Mmɛbusɛm 25
1 Yeinom yɛ Salomo mmɛbusɛm nkekaho a Yudahene Hesekia afotufoɔ twerɛeɛ:
| גם-אלה משלי שלמה-- אשר העתיקו אנשי חזקיה מלך-יהודה |
2 Ɛyɛ Onyankopɔn animuonyamhyɛ sɛ wɔde asɛm sie; sɛ wɔpɛɛpɛɛ asɛm mu nso hyɛ ahemfo animuonyam.
| כבד אלהים הסתר דבר וכבד מלכים חקר דבר |
3 Sɛdeɛ ɔsoro korɔn na asase mu dɔ no, saa ara na wɔrentumi nhwehwɛ ahemfo akoma mu.
| שמים לרום וארץ לעמק ולב מלכים אין חקר |
4 Sɛ wɔyi dwetɛ ho a, dwetɛdwumfoɔ tumi de yɛ adeɛ a ɛho wɔ mfasoɔ;
| הגו סיגים מכסף ויצא לצרף כלי |
5 Yi amumuyɛfoɔ firi ɔhene anim, na tenenee bɛma nʼahennwa atim.
| הגו רשע לפני-מלך ויכון בצדק כסאו |
6 Mma wo ho so wɔ ɔhene anim, na mpere diberɛ wɔ atitire mu;
| אל-תתהדר לפני-מלך ובמקום גדלים אל-תעמד |
7 Ɛyɛ ma no sɛ ɔbɛka akyerɛ wo sɛ, “Bra soro ha,” sene sɛ ɔbɛbrɛ wo ase wɔ otitire bi anim. Deɛ wode wʼani ahunu no
| כי טוב אמר-לך עלה-הנה מהשפילך לפני נדיב--אשר ראו עיניך |
8 mpɛ ntɛm mfa nkɔ asɛnniiɛ, na sɛ awieeɛ no wo yɔnko gu wʼanim ase a ɛdeɛn na wobɛyɛ?
| אל-תצא לרב מהר פן מה-תעשה באחריתה--בהכלים אתך רעך |
9 Sɛ wo ne wo yɔnko di asɛm a nna obi foforɔ ahintasɛm adi,
| ריבך ריב את-רעך וסוד אחר אל-תגל |
10 anyɛ saa a, deɛ ɔbɛte no bɛgu wʼanim ase na edin bɔne a wobɛnya no rempepa da.
| פן-יחסדך שמע ודבתך לא תשוב |
11 Asɛm a wɔka no sɛdeɛ ɛfata no te sɛ sika kɔkɔɔ a wɔabɔ sɛ aprɛ de atuatua dwetɛ nsiesieɛ mu.
| תפוחי זהב במשכיות כסף-- דבר דבר על-אפניו |
12 Sikakɔkɔɔ asomuadeɛ anaa sikakɔkɔɔ amapa ahyehyɛdeɛ te sɛ onyansafoɔ animka a ɔde ma deɛ ɔyɛ aso ma no.
| נזם זהב וחלי-כתם-- מוכיח חכם על-אזן שמעת |
13 Sɛdeɛ sukyerɛmma ma ewiem dwoɔ wɔ otwa berɛ mu no saa ara na ɔsomafoɔ nokwafoɔ teɛ ma wɔn a wɔsoma no; na ɔma ne wuranom akomatɔyam.
| כצנת שלג ביום קציר--ציר נאמן לשלחיו ונפש אדניו ישיב |
14 Omununkum ne mframa a ɛmfa osutɔ mma no te sɛ onipa a ɔde akyɛdeɛ a ɔmmfa mma hoahoa ne ho.
| נשיאים ורוח וגשם אין-- איש מתהלל במתת-שקר |
15 Ntoboaseɛ ma sodifoɔ ti da, na tɛkrɛmabereɛ tumi bu dompe mu.
| בארך אפים יפתה קצין ולשון רכה תשבר-גרם |
16 Sɛ wonya ɛwoɔ a, enni ntra so, ne bebrebe bɛma woafe.
| דבש מצאת אכל דיך פן-תשבענו והקאתו |
17 Ntaa nkɔ wo yɔnko fie, wo ho fono no a, ɔbɛtan wo.
| הקר רגלך מבית רעך פן-ישבעך ושנאך |
18 Onipa a ɔdi adansekurumu tia ne yɔnko no te sɛ aporibaa, afena anaa bɛmma a ano yɛ nnam.
| מפיץ וחרב וחץ שנון-- איש ענה ברעהו עד שקר |
19 Ɛse a ɛyare kaka anaa ɛnan a ɛyɛ apakye te sɛ deɛ wode wo ho to ɔtorofoɔ so hiada mu.
| שן רעה ורגל מועדת-- מבטח בוגד ביום צרה |
20 Deɛ ɔto dwom kyere ɔwerɛhoni no te sɛ deɛ ɔpa ntoma gu awɔberɛ mu anaa te sɛ nsã nyinyanyinya a wɔhwie gu afransa soɔ.
| מעדה-בגד ביום קרה--חמץ על-נתר ושר בשרים על לב-רע |
21 Sɛ ɛkɔm de wo ɔtamfoɔ a, ma no aduane nni; sɛ osukɔm de no a, ma no nsuo nnom.
| אם-רעב שנאך האכלהו לחם ואם-צמא השקהו מים |
22 Sɛ woyɛ saa a, wobɛsoso gyasramma agu nʼatifi, na Awurade bɛma wo akatua.
| כי גחלים--אתה חתה על-ראשו ויהוה ישלם-לך |
23 Sɛdeɛ atifi fam mframa de osutɔ ba no, saa ara na tɛkrɛma a ɛdi nsekuro de omuna ba.
| רוח צפון תחולל גשם ופנים נזעמים לשון סתר |
24 Ɛyɛ sɛ wobɛtena suhyɛ ase mantweaa bi, sene sɛ wo ne ɔyere ntɔkwapɛfoɔ bɛtena efie.
| טוב שבת על-פנת-גג-- מאשת מדונים (מדינים) ובית חבר |
25 Nsuonwunu a ɔkra a ato baha nya no te sɛ asɛmmɔdɛ a ɛfiri akyirikyiri.
| מים קרים על-נפש עיפה ושמועה טובה מארץ מרחק |
26 Asutire a ahono anaa abura a ayɛ pɔtɔɔ, te sɛ ɔteneneeni a ɔgyaa ne ho ma amumuyɛfoɔ.
| מעין נרפש ומקור משחת-- צדיק מט לפני-רשע |
27 Ɛnyɛ sɛ wɔdi ɛwoɔ ntrasoɔ, na ɛnyɛ fɛ nso sɛ obi pɛ animuonyam ma ne ho.
| אכל דבש הרבות לא-טוב וחקר כבדם כבוד |
28 Onipa a ɔnni ahohyɛsoɔ no te sɛ kuropɔn a nʼafasuo abubu agu fam.
| עיר פרוצה אין חומה-- איש אשר אין מעצר לרוחו |
