Mmɛbusɛm 13
1 Ɔba nyansafoɔ tie nʼagya nkyerɛkyerɛ; na ɔfɛdifoɔ ntie animka.
| בן חכם מוסר אב ולץ לא שמע גערה׃ |
2 Nneɛma pa a ɛfiri onipa anom no ma no anigyeɛ, na wɔn a wɔnni nokorɛ no kɔn dɔ basabasayɛ.
| מפרי פי איש יאכל טוב ונפש בגדים חמס׃ |
3 Deɛ ɔkora nʼano no kora ne nkwa so, nanso deɛ ɔkasa a ɔnsusu ho no bɛba ɔsɛeɛ mu.
| נצר פיו שמר נפשו פשק שפתיו מחתה לו׃ |
4 Onihafoɔ pere hwehwɛ nanso ɔnnya hwee, na deɛ ɔyɛ adwuma no nya deɛ ɔpɛ biara.
| מתאוה ואין נפשו עצל ונפש חרצים תדשן׃ |
5 Teneneefoɔ kyiri deɛ ɛnyɛ nokorɛ, nanso amumuyɛfoɔ de aniwuo ne ahohora ba.
| דבר שקר ישנא צדיק ורשע יבאיש ויחפיר׃ |
6 Tenenee bɔ ɔnokwafoɔ ho ban, na amumuyɛsɛm tu ɔbɔnefoɔ gu.
| צדקה תצר תם דרך ורשעה תסלף חטאת׃ |
7 Obi yɛ ne ho sɛ ɔdefoɔ, a nso ɔnni hwee, ɔfoforɔ yɛ ne ho sɛ ohiani, a nso ɔwɔ ahonya bebree.
| יש מתעשר ואין כל מתרושש והון רב׃ |
8 Obi ahonya bɛtumi agye no nkwa, nanso ohiani nte ahunahuna biara.
| כפר נפש איש עשרו ורש לא שמע גערה׃ |
9 Teneneefoɔ kanea hyerɛn pa ara, nanso wɔdum amumuyɛfoɔ kanea.
| אור צדיקים ישמח ונר רשעים ידעך׃ |
10 Ahantan de ntɔkwa nko ara na ɛba, na wɔhunu nyansa wɔ wɔn a wɔtie afutuo mu.
| רק בזדון יתן מצה ואת נועצים חכמה׃ |
11 Ahonya a ɛnam kwammɔne soɔ no hwere ntɛm so, na deɛ ɔboa sika ano nkakrankakra no ma ɛdɔɔso.
| הון מהבל ימעט וקבץ על יד ירבה׃ |
12 Anidasoɔ a wɔtu hyɛ da no bɔ akoma yadeɛ, nanso anigyinadeɛ a nsa aka no yɛ nkwa dua.
| תוחלת ממשכה מחלה לב ועץ חיים תאוה באה׃ |
13 Deɛ ɔtwiri ahyɛdeɛ no bɛtua so ka, nanso deɛ ɔde obuo ma mmara no, wɔma no akatua.
| בז לדבר יחבל לו וירא מצוה הוא ישלם׃ |
14 Onyansafoɔ nkyerɛkyerɛ te sɛ nkwa asutire, ɛyi onipa firi owuo afidie mu.
| תורת חכם מקור חיים לסור ממקשי מות׃ |
15 Nhunumu pa de adom ba, nanso atorofoɔ ɛkwan so yɛ den.
| שכל טוב יתן חן ודרך בגדים איתן׃ |
16 Ɔbadwemma biara yɛ nʼadeɛ wɔ nimdeɛ mu, nanso ɔkwasea da nʼagyimisɛm adi.
| כל ערום יעשה בדעת וכסיל יפרש אולת׃ |
17 Ɔsomafoɔ mumuyɛfoɔ tɔ amaneɛ mu, nanso ɔnanmusini nokwafoɔ de abodwoɔ ba.
| מלאך רשע יפל ברע וציר אמונים מרפא׃ |
18 Deɛ ɔpo ntenesoɔ no kɔ ohia ne animguaseɛ mu, na deɛ ɔtie ntenesoɔ no, wɔhyɛ no animuonyam.
| ריש וקלון פורע מוסר ושומר תוכחת יכבד׃ |
19 Akɔnnɔdeɛ a nsa aka ma ɔkra ani gye, nanso nkwaseafoɔ kyiri sɛ wɔtwe wɔn ho firi bɔne ho.
| תאוה נהיה תערב לנפש ותועבת כסילים סור מרע׃ |
20 Deɛ ɔne onyansafoɔ nante no hunu nyansa, na deɛ ɔne nkwaseafoɔ bɔ no hunu amane.
| הלוך את חכמים וחכם ורעה כסילים ירוע׃ |
21 Ɔhaw di ɔbɔnefoɔ akyi, na nkɔsoɔ yɛ teneneeni akatua.
| חטאים תרדף רעה ואת צדיקים ישלם טוב׃ |
22 Onipa pa de agyapadeɛ gya ne nananom, na wɔkora ɔbɔnefoɔ ahonyadeɛ so ma ɔteneneeni.
| טוב ינחיל בני בנים וצפון לצדיק חיל חוטא׃ |
23 Ohiani afuom nnɔbaeɛ tumi ba pii, nanso ntɛnkyea pra kɔ.
| רב אכל ניר ראשים ויש נספה בלא משפט׃ |
24 Deɛ ɔkyɛe nʼabaa so no tane ne ba, na deɛ ɔdɔ no no hwɛ sɛ ɔbɛtene no.
| חושך שבטו שונא בנו ואהבו שחרו מוסר׃ |
25 Teneneefoɔ didi ma wɔn akoma mee nanso, ɛkɔm de amumuyɛfoɔ.
| צדיק אכל לשבע נפשו ובטן רשעים תחסר׃ |
