Yohane 13
1 Adeɛ rebɛkye ama Twam Afahyɛ no aduru no, Yesu hunuu sɛ afei, berɛ aso sɛ ɔfiri ewiase kɔ nʼAgya nkyɛn. Yesu yɛ obi a na ɔdɔ nʼakyidifoɔ, na ɔdɔɔ wɔn kɔsii sɛ ɔwuiɛ.
逾越节前一天，耶稣知道自己时候已到，将会离开这世界，回到天父那里去。他爱这世上追随他的人，现在他将显示对他们所有的爱。
2 Ɛberɛ a na Yesu ne nʼasuafoɔ te adidiiɛ no, ɔbonsam kɔhyɛɛ Yuda Iskariot a ɔyɛ Simon ba no mu sɛ ɔnyi Yesu mma.
吃晚饭的时候，魔鬼已经把出卖耶稣的念头植入西门的儿子——加略人犹大的心里。
3 Yesu nim sɛ nʼAgya de tumi nyinaa ahyɛ ne nsa, na ɔfiri Onyankopɔn nkyɛn na ɔbaeɛ, na ɔresane akɔ ne nkyɛn.
耶稣知道天父的权力掌控了一切，他知道自己来自上帝，也将回到上帝。
4 Yesu sɔre firii didipono no ho, yii nʼatadeɛ ngugusoɔ guu hɔ, de mpepaho twaa nʼasene.
于是他站起身，脱去外衣，在腰上扎了一条毛巾。
5 Ɔhwiee nsuo guu dwaresɛn bi mu na ɔhyɛɛ aseɛ hohoroo asuafoɔ no nan ase de mpepaho no pepaeɛ.
然后倒了一盆水，开始给门徒们洗脚，用腰上的毛巾擦干。
6 Ɛberɛ a Yesu duruu Simon Petro so no, Petro bisaa no sɛ. “Awurade, worebɛhohoro me nan ase anaa?”
轮到彼得时，他问到：“主啊，你要给我洗脚吗？”
7 Yesu buaa no sɛ, “Deɛ mereyɛ yi, worente aseɛ seesei, nanso akyire no wobɛte aseɛ.”
耶稣回答：“你现在并不知道我在为你做什么，但总有一天会明白。”
8 Petro ampene asɛm a ɔkaeɛ no so kaa sɛ, “Ɛnyɛ wo na ɛsɛ sɛ wohohoro me nan ase.” Yesu ka kyerɛɛ no sɛ, “Sɛ manhohoro wo nan ase a, na wonka me ho.” (aiōn g165)
彼得说：“不！不要洗我的脚！”耶稣回答：“如果我不为你洗脚，你和我就没有任何关系了。” (aiōn g165)
9 Simon Petro kaa sɛ, “Awurade, ɛnneɛ na ɛnyɛ me nan ase nko, na mmom, me nsa ho ne me tirim nso ka ho.”
彼得说：“主啊，那就不要只是洗我的脚，连我的手和头也都洗吧！”
10 Yesu ka kyerɛɛ no sɛ, “Obiara a wadware no, adwareɛ ho nhia no bio gye ne nan ase nko na ɛsɛ sɛ ɔhohoro, ne onipadua no deɛ, efi biara nni ho. Mo nyinaa ho ate, gye mo mu baako pɛ.”
耶稣回答：“洗过澡的人只要洗脚就能获得全身的洁净。你们是洁净的，但并非人人如此。”
11 Na Yesu nim onipa ko a ɔrebɛyi no ama no, ɛno enti na ɔkaa sɛ ɛnyɛ wɔn nyinaa na wɔn ho ate no.
因为耶稣知道谁出卖了他，所以他说“但并非人人如此。”
12 Yesu hohoroo wɔn nan ase wieeɛ no, ɔfaa nʼatadeɛ ngugusoɔ no hyɛeɛ, sane kɔtenaa didipono no ho. Afei, ɔbisaa nʼasuafoɔ no sɛ, “Mote deɛ mayɛ yi ase anaa?
耶稣洗完了门徒们的脚，穿上外衣回到座位上坐下，对他们说：“你们理解我为你们所做的一切吗？
13 Mofrɛ me ‘Ɔkyerɛkyerɛfoɔ’ ne ‘Awurade’ a, modi me frɛ; ɛfiri sɛ, ɛno ne deɛ meyɛ.
你们称呼我‘老师’和‘主’，这样称呼没错，我本来就是。
14 Sɛ me a meyɛ mo Awurade ne Ɔkyerɛkyerɛfoɔ no mpo ahohoro mo nan ase a, ɛnneɛ, na ɛsɛ sɛ mo nso mohohoro hohoro mo ho mo ho nan ase.
如果作为主和你们的老师，仍然为你们洗脚，你们也应当为彼此洗脚。
15 Mayɛ yei de ayɛ nhwɛsoɔ ama mo sɛdeɛ mo nso mobɛyɛ saa ara.
我为你们做出榜样，希望你们也能做我所做的事情。
16 Mereka nokorɛ akyerɛ mo sɛ, akoa nsene ne wura; saa ara nso na ɔsomafoɔ nsene deɛ ɔsomaa no no.
实话实说，仆人不能高于主人，奉命行事之人不能高过派遣他之人。
17 Afei a moate deɛ meyɛeɛ no ase yi, sɛ moyɛ saa bi a, mobɛnya nhyira.
既然你们已经理解了这些事，付诸行动就会有福报。
18 “Ɛnyɛ mo nyinaa na mereka saa asɛm yi akyerɛ mo, menim wɔn a mayi wɔn. Nanso, ɛsɛ sɛ Atwerɛsɛm a ɛka sɛ, ‘Onipa a ɔne me to nsa didi no, bɛyi me ama’ no ba mu.
但我并不是说你们所有人，我知道自己选择的那些人，但是经文中说：‘与我一起用餐的人会背叛我’，这句话将会应验。
19 “Mereka yeinom nyinaa akyerɛ mo ansa na aba mu sɛdeɛ ɛbɛyɛ a, mobɛgye adi.
我在事情还没有发生之前告诉你们，因为当它发生的时候，你们就会相信我是谁。
20 Mereka nokorɛ akyerɛ mo sɛ, obiara a ɔbɛgye deɛ masoma no no, ɔgye me nso, na obiara a ɔgye me no nso gye deɛ ɔsomaa me no.”
告诉你们实话，迎接我所派遣的人，就是迎接我，迎接我，就是迎接派我来此之人。”
21 Yesu kaa yeinom nyinaa wieeɛ no, ne ho yeraa no ma ɔpaee mu kaa sɛ, “Mereka nokorɛ akyerɛ mo, mo mu baako bɛyi me ama!”
耶稣说完这番话，深感难过，于是大声说：“告诉你们实话，你们中间有一个人要出卖我。”
22 Asuafoɔ no de ahodwirie hwehwɛhwehwɛɛ wɔn ho wɔn ho anim pɛɛ sɛ wɔhunu deɛ ɔde no no.
门徒们看着彼此，不知道他所指是谁。
23 Na asuafoɔ no mu baako a Yesu pɛ nʼasɛm no te ne nkyɛn pɛɛ.
耶稣所爱的那名门徒坐在他身边，侧身靠近耶稣。
24 Simon Petro buu nʼani sɛ, “Bisa no na ɔnkyerɛ wo onipa ko a ɔreka ne ho asɛm no.”
彼得向他示意，让他询问耶稣这个叛徒到底是谁。
25 Ɛno enti saa osuani no twe bɛn Yesu bisaa no sɛ, “Awurade, ɛyɛ hwan?”
于是那个门徒倾斜身体贴近耶稣，问到：“主啊，是谁呢？”
26 Yesu buaa sɛ, “Deɛ mede burodo bɛbɔ mu ama no no, ɔno na ɔbɛyi me ama.” Na ɔde burodo bɔɔ mu de maa Yuda Iskariot a ɔyɛ Simon ba no.
耶稣回答：“我蘸一小块饼，把它给谁就是那个人了。”
27 Ɛberɛ a Yuda gyee burodo no pɛ na ɔbonsam bɛhyɛɛ ne mu. Yesu ka kyerɛɛ no sɛ, “Deɛ wopɛ sɛ woyɛ no, yɛ no ntɛm!”
于是他蘸了一小块饼，递给加略人西门的儿子犹大。犹大接过饼以后，撒旦就进入他的身体。耶稣对他说：“你想做什么，快去做吧。”
28 Wɔn a na wɔte adidiiɛ no mu biara ante asɛm a Yesu ka kyerɛɛ no no ase.
在座众人都不知道耶稣为什么这样对犹大说话。
29 Esiane sɛ Yuda na ɔhwɛ asuafoɔ no sika so enti, na wɔsusu sɛ, Yesu reka akyerɛ no sɛ, ɔnkɔtɔ biribi a ɛho hia ma afahyɛ no anaasɛ ɔnkɔma ahiafoɔ biribi.
由于犹大负责管钱，所以有人以为耶稣是叫他去购买逾越节所需用品，或是拿点东西去接济穷人。
30 Yuda gyee burodo no pɛ na ɔfirii adi; saa ɛberɛ no na ɛyɛ anadwo.
犹大吃了饼后立刻就离开，走进了一片黑夜。
31 Yuda firii adi kɔeɛ akyi no, Yesu kaa sɛ, “Afei na Onipa Ba no animuonyam ada adi; na Onyankopɔn nam Ɔba no so ada nʼanimuonyam adi.
他离开后，耶稣就说：“现在人子已获得荣耀，上帝也通过人子获得荣耀，
32 Na sɛ ɛnam Ɔba no so na Onyankopɔn animuonyam da adi a, Onyankopɔn nso nam ne tumi so bɛda Onipa Ba no animuonyam adi. Ɔbɛyɛ yei ntɛm so.
上帝如果通过人子获得荣耀，也将会让人子获得荣耀，并且会立刻这么做。
33 “Me mma, ɛrenkyɛre biara, mɛgya mo hɔ. Sɛdeɛ meka kyerɛɛ Yudafoɔ mpanin no, mobɛhwehwɛ me, nanso morentumi mma faako a merekɔ hɔ no.
我的孩子们，我与你们在一起的时候不多了。你们会寻找我，但我要把对犹太人所说的告诉你们：‘我去的地方，你们不能去。’
34 “Ahyɛdeɛ foforɔ na mede regya mo sɛ, ‘Monnodɔ mo ho sɛdeɛ medɔ mo no.
我现在要给你们一个新命令：要爱彼此，要像我爱你们的方式爱彼此。
35 Na sɛ mododɔ mo ho mo ho a, obiara bɛhunu sɛ moyɛ mʼasuafoɔ.’”
如果你们爱彼此，你就是向所有人证明，你们是我的门徒。”
36 Simon Petro bisaa Yesu sɛ, “Awurade, ɛhe na worekɔ?” Yesu buaa no sɛ, “Faako a merekɔ no deɛ, worentumi nni mʼakyi; daakye bi wobɛba abɛka me ho.”
彼得对耶稣说：“主啊，你要去哪里？”耶稣回答：“我去的地方，你现在无法跟随，但今后会跟上我。”
37 Petro bisaa no sɛ, “Awurade, adɛn enti na merentumi nni wʼakyi saa ɛberɛ yi? Ɛyɛ owuo mpo a, mɛwu ama wo.”
彼得说：“主啊，为什么我现在不能跟随你？为了你，要我放弃生命也可以！”
38 Yesu bisaa no sɛ, “Woasiesie wo ho ampa ara sɛ wobɛwu ama me anaa? Mereka nokorɛ akyerɛ wo sɛ, ansa na akokɔ bɛbɔn no, na woapa me mprɛnsa.”
耶稣说：“你愿意为我放弃生命吗？告诉你实话，鸡叫之前，你一定会有三次不认我。”
