Hiob 41
1 “Wobɛtumi de darewa atwe ɔdɛnkyɛmmirampɔn anaa wobɛtumi de ahoma akyekyere ne tɛkrɛma?
| תמשך לויתן בחכה ובחבל תשקיע לשנו |
2 Wobɛtumi de ahoma afa ne hwenemu, anaasɛ wobɛtumi de darewa asɔ nʼapantan mu?
| התשים אגמן באפו ובחוח תקב לחיו |
3 Ɔbɛkɔ so asrɛ wo sɛ hunu no mmɔbɔ anaa? Ɔne wo bɛkasa brɛoo?
| הירבה אליך תחנונים אם-ידבר אליך רכות |
4 Ɔbɛpene ne wo ayɛ apam ama wode no ayɛ wʼakoa afebɔɔ anaa?
| היכרת ברית עמך תקחנו לעבד עולם |
5 Wobɛtumi de no ayɛ ayɛmmoa te sɛ anomaa anaa wobɛtumi asa no ahoma de no ama wo mmammaa?
| התשחק-בו כצפור ותקשרנו לנערותיך |
6 Adwadifoɔ bɛpɛ sɛ wobɛtɔ no de no adi dwa anaa?
| יכרו עליו חברים יחצוהו בין כנענים |
7 Wobɛtumi de mpea awowɔ ne wedeɛ mu anaasɛ wode mpataa pɛmɛ bɛwowɔ ne tiri ho?
| התמלא בשכות עורו ובצלצל דגים ראשו |
8 Wode wo nsa ka no a, wobɛkae sɛdeɛ ɔbɛwoso ne ho, enti worenyɛ saa bio!
| שים-עליו כפך זכר מלחמה אל-תוסף |
9 Ɛkwan biara nni hɔ a wobɛfa so akye no; ani a ɛbɔ ne so kɛkɛ no ma nnipa dwodwo.
| הן-תחלתו נכזבה הגם אל-מראיו יטל |
10 Obiara ntumi nsi ne bo nhwanyane no. Afei hwan na ɔbɛtumi ne me adi asie?
| לא-אכזר כי יעורנו ומי הוא לפני יתיצב |
11 Hwan na mede no ka a ɛsɛ sɛ metua? Biribiara a ɛhyɛ ɔsoro ase wɔ me.
| מי הקדימני ואשלם תחת כל-השמים לי-הוא |
12 “Me werɛ remfiri sɛ mɛka nʼakwaa, nʼahoɔden ne ne bɔberɛ fɛfɛ no ho asɛm.
| לא- (לו-) אחריש בדיו ודבר-גבורות וחין ערכו |
13 Hwan na ɔbɛtumi aworɔ ne ho nwoma, na hwan na ɔde nnareka bɛkɔ ne ho?
| מי-גלה פני לבושו בכפל רסנו מי יבוא |
14 Hwan na ɔbɛtumi abue nʼapantan, a ɛse a ɛyɛ hu ayɛ no ma no?
| דלתי פניו מי פתח סביבות שניו אימה |
15 Nʼakyi wɔ abona a ɛsesa soɔ, ɛpipi so a ɛkwan nna mu koraa;
| גאוה אפיקי מגנים סגור חותם צר |
16 sɛdeɛ ɛpipi so fa no enti, mframa biara mfa ntam.
| אחד באחד יגשו ורוח לא-יבא ביניהם |
17 Ɛtoatoa mu dendeenden a emu ntumi ntete.
| איש-באחיהו ידבקו יתלכדו ולא יתפרדו |
18 Sɛ ɔnwansi a, ɛtete ogya; nʼaniwa aba te sɛ ahemadakye hann.
| עטישתיו תהל אור ועיניו כעפעפי-שחר |
19 Egyatɛn turi firi nʼanom na nsramma turituri firi mu.
| מפיו לפידים יהלכו כידודי אש יתמלטו |
20 Wisie tene firi ne hwene mu te sɛ ɛsɛn a ɛsi ogya soɔ.
| מנחיריו יצא עשן-- כדוד נפוח ואגמן |
21 Nʼahomeɛ ma gyabidie ano sɔ, na egyadɛreɛ tu firi nʼanom.
| נפשו גחלים תלהט ולהב מפיו יצא |
22 Ne kɔn mu wɔ ahoɔden ankasa; wɔn a wɔhunu no no abasa mu tu.
| בצוארו ילין עז ולפניו תדוץ דאבה |
23 Ne wedeɛ a abubu agu soɔ no yɛ peperee; ayɛ pemee a ɛnkeka ne ho.
| מפלי בשרו דבקו יצוק עליו בל-ימוט |
24 Ne koko so yɛ dene sɛ ɔbotan; ɛyɛ dene sɛ ayuoyammoɔ.
| לבו יצוק כמו-אבן ויצוק כפלח תחתית |
25 Sɛ ɔsɔre a, ahoɔdenfoɔ bɔ huboa; sɛ ɔporo ne ho a, wɔdwane.
| משתו יגורו אלים משברים יתחטאו |
26 Akofena wɔ no a, ɛnka no, pea, pɛmɛ ne agyan nso saa ara.
| משיגהו חרב בלי תקום חנית מסע ושריה |
27 Ɔfa dadeɛ sɛ wira bi na kɔbere mfrafraeɛ te sɛ dua a awuo bi ma no.
| יחשב לתבן ברזל לעץ רקבון נחושה |
28 Agyan mma no nnwane; ahwimmoɔ mu aboa yɛ ntɛtɛ ma no.
| לא-יבריחנו בן-קשת לקש נהפכו-לו אבני-קלע |
29 Aporibaa te sɛ ɛserɛ wɔ nʼani so; na ɔsere pɛmɛ nnyegyeɛ.
| כקש נחשבו תותח וישחק לרעש כידון |
30 Abon a ano yɛ nnam tuatua ne yafunu so. Ɔtwe ne ho ase wɔ fam fa atɛkyɛ mu a, ɛyiyi akam.
| תחתיו חדודי חרש ירפד חרוץ עלי-טיט |
31 Ɔma ebunu mu huru sɛ nsuo a ɛwɔ ɛsɛn mu na ɔnunu ɛpo mu sɛ sradeɛ a ɛwɔ kukuo mu.
| ירתיח כסיר מצולה ים ישים כמרקחה |
32 Deɛ ɔbɛfa no, ɛhɔ nsuo no pa yerɛyerɛ; na obi bɛsusu sɛ ɛpo bunu adane ayɛ dwono.
| אחריו יאיר נתיב יחשב תהום לשיבה |
33 Biribiara a ɛwɔ asase so ne no nsɛ. Ɔyɛ abɔdeɛ a ɔnsuro hwee.
| אין-על-עפר משלו העשו לבלי-חת |
34 Ɔmmu wɔn a wɔyɛ ahantan no mu biara; ɔyɛ wɔn a wɔyɛ ahomasoɔ no nyinaa so ɔhene.”
| את-כל-גבה יראה הוא מלך על-כל-בני-שחץ |
