Hiob 39
1 “Wonim ɛberɛ a bepɔ so mmirekyie wowoɔ? Woahwɛ, ahunu ɛberɛ a ɔforoteɛ nyinsɛn ne ba?
| הידעת--עת לדת יעלי-סלע חלל אילות תשמר |
2 Woakane abosome dodoɔ a wɔde nyinsɛn? Wonim ɛberɛ a wɔwoɔ anaa?
| תספר ירחים תמלאנה וידעת עת לדתנה |
3 Wɔkoto wowo wɔn mma; na wɔn awokoɔ yea to twa.
| תכרענה ילדיהן תפלחנה חבליהם תשלחנה |
4 Wɔn mma nyini ahoɔden so wɔ wiram; na wɔgya wɔn awofoɔ hɔ a wɔnnsane nkɔ wɔn nkyɛn bio.
| יחלמו בניהם ירבו בבר יצאו ולא-שבו למו |
5 “Hwan na ɔma wiram afunumu fa ne ho die? Hwan na ɔsanee ne nhoma?
| מי-שלח פרא חפשי ומסרות ערוד מי פתח |
6 Mede asase bonini maa no sɛ ne fie, ne nkyene asase tamaa sɛ nʼatenaeɛ.
| אשר-שמתי ערבה ביתו ומשכנותיו מלחה |
7 Ɔsere kurom gyegyeegyeyɛ no; na ɔnte ɔkafoɔ nteateam.
| ישחק להמון קריה תשאות נגש לא ישמע |
8 Ɔkyinkyini mmepɔ no so sɛ nʼadidibea; ɛhɔ na ɔkyin hwehwɛ wira mono biara.
| יתור הרים מרעהו ואחר כל-ירוק ידרוש |
9 “Ɛkoɔ bɛpene sɛ ɔbɛsom wo anaa? Ɔbɛtena wo mmoa adididaka nkyɛn anadwo anaa?
| היאבה רים עבדך אם-ילין על-אבוסך |
10 Wobɛtumi asa no wɔ fentemfidie so? Ɔbɛfentem mmɔnhwa a ɛda wʼakyi anaa?
| התקשר-רים בתלם עבתו אם-ישדד עמקים אחריך |
11 Wobɛtumi de wo ho ato no so ɛsiane nʼahoɔden dodoɔ nti? Wobɛgya wʼadwuma a ɛyɛ den ama no anaa?
| התבטח-בו כי-רב כחו ותעזב אליו יגיעך |
12 Wogye di sɛ ɔde wʼaburo bɛba na waboa ano de akɔ ayuporobea anaa?
| התאמין בו כי-ישוב (ישיב) זרעך וגרנך יאסף |
13 “Sohori bɔ nʼataban mu anigyeɛ so, nanso wɔntumi mfa ntoto asukɔnkɔn deɛ ho.
| כנף-רננים נעלסה אם-אברה חסידה ונצה |
14 Ɔto ne nkosua gu asase so ma mfuturo ka no hye,
| כי-תעזב לארץ בציה ועל-עפר תחמם |
15 ɛmfa ne ho sɛ ɛnan bi bɛpɛkyɛ no, sɛ wiram aboa bi bɛtiatia so.
| ותשכח כי-רגל תזורה וחית השדה תדושה |
16 Ɔbɔ ne mma atirimuɔden sɛdeɛ wɔnnyɛ ne dea; ɛmfa ne ho sɛ nʼadwuma bɛyɛ kwa,
| הקשיח בניה ללא-לה לריק יגיעה בלי-פחד |
17 ɛfiri sɛ Onyankopɔn amma no nyansa, wamma no nhunumu biara.
| כי-השה אלוה חכמה ולא-חלק לה בבינה |
18 Nanso sɛ ɔtrɛ ne ntaban mu tu mmirika a, ɔsere ɔpɔnkɔ ne ne sotefoɔ.
| כעת במרום תמריא תשחק לסוס ולרכבו |
19 “Wo na woma ɔpɔnkɔ no nʼahoɔden anaa wode ne kɔn mu nwi kuhaa no ma no?
| התתן לסוס גבורה התלביש צוארו רעמה |
20 Wo na woma no huri te sɛ ntutummɛ, na ɔde ne nkorɔmo hunahuna anaa?
| התרעישנו כארבה הוד נחרו אימה |
21 Ɔde ne nan tintim fam denden, na nʼani gye nʼahoɔden mu, na afei ɔbɔ wura ɔko mu.
| יחפרו בעמק וישיש בכח יצא לקראת-נשק |
22 Ɔmmɔ hu, na ɔnsuro biribiara; ɔhunu akofena a ɔnnwane.
| ישחק לפחד ולא יחת ולא-ישוב מפני-חרב |
23 Bɛmma woso wɔ ne nkyɛn mu bɔha mu, na pea ne pɛmɛ nso di ahim wɔ ne ho.
| עליו תרנה אשפה להב חנית וכידון |
24 Ɔfiri ahopereɛ mu de nʼano sisi fam; na sɛ wɔhyɛn totorobɛnto a, ɔntumi nnyina faako.
| ברעש ורגז יגמא-ארץ ולא-יאמין כי-קול שופר |
25 Sɛ totorobɛnto hyɛne a ɔka sɛ, ‘Wiɛɛ!’ ɔte ɔko ho hwa firi akyirikyiri, ɔsahene no nteamu ne ɔko mu osebɔ.
| בדי שפר יאמר האח-- ומרחוק יריח מלחמה רעם שרים ותרועה |
26 “Wo nyansa na ɛma akorɔma tuo na ɔtrɛ ne ntaban mu fa anafoɔ?
| המבינתך יאבר-נץ יפרש כנפו לתימן |
27 Wo na wohyɛ ɔkɔdeɛ ma no tu kɔ sorosoro kɔyɛ ne pirebuo wɔ hɔ?
| אם-על-פיך יגביה נשר וכי ירים קנו |
28 Ɔbotan mu na ɔteɛ na ɛhɔ na ɔda; ɔbotan sorɔnsorɔn yɛ nʼabandenden.
| סלע ישכן ויתלנן-- על שן-סלע ומצודה |
29 Ɛhɔ na ɔfiri kɔpɛ nʼaduane; nʼani hunu adeɛ a ɛwɔ akyirikyiri.
| משם חפר-אכל למרחוק עיניו יביטו |
30 Mogya yɛ ne mma aduane, na baabi a atɔfoɔ wɔ no, ɛhɔ na ɔwɔ.”
| ואפרחו יעלעו-דם ובאשר חללים שם הוא |
