Hiob 27
1 Hiob toaa nʼasɛm so sɛ,
| ויסף איוב שאת משלו ויאמר |
2 “Sɛ Onyankopɔn te ase yi, ɔno a wammu me atɛntenenee, Otumfoɔ a wama madi me kra mu awerɛhoɔ;
| חי-אל הסיר משפטי ושדי המר נפשי |
3 mmerɛ dodoɔ a nkwa wɔ me mu, na Onyankopɔn homeɛ wɔ me mu yi,
| כי-כל-עוד נשמתי בי ורוח אלוה באפי |
4 mʼano renka amumuyɛsɛm, na me tɛkrɛma rentwa nkontompo.
| אם-תדברנה שפתי עולה ולשוני אם-יהגה רמיה |
5 Merennye nto mu da sɛ deɛ woka no yɛ nokorɛ; merenka me mudie nhyɛ, kɔsi sɛ mɛwuo.
| חלילה לי אם-אצדיק אתכם עד-אגוע-- לא-אסיר תמתי ממני |
6 Mɛkura me tenenee mu. Merennyaa mu; sɛ mete ase yi, me tiboa remmu me fɔ.
| בצדקתי החזקתי ולא ארפה לא-יחרף לבבי מימי |
7 “Ma mʼatamfoɔ nyɛ sɛ amumuyɛfoɔ, na wɔn a wɔkyiri me nyɛ sɛ atorofoɔ.
| יהי כרשע איבי ומתקוממי כעול |
8 Anidasoɔ bɛn na deɛ ɔnni nyamesu no wɔ wɔ ne wuo akyi, ɛberɛ a Onyankopɔn agye ne nkwa afiri ne nsam?
| כי מה-תקות חנף כי יבצע כי ישל אלוה נפשו |
9 Onyankopɔn tie ne sufrɛ ɛberɛ a amanehunu aba ne so anaa?
| הצעקתו ישמע אל-- כי-תבוא עליו צרה |
10 Nʼani bɛgye wɔ Otumfoɔ mu? Ɔbɛsu afrɛ Onyankopɔn ɛberɛ biara anaa?
| אם-על-שדי יתענג יקרא אלוה בכל-עת |
11 “Mɛma mo Onyankopɔn tumi ho nkyerɛkyerɛ; meremfa Otumfoɔ no akwan nhinta.
| אורה אתכם ביד-אל אשר עם-שדי לא אכחד |
12 Mo ankasa moahunu yeinom nyinaa. Afei nsɛnhunu yi ase ne sɛn?
| הן-אתם כלכם חזיתם ולמה-זה הבל תהבלו |
13 “Yei ne deɛ Onyankopɔn ahyɛ ato hɔ ama omumuyɛfoɔ, agyapadeɛ a otirimuɔdenfoɔ nya firi Otumfoɔ nkyɛn:
| זה חלק-אדם רשע עם-אל ונחלת עריצים משדי יקחו |
14 Sɛ ɔwɔ mma dodoɔ sɛn ara, wɔn hyɛberɛ ne akofena; na nʼasefoɔ rennidi mmee da.
| אם-ירבו בניו למו-חרב וצאצאיו לא ישבעו-לחם |
15 Ɔyaredɔm bɛsie wɔn a wɔbɛka wɔ nʼakyi, na wɔn akunafoɔ rensu wɔn.
| שרידיו במות יקברו ואלמנתיו לא תבכינה |
16 Ɛwom sɛ ɔhɔre dwetɛ te sɛ mfuturo na ɔboa ntoma ano sɛ dɔteɛ deɛ,
| אם-יצבר כעפר כסף וכחמר יכין מלבוש |
17 nanso deɛ ɔpɛ gu hɔ no, ateneneefoɔ na wɔbɛfira na pɛpɛfoɔ no nso akyekyɛ dwetɛ no.
| יכין וצדיק ילבש וכסף נקי יחלק |
18 Efie a ɔsi no te sɛ ananse afafa, ɛte sɛ pata bi a ɔwɛmfoɔ abɔ.
| בנה כעש ביתו וכסכה עשה נצר |
19 Ɔda hɔ te sɛ ɔdefoɔ, nanso ɔrenna saa bio; ɔbɛte nʼani no na ne nyinaa atu ayera.
| עשיר ישכב ולא יאסף עיניו פקח ואיננו |
20 Ahunahuna ba ne so sɛ nsuyire; ahum hwim no kɔ anadwo.
| תשיגהו כמים בלהות לילה גנבתו סופה |
21 Apueeɛ mframa soa no kɔ, na ɔnni hɔ bio; ɛtwe no firi ne teberɛ.
| ישאהו קדים וילך וישערהו ממקמו |
22 Ɛbɔ no a ahummɔborɔ nni mu ɛberɛ a ɔredwane afiri ne tumi ase.
| וישלך עליו ולא יחמל מידו ברוח יברח |
23 Ɔde fɛ bɔ ne nsam na ɔpamoo no firi ne teberɛ.”
| ישפק עלימו כפימו וישרק עליו ממקמו |
