4 Mose 2
1 Awurade ka kyerɛɛ Mose ne Aaron sɛ:
| וידבר יהוה אל משה ואל אהרן לאמר׃ |
2 “Abusua biara bɛnya nʼafa wɔ atenaeɛ hɔ, na ekuo biara bɛtena nʼabusua frankaa ase. Na mmusua no atenaeɛ ahodoɔ no mfimfini na wɔde Ahyiaeɛ Ntomadan no bɛsi.”
| איש על דגלו באתת לבית אבתם יחנו בני ישראל מנגד סביב לאהל מועד יחנו׃ |
3 Apueeɛ fam, baabi a owia pue firi hɔ no na ɛsɛ sɛ Yuda nnipa nkyekyɛmu ahodoɔ no nyinaa bɔ wɔn atenaeɛ wɔ wɔn frankaa ase. Yudafoɔ ntuanoni ne Aminadab ba Nahson.
| והחנים קדמה מזרחה דגל מחנה יהודה לצבאתם ונשיא לבני יהודה נחשון בן עמינדב׃ |
4 Na ne dɔm no ano si mpem aduɔson ɛnan ne ahansia.
| וצבאו ופקדיהם ארבעה ושבעים אלף ושש מאות׃ |
5 Isakar abusuakuo na wɔbɛdi so. Wɔn ntuanoni ne Suar babarima Netanel.
| והחנים עליו מטה יששכר ונשיא לבני יששכר נתנאל בן צוער׃ |
6 Na ne dɔm no ano si mpem aduonum ɛnan ne ahanan.
| וצבאו ופקדיו ארבעה וחמשים אלף וארבע מאות׃ |
7 Sebulon abusuakuo na wɔbɛdi so. Wɔn ntuanoni ne Helon babarima Eliab.
| מטה זבולן ונשיא לבני זבולן אליאב בן חלן׃ |
8 Na ne dɔm no ano si mpem aduonum nson ne ahanan.
| וצבאו ופקדיו שבעה וחמשים אלף וארבע מאות׃ |
9 Enti na nnipa dodoɔ a wɔwɔ Yuda atenaeɛ no nyinaa sɛdeɛ wɔn nkyekyɛmu teɛ no ano si mpem ɔha aduɔwɔtwe nsia ne ahanan. Sɛ Israelfoɔ no tu a, saa mmusuakuo mmiɛnsa yi na ɛdi ɛkan.
| כל הפקדים למחנה יהודה מאת אלף ושמנים אלף וששת אלפים וארבע מאות לצבאתם ראשנה יסעו׃ |
10 Anafoɔ fam na Ruben nnipa nkyekyɛmu ahodoɔ no nyinaa bɛbɔ wɔn atenaeɛ de wɔn frankaa asi. Wɔn ntuanoni ne Sedeur babarima Elisur.
| דגל מחנה ראובן תימנה לצבאתם ונשיא לבני ראובן אליצור בן שדיאור׃ |
11 Ne dɔm ano si mpem aduanan nsia ne ahanum.
| וצבאו ופקדיו ששה וארבעים אלף וחמש מאות׃ |
12 Simeon abusuakuo na wɔbɛdi so. Wɔn ntuanoni ne Surisadai babarima Selumiel.
| והחונם עליו מטה שמעון ונשיא לבני שמעון שלמיאל בן צורי שדי׃ |
13 Ne dɔm ano si mpem aduonum nkron ne ahasa.
| וצבאו ופקדיהם תשעה וחמשים אלף ושלש מאות׃ |
14 Gad abusuakuo na wɔbɛdi so. Wɔn ntuanoni ne Reuel babarima Eliasaf.
| ומטה גד ונשיא לבני גד אליסף בן דעואל׃ |
15 Na ne dɔm ano si mpem aduanan enum ahansia ne aduonum.
| וצבאו ופקדיהם חמשה וארבעים אלף ושש מאות וחמשים׃ |
16 Na mmarima a wɔwɔ Ruben atenaeɛ ne sɛdeɛ wɔn nkyekyɛmu teɛ no ano si mpem ɔha aduonum baako ahanan ne aduonum. Na sɛ Israelfoɔ tu a, wɔn na wɔtɔ so mmienu.
| כל הפקדים למחנה ראובן מאת אלף ואחד וחמשים אלף וארבע מאות וחמשים לצבאתם ושנים יסעו׃ |
17 Afei Lewifoɔ no de Ahyiaeɛ Ntomadan bɛfiri wɔn atenaeɛ mfimfini hɔ akɔ. Mmusuakuo no nyinaa bɛkɔ no nnidisoɔ sɛdeɛ wɔn atenaeɛ nhyehyɛeɛ teɛ, wɔ wɔn mmusuakuo mfrankaa akyi.
| ונסע אהל מועד מחנה הלוים בתוך המחנת כאשר יחנו כן יסעו איש על ידו לדגליהם׃ |
18 Efraim abusuakuo bɛfa atenaeɛm hɔ atɔeɛ fam adi wɔn abusua frankaa akyi. Wɔn ntuanoni ne Amihud babarima Elisama.
| דגל מחנה אפרים לצבאתם ימה ונשיא לבני אפרים אלישמע בן עמיהוד׃ |
19 Ne dɔm ano si mpem aduanan ne ahanum.
| וצבאו ופקדיהם ארבעים אלף וחמש מאות׃ |
20 Manase abusuakuo na wɔbɛdi so. Wɔn ntuanoni ne Pedahsur babarima Gamaliel.
| ועליו מטה מנשה ונשיא לבני מנשה גמליאל בן פדהצור׃ |
21 Ne dɔm ano si mpem aduasa mmienu ne ahanum.
| וצבאו ופקדיהם שנים ושלשים אלף ומאתים׃ |
22 Benyamin abusuakuo na wɔdi so. Wɔn ntuanoni ne Gideoni babarima Abidan.
| ומטה בנימן ונשיא לבני בנימן אבידן בן גדעני׃ |
23 Ne dɔm ano si mpem aduasa enum ne ahanan.
| וצבאו ופקדיהם חמשה ושלשים אלף וארבע מאות׃ |
24 Na mmarima a wɔwɔ Efraim atenaeɛ ne sɛdeɛ wɔn nkyekyɛmu teɛ no ano si mpem ɔha ne nnwɔtwe ne ɔha baako. Na sɛ Israelfoɔ tu a, wɔn na wɔtɔ so mmiɛnsa.
| כל הפקדים למחנה אפרים מאת אלף ושמנת אלפים ומאה לצבאתם ושלשים יסעו׃ |
25 Dan abusuakuo bɛfa atifi fam adi wɔn abusua frankaa akyi. Wɔn ntuanoni ne Amisadai babarima Ahieser.
| דגל מחנה דן צפנה לצבאתם ונשיא לבני דן אחיעזר בן עמישדי׃ |
26 Ne dɔm ano si mpem aduosia mmienu ne ahanson.
| וצבאו ופקדיהם שנים וששים אלף ושבע מאות׃ |
27 Aser abusuakuo no bɛdi so. Wɔn ntuanoni ne Okran babarima Pagiel.
| והחנים עליו מטה אשר ונשיא לבני אשר פגעיאל בן עכרן׃ |
28 Ne dɔm ano si mpem aduanan baako ne ahanum.
| וצבאו ופקדיהם אחד וארבעים אלף וחמש מאות׃ |
29 Naftali abusuakuo no bɛdi so. Wɔn ntuanoni ne Enan ba Ahira.
| ומטה נפתלי ונשיא לבני נפתלי אחירע בן עינן׃ |
30 Ne dɔm ano si mpem aduonum mmiɛnsa ne ahanan.
| וצבאו ופקדיהם שלשה וחמשים אלף וארבע מאות׃ |
31 Mmarima a wɔwɔ Dan atenaeɛ no ano si mpem ɔha aduonum nson ne ahansia.
| כל הפקדים למחנה דן מאת אלף ושבעה וחמשים אלף ושש מאות לאחרנה יסעו לדגליהם׃ |
32 Sei na Israelfoɔ a wɔkan wɔn mmusuakuo mmusuakuo no teɛ. Wɔn a wɔwɔ atenaeɛ hɔ nyinaa, sɛdeɛ wɔn nkyekyɛmu teɛ no ano si mpem ahansia ne mmiɛnsa ahanum ne aduonum.
| אלה פקודי בני ישראל לבית אבתם כל פקודי המחנת לצבאתם שש מאות אלף ושלשת אלפים וחמש מאות וחמשים׃ |
33 Sɛdeɛ Awurade hyɛɛ Mose no, wɔankan Lewifoɔ no anka Israelfoɔ no ho.
| והלוים לא התפקדו בתוך בני ישראל כאשר צוה יהוה את משה׃ |
34 Enti Israelfoɔ yɛɛ biribiara sɛdeɛ Awurade hyɛɛ Mose no. Wɔbobɔɔ wɔn atenaeɛ, tenatenaa wɔn frankaa ahodoɔ ase, na wɔnantee nnidisoɔ nnidisoɔ sɛdeɛ wɔn mmusua ne wɔn afie teɛ.
| ויעשו בני ישראל ככל אשר צוה יהוה את משה כן חנו לדגליהם וכן נסעו איש למשפחתיו על בית אבתיו׃ |
