Mmɛbusɛm 21
1 Ɔhene akoma da Awurade nsam; ɔkyerɛ no ɛkwan te sɛ asutene ma ɔkɔ baabiara a ɔpɛ.
| פלגי-מים לב-מלך ביד-יהוה על-כל-אשר יחפץ יטנו |
2 Onipa akwan nyinaa tene wɔ nʼani so, nanso Awurade na ɔkari akoma.
| כל-דרך-איש ישר בעיניו ותכן לבות יהוה |
3 Sɛ woyɛ adepa ne adeɛ a ɛtene a ɛsɔ Awurade ani sene afɔrebɔ.
| עשה צדקה ומשפט-- נבחר ליהוה מזבח |
4 Ani a ɛtra ntɔn ne ahomasoɔ akoma, ne amumuyɛfoɔ asetena nyinaa yɛ bɔne!
| רום-עינים ורחב-לב-- נר רשעים חטאת |
5 Nsiyɛfoɔ nhyehyɛeɛ de mfasoɔ ba sɛdeɛ ntɛmpɛ kɔwie ohia no.
| מחשבות חרוץ אך-למותר וכל-אץ אך-למחסור |
6 Ahonya a nkontompo tɛkrɛma de ba no yɛ huhuro ne owuo afidie.
| פעל אצרות בלשון שקר-- הבל נדף מבקשי-מות |
7 Amumuyɛfoɔ basabasayɛ bɛtwe wɔn akɔ, ɛfiri sɛ wɔmpɛ sɛ wɔyɛ deɛ ɛtene.
| שד-רשעים יגורם כי מאנו לעשות משפט |
8 Onipa a ɔdi fɔ no akwan yɛ kɔntɔnkye, na deɛ ne ho nni asɛm no adeyɛ tene.
| הפכפך דרך איש וזר וזך ישר פעלו |
9 Suhyɛ twɛtwɛwa ase baabi tena yɛ sene sɛ wo ne ɔyere ntɔkwapɛfoɔ bɛtena efie.
| טוב לשבת על-פנת-גג-- מאשת מדינים ובית חבר |
10 Omumuyɛfoɔ kɔn dɔ bɔne; ɔnni ahummɔborɔ mma ne yɔnko.
| נפש רשע אותה-רע לא-יחן בעיניו רעהו |
11 Sɛ wɔtwe fɛdifoɔ aso a, ntetekwaafoɔ hunu nyansa, sɛ wɔkyerɛkyerɛ onyansafoɔ a, ɔnya nimdeɛ.
| בענש-לץ יחכם-פתי ובהשכיל לחכם יקח-דעת |
12 Ɔteneneeni no nim deɛ ɛrekɔso wɔ omumuyɛfoɔ fie na ɔde omumuyɛfoɔ no kɔ ɔsɛeɛ mu.
| משכיל צדיק לבית רשע מסלף רשעים לרע |
13 Sɛ onipa sisi nʼaso wɔ mmɔborɔni su ho a ɔno nso bɛsu afrɛ, na wɔrennye no so.
| אטם אזנו מזעקת-דל-- גם-הוא יקרא ולא יענה |
14 Kokoam adekyɛ dwodwo akoma, kɛtɛasehyɛ nso pata abufuhyeɛ.
| מתן בסתר יכפה-אף ושחד בחק חמה עזה |
15 Sɛ wobu atɛntenenee a, teneneefoɔ anigye nanso ɛyɛ ahunahuna ma abɔnefoɔ.
| שמחה לצדיק עשות משפט ומחתה לפעלי און |
16 Onipa a ɔmane firi nhunumu kwan soɔ no bɛhome wɔ awufoɔ fekuo mu.
| אדם--תועה מדרך השכל בקהל רפאים ינוח |
17 Deɛ ɔdi ahosɛpɛ akyi no bɛyɛ ohiani; deɛ ɔpɛ nsã ne ngo no rennya ne ho da.
| איש מחסור אהב שמחה אהב יין-ושמן לא יעשיר |
18 Amumuyɛfoɔ de wɔn nkwa to hɔ ma teneneefoɔ, na atorofoɔ yɛ saa ma wɔn a wɔyɛ pɛ.
| כפר לצדיק רשע ותחת ישרים בוגד |
19 Ɛyɛ sɛ wobɛtena ɛserɛ so, sene sɛ wo ne ɔyere ntɔkwapɛfoɔ a nʼakoma ha no bɛtena.
| טוב שבת בארץ-מדבר-- מאשת מדונים (מדינים) וכעס |
20 Nnuane pa ne ngo ayɛ onyansafoɔ fie ma, nanso ɔkwasea di deɛ ɔwɔ nyinaa.
| אוצר נחמד ושמן--בנוה חכם וכסיל אדם יבלענו |
21 Deɛ ɔti tenenee ne ɔdɔ no ɔnya nkwa, yiedie ne animuonyam.
| רדף צדקה וחסד-- ימצא חיים צדקה וכבוד |
22 Onyansafoɔ to hyɛ ahoɔdenfoɔ kuropɔn so na ɔdwiri abandenden a wɔn werɛ hyɛ mu gu fam.
| עיר גברים עלה חכם וירד עז מבטחה |
23 Deɛ ɔkora nʼano ne ne tɛkrɛma no ɔtwe ne ho firi amanenya ho.
| שמר פיו ולשונו-- שמר מצרות נפשו |
24 Ɔhantanni a ɔma ne ho so no, ne din ne “Ɔfɛdifoɔ” ɔde ahantan ntrasoɔ yɛ adeɛ.
| זד יהיר לץ שמו-- עושה בעברת זדון |
25 Deɛ ɔkwadwofoɔ kɔn dɔ no bɛyɛ owuo ama no, ɛfiri sɛ ne nsa mpɛ adwumayɛ.
| תאות עצל תמיתנו כי-מאנו ידיו לעשות |
26 Ɛda mu nyinaa ɔpere sɛ ɔbɛnya bebree, nanso ɔteneneeni deɛ, ɔma a ɔnnodo ho.
| כל-היום התאוה תאוה וצדיק יתן ולא יחשך |
27 Omumuyɛfoɔ afɔrebɔ yɛ akyiwadeɛ, ne titire ne sɛ ɔde adwemmɔne bata ho.
| זבח רשעים תועבה אף כי-בזמה יביאנו |
28 Adansekurumdini bɛyera, na obiara a ɔtie noɔ no nso wɔbɛsɛe no.
| עד-כזבים יאבד ואיש שומע לנצח ידבר |
29 Amumuyɛfoɔ di akakabensɛm na ɔteneneeni deɛ, ɔdwene nʼakwan ho.
| העז איש רשע בפניו וישר הוא יכין דרכיו (יבין דרכו) |
30 Nyansa, nhunumu ne nhyehyɛeɛ biara nni hɔ a ɛbɛtumi ayɛ yie atia Awurade.
| אין חכמה ואין תבונה-- ואין עצה לנגד יהוה |
31 Wɔsiesie apɔnkɔ ma ɔko da, nanso nkonimdie yɛ Awurade dea.
| סוס--מוכן ליום מלחמה וליהוה התשועה |
