Hiob 36
1 Elihu toaa ne kasa so sɛ,
| ויסף אליהוא ויאמר׃ |
2 “Monto mo bo ase kakra mma me, na mɛkyerɛ mo sɛ aka bebree a ɛsɛ sɛ yɛka ma Onyankopɔn.
| כתר לי זעיר ואחוך כי עוד לאלוה מלים׃ |
3 Menya me nimdeɛ firi akyirikyiri; mɛka sɛ me Yɛfoɔ bu atɛntenenee.
| אשא דעי למרחוק ולפעלי אתן צדק׃ |
4 Monnye ntom sɛ me nsɛm yɛ nokorɛ turodoo; na meyɛ obi a ne nimdeɛ so wɔ mo mu.
| כי אמנם לא שקר מלי תמים דעות עמך׃ |
5 “Onyankopɔn so, nanso, ɔntwiri nnipa; ɔkorɔn na ɔnhinhim ne botaeɛ mu.
| הן אל כביר ולא ימאס כביר כח לב׃ |
6 Ɔmma amumuyɛfoɔ ntena nkwa mu, na ɔde amanehunufoɔ kyɛfa ma wɔn.
| לא יחיה רשע ומשפט עניים יתן׃ |
7 Ɔnnyi nʼani mfiri ɔteneneeni so. Ɔma wɔne ahemfo di adeɛ na ɔma wɔn so afebɔɔ.
| לא יגרע מצדיק עיניו ואת מלכים לכסא וישיבם לנצח ויגבהו׃ |
8 Na sɛ wɔde mpokyerɛ gu nnipa na amanehunu ahoma akyekyere wɔn papee a,
| ואם אסורים בזקים ילכדון בחבלי עני׃ |
9 ɔka deɛ wɔayɛ kyerɛ wɔn sɛ wɔnam ahantan so ayɛ bɔne.
| ויגד להם פעלם ופשעיהם כי יתגברו׃ |
10 Ɔma wɔtie ntenesoɔ na ɔhyɛ wɔn sɛ wɔnnu wɔn ho wɔn bɔne ho.
| ויגל אזנם למוסר ויאמר כי ישבון מאון׃ |
11 Sɛ wɔyɛ ɔsetie na wɔsom no a, wɔbɛdi yie wɔ wɔn ɛnna a aka no mu na wɔn mfeɛ nyinaa ayɛ anisɔ ama wɔn.
| אם ישמעו ויעבדו יכלו ימיהם בטוב ושניהם בנעימים׃ |
12 Na sɛ wɔantie no a, wɔbɛyera wɔ akofena ano, na wɔawuwu a wɔnni nimdeɛ.
| ואם לא ישמעו בשלח יעברו ויגועו בבלי דעת׃ |
13 “Wɔn a wɔnnim Onyame no kora abufuo so; mpo sɛ ɔgu wɔn nkɔnsɔnkɔnsɔn a, wɔnsu mpɛ mmoa.
| וחנפי לב ישימו אף לא ישועו כי אסרם׃ |
14 Wɔwuwu wɔn mmabunuberɛ mu wɔ adwaman mu, wɔ mmarima adwamanfoɔ a wɔtete abosonnan mu mu.
| תמת בנער נפשם וחיתם בקדשים׃ |
15 Nanso, wɔn a wɔhunu amane no, ɔgye wɔn; na ɔkasa kyerɛ wɔn wɔ wɔn haw mu.
| יחלץ עני בעניו ויגל בלחץ אזנם׃ |
16 “Ɔregye wo afiri ahohiahia mu de wo akɔ petee mu a ahokyere nnie, deɛ wowɔ asomdwoeɛ, na nnuane pa ayɛ wo ɛpono so ma.
| ואף הסיתך מפי צר רחב לא מוצק תחתיה ונחת שלחנך מלא דשן׃ |
17 Nanso seesei, atemmuo a ɛfata amumuyɛfoɔ na aba wo so; atemmuo ne atɛntenenee asɔ wo mu.
| ודין רשע מלאת דין ומשפט יתמכו׃ |
18 Hwɛ yie na obi amfa ahonya annaadaa wo; mma adanmudeɛ kɛseɛ bi ntwe wo.
| כי חמה פן יסיתך בספק ורב כפר אל יטך׃ |
19 Wʼahonya anaasɛ mpo wʼahohaw bebrebe nyinaa enti, worenkɔ amanehunu mu anaa?
| היערך שועך לא בצר וכל מאמצי כח׃ |
20 Mpere anadwo ho, sɛ ɛmmɛpra nnipa mfiri wɔn afie mu.
| אל תשאף הלילה לעלות עמים תחתם׃ |
21 Hwɛ na woannane ankɔ bɔne ho, deɛ ayɛ sɛ wopɛ sene amanehunu.
| השמר אל תפן אל און כי על זה בחרת מעני׃ |
22 “Onyankopɔn yɛ kɛseɛ wɔ ne tumi mu. Hwan na ɔyɛ ɔkyerɛkyerɛfoɔ sɛ ɔno?
| הן אל ישגיב בכחו מי כמהו מורה׃ |
23 Hwan na wahyehyɛ nʼakwan ama no anaa waka akyerɛ no sɛ, ‘Woayɛ mfomsoɔ.’
| מי פקד עליו דרכו ומי אמר פעלת עולה׃ |
24 Kae na kamfo nʼadwuma a nnipa de nnwontoɔ akamfo no.
| זכר כי תשגיא פעלו אשר שררו אנשים׃ |
25 Adasamma nyinaa ahunu; nnipa hwɛ haa firi akyirikyiri.
| כל אדם חזו בו אנוש יביט מרחוק׃ |
26 Onyankopɔn yɛ kɛseɛ, ɛboro yɛn nteaseɛ so! Ne mfeɛ dodoɔ mu nni hwehwɛbea.
| הן אל שגיא ולא נדע מספר שניו ולא חקר׃ |
27 “Ɔtwetwe nsuo a ɛsosɔ, ma ɛdane osutɔ gu asutene mu;
| כי יגרע נטפי מים יזקו מטר לאדו׃ |
28 na omununkum tɔ bosuo gu fam na osutɔ bebree gu adasamma so.
| אשר יזלו שחקים ירעפו עלי אדם רב׃ |
29 Hwan na ɔbɛtumi ate sɛdeɛ ɔtrɛtrɛ omununkum mu ase, sɛdeɛ ɔbobɔ mu firi nʼatenaeɛ?
| אף אם יבין מפרשי עב תשאות סכתו׃ |
30 Hwɛ sɛdeɛ ɔhwete nʼanyinam mu wɔ ne ho ma ɛkɔ ɛpo bunu mu.
| הן פרש עליו אורו ושרשי הים כסה׃ |
31 Yei ne ɛkwan a ɔfa so di amanaman no so na ɔma aduane bu wɔn so.
| כי בם ידין עמים יתן אכל למכביר׃ |
32 Ɔde anyinam hyɛ ne nsam ma na ɔhyɛ no sɛ ɛnsi nʼagyiraeɛ.
| על כפים כסה אור ויצו עליה במפגיע׃ |
33 Nʼaprannaa bɔ ahum a ɛreba no ho nkaeɛ; na anantwie mpo ma wɔhunu sɛ ɛreba.
| יגיד עליו רעו מקנה אף על עולה׃ |
