da hɔ ma deɛ ɔwɔ nhunumu; ɛho nni asɛm ma wɔn a wɔwɔ nimdeɛ.
| כלם נכחים למבין וישרים למצאי דעת |
10 Mompo dwetɛ na momfa mʼakwankyerɛ, momfa nimdeɛ na mompo sikakɔkɔɔ amapa.
| קחו-מוסרי ואל-כסף ודעת מחרוץ נבחר |
11 Ɛfiri sɛ nimdeɛ som bo sene mmota, na wɔrentumi mfa deɛ wopɛ biara ntoto ho.
| כי-טובה חכמה מפנינים וכל-חפצים לא ישוו-בה |
12 “Me, nyansa, mene aniteɛ na ɛteɛ; nimdeɛ ne nhunumu wɔ me.
| אני-חכמה שכנתי ערמה ודעת מזמות אמצא |
13 Sɛ wɔsuro Awurade ɛne sɛ wɔkyiri bɔne; mekyiri ahantan ne ahomasoɔ, ɔbra bɔne ne nnaadaasɛm.
| יראת יהוה שנאת-רע גאה וגאון ודרך רע ופי תהפכות שנאתי |
14 Afotuo ne atemmuo pa wɔ me; mewɔ nteaseɛ ne tumi.
| לי-עצה ותושיה אני בינה לי גבורה |
15 Me so na ahemfo nam di adeɛ na sodifoɔ nam me so hyehyɛ mmara a ɛyɛ pɛ;
| בי מלכים ימלכו ורזנים יחקקו צדק |
16 Mmapɔmma de me bu ɔman ne atitire nyinaa a wɔdi asase so ɔhene.
| בי שרים ישרו ונדיבים כל-שפטי צדק |
17 Medɔ wɔn a wɔdɔ me, na wɔn a wɔhwehwɛ me no hunu me.
| אני אהביה (אהבי) אהב ומשחרי ימצאנני |
18 Ahonyadeɛ ne animuonyam wɔ me nkyɛn, ahodeɛ a ɛkyɛre ne yiedie nso saa ara.
| עשר-וכבוד אתי הון עתק וצדקה |
19 Mʼaba yɛ sene sikakɔkɔɔ amapa; deɛ ɛfiri me mu boro dwetɛ a wɔasɔne so so.
| טוב פריי מחרוץ ומפז ותבואתי מכסף נבחר |
20 Tenenee akwan so na menam atɛntenenee akwan so,
| בארח-צדקה אהלך בתוך נתיבות משפט |
21 mede ahodeɛ ma wɔn a wɔdɔ me na mehyɛ wɔn adekoradan ma ma.
| להנחיל אהבי יש ואצרתיהם אמלא |
22 “Awurade bɔɔ me sɛ nʼabɔdeɛ mu abakan dii ne tete nneyɛɛ anim;
| יהוה--קנני ראשית דרכו קדם מפעליו מאז |
23 ɔyii me sii hɔ firi tete, ansa na ewiase rehyɛ aseɛ.
| מעולם נסכתי מראש-- מקדמי-ארץ |
24 Wɔwoo me ansa na wɔrebɔ ɛpo kakraka no ansa na wɔreyɛ nsutire a nsuo ahyɛ no ma no;
| באין-תהמות חוללתי באין מעינות נכבדי-מים |
25 ansa na wɔde mmepɔ resisi hɔ, wɔwoo me ansa na nkokoɔ reba,
| בטרם הרים הטבעו לפני גבעות חוללתי |
26 ansa na ɔbɔɔ asase ne ne mfuo anaa dɔteɛ biara a ɛwɔ asase soɔ.
| עד-לא עשה ארץ וחוצות וראש עפרות תבל |
27 Mewɔ hɔ ansa na wɔbɔɔ soro, ɛberɛ a ɔtwaa hyeɛ too ebunu no ani no,
| בהכינו שמים שם אני בחקו חוג על-פני תהום |
28 ɛberɛ a ɔbɔɔ omununkum wɔ soro na ɔde ebunu mu nsutire tintim hɔ denden no,
| באמצו שחקים ממעל בעזוז עינות תהום |
29 ɛberɛ a ɔtwaa hyeɛ maa ɛpo sɛdeɛ nsuo no rentra ne hyeɛ, ne ɛberɛ a ɔtwaa asase fapem no,
| בשומו לים חקו ומים לא יעברו-פיו בחוקו מוסדי ארץ |
30 na meyɛ odwumfoɔ a mete ne nkyɛn. Anigyeɛ hyɛɛ me ma daa na medii ahurisie wɔ nʼanim ɛberɛ biara,
| ואהיה אצלו אמון ואהיה שעשועים יום יום משחקת לפניו בכל-עת |
31 na mʼani gye wɔ ne ewiase nyinaa mu na mʼani ka wɔ adasamma mu.
| משחקת בתבל ארצו ושעשעי את-בני אדם |
32 “Enti me mma, montie me; nhyira ne wɔn a wɔnante mʼakwan so.
| ועתה בנים שמעו-לי ואשרי דרכי ישמרו |
33 Montie mʼakwankyerɛ na monhunu nyansa; mommu mo ani nngu so.
| שמעו מוסר וחכמו ואל-תפרעו |
34 Nhyira ne onipa a ɔtie me, ɔwɛn mʼaboboano daa, na ɔtwɛn wɔ hɔ.
| אשרי אדם שמע-לי לשקד על-דלתתי יום יום--לשמר מזוזת פתחי |
35 Na obiara a ɔhunu me no nya nkwa na ɔnya anisɔ firi Awurade nkyɛn.
| כי מצאי מצאי (מצא) חיים ויפק רצון מיהוה |
36 Na deɛ woanhwehwɛ me no ha ne ho na wɔn a wɔtane me no dɔ owuo.”
| וחטאי חמס נפשו כל-משנאי אהבו מות |
