Hiob 30
1 “Nanso seesei wɔsere me, nnipa a manyini sene wɔn, na wɔn agyanom mfata sɛ wɔne me nnwan ho nkraman tena.
| ועתה שחקו עלי-- צעירים ממני לימים אשר-מאסתי אבותם-- לשית עם-כלבי צאני |
2 Mfasoɔ bɛn na wɔn nsa mu ahoɔden wɔ ma me, ɛberɛ a wɔn ahoɔden afiri wɔn mu?
| גם-כח ידיהם למה לי עלימו אבד כלח |
3 Ohia ne ɛkɔm ama wɔn ho atete, wɔnante asase wesee ne asase bonini so anadwo.
| בחסר ובכפן גלמוד הערקים ציה--אמש שואה ומשאה |
4 Wɔboaboaa nkyenhahan ano wɔ nkyɛkyerɛ mu, na wɔde ɛserɛ so nnua nhini yɛɛ wɔn aduane.
| הקטפים מלוח עלי-שיח ושרש רתמים לחמם |
5 Wɔn mfɛfoɔ pamoo wɔn firii wɔn mu, na wɔhuroo wɔn sɛ akorɔmfoɔ.
| מן-גו יגרשו יריעו עלימו כגנב |
6 Wɔhyɛɛ wɔn ma wɔtenaa nsuka a emu awo, abotan ne ɛfam ntokuro mu.
| בערוץ נחלים לשכן חרי עפר וכפים |
7 Wɔsuu sɛ mfunumu wɔ wiram na wɔfoforee so wɔ ɔdɔtɔ ase.
| בין-שיחים ינהקו תחת חרול יספחו |
8 Ekuo a wɔmfra na wɔnni din, wɔpam wɔn firii asase no so.
| בני-נבל גם-בני בלי-שם-- נכאו מן-הארץ |
9 “Na ɛnnɛ yi wɔn mmammarima de dwom bɔ me akutia; mayɛ abusudeɛ wɔ wɔn mu.
| ועתה נגינתם הייתי ואהי להם למלה |
10 Wɔkyiri me na wɔnnka mma me ho; wɔmmfɛre sɛ wɔtete ntasuo gu mʼanim.
| תעבוני רחקו מני ומפני לא-חשכו רק |
11 Afei a Onyankopɔn abubu me tadua na ɔde amanehunu aba me so yi, wɔyɛ deɛ wɔpɛ wɔ mʼanim.
| כי-יתרו (יתרי) פתח ויענני ורסן מפני שלחו |
12 Abusuakuo no to hyɛ me so wɔ me nifa so; wɔsum me nan mfidie, na wɔsisi apie tia me.
| על-ימין פרחח יקומו רגלי שלחו ויסלו עלי ארחות אידם |
13 Wɔsisi mʼakwan; na wɔnya me sɛe me na obiara mmoa me.
| נתסו נתיבתי להותי יעילו לא עזר למו |
14 Wɔba te sɛ deɛ wɔfiri ntokuro a ano abae mu; wɔnam mmubuiɛ no mu munimuni ba.
| כפרץ רחב יאתיו תחת שאה התגלגלו |
15 Ahunahuna ma me ho dwiri me; mʼanimuonyam atu kɔ sɛdeɛ mframa abɔ agu, me banbɔ atu ayera sɛ omununkum.
| ההפך עלי בלהות תרדף כרוח נדבתי וכעב עברה ישעתי |
16 “Na seesei, me nkwa resa; na amanehunu nna akyekyere me.
| ועתה--עלי תשתפך נפשי יאחזוני ימי-עני |
17 Anadwo wowɔ me nnompe mu; ɔyea a ɛwe me no nnyae.
| לילה--עצמי נקר מעלי וערקי לא ישכבון |
18 Onyankopɔn firi ne tumi mu yɛ sɛ aduradeɛ ma me; ɔmia me te sɛ mʼatadeɛ kɔn.
| ברב-כח יתחפש לבושי כפי כתנתי יאזרני |
19 Ɔto me twene atɛkyɛ mu na ɔma me yɛ sɛ mfuturo ne nsõ.
| הרני לחמר ואתמשל כעפר ואפר |
20 “Ao Onyankopɔn, mesu mefrɛ wo, nanso wommua me. Mesɔre gyina, nanso wohwɛ me kɛkɛ.
| אשוע אליך ולא תענני עמדתי ותתבנן בי |
21 Woba me so anibereɛ so; wode wʼabasa mu tumi to hyɛ me so.
| תהפך לאכזר לי בעצם ידך תשטמני |
22 Wohwim me na wode mframa pia me; wodankyidankyi me wɔ ahum mu.
| תשאני אל-רוח תרכיבני ותמגגני תשוה (תשיה) |
23 Menim sɛ wode me bɛkɔ owuo mu, baabi a woahyɛ ama ateasefoɔ nyinaa.
| כי-ידעתי מות תשיבני ובית מועד לכל-חי |
24 “Ampa ara obiara mfa ne nsa nka onipa a ɔrebrɛ ɛberɛ a ɔresu pɛ mmoa wɔ nʼamanehunu mu.
| אך לא-בעי ישלח-יד אם-בפידו להן שוע |
25 Mansu amma wɔn a wɔwɔ ɔhaw mu anaa? Me kra werɛ anho amma ahiafoɔ anaa?
| אם-לא בכיתי לקשה-יום עגמה נפשי לאביון |
26 Nanso ɛberɛ a mʼani da papa so no, bɔne baeɛ; ɛberɛ a mepɛɛ hann no, esum na ɛduruuɛ.
| כי טוב קויתי ויבא רע ואיחלה לאור ויבא אפל |
27 Meyafunu mu a ɛwowɔ me no nnyae da; na nna a amanehunu wɔ mu da mʼanim.
| מעי רתחו ולא-דמו קדמני ימי-עני |
28 Menenam a mabiri a ɛnyɛ sɛ owia na ahye me; megyina adwaberem na mesu pɛ mmoa.
| קדר הלכתי בלא חמה קמתי בקהל אשוע |
29 Madane nnompo nuabarima, me ne apatuo na ɛbɔ.
| אח הייתי לתנים ורע לבנות יענה |
30 Me honam ani abiri na ɛhwanehwane; huraeɛ ama me ho adɔ.
| עורי שחר מעלי ועצמי-חרה מני-חרב |
31 Me sankuo bɔ kwadwom, na mʼatɛntɛbɛn ma agyaadwotwa nnyegyeɛ.
| ויהי לאבל כנרי ועגבי לקול בכים |
